വയനാട് മെഡി. കോളേജ് സെക്യൂരിറ്റി ജീവനക്കാരെ മർദിച്ച യുവാവ് അറസ്റ്റിൽ

വയനാട് ഗവ. മെഡിക്കൽ കോളേജിൽ ജോലിയിലുണ്ടായിരുന്ന സുരക്ഷജീവനക്കാരെ മർദിച്ച സംഭവത്തിൽ യുവാവ് അറസ്റ്റിൽ. കാട്ടിക്കുളം എടയൂർകുന്നിൽ താമസിക്കുന്ന കണ്ണൂർ മേലേമുരിങ്ങോടി പെരുപുന്ന മിനിക്കൽ വീട്ടിൽ എൻ.കെ. അൽ അമീനെ(28)നെയാണ് മാനന്തവാടി പോലീസ് അറസ്റ്റു ചെയ്തത്. ചൊവ്വാഴ്ച ഉച്ചയ്ക്ക് 12.30-ഓടെയായിരുന്നു സംഭവം. ആശുപത്രിയിൽ ജോലിയിലുണ്ടായിരുന്ന തങ്ങളെ തടഞ്ഞുവെക്കുകയും മർദിക്കുകയും ചെയ്തതായി സുരക്ഷ ജീവനക്കാരായ വി. ചന്ദ്രൻ, പി.വി. ഷിബു, പി.എം. അബ്ദുൾ സുനീർ എന്നിവർ പരാതി നൽകിയിരുന്നു. സുനീർ മെഡിക്കൽ കോളേജിൽ ചികിത്സ തേടുകയും ചെയ്തിരുന്നു. എസ്.സി./എസ്.ടി. വിഭാഗങ്ങൾക്ക് നേരെയുള്ള അതിക്രമം, ആശുപത്രി സംരക്ഷണനിയമം ഉൾപ്പെടെയുള്ള വകുപ്പുകൾ ചുമത്തിയാണ് കേസ്