മെഡിക്കൽ കോളജ്: മടക്കിമലയ്ക്കായി കോട്ടത്തറ ഗ്രാമ പഞ്ചായത്ത് പ്രമേയം.

വെണ്ണിയോട് :ജില്ലയ്ക്കായി 2012 ൽ പ്രഖ്യാപിക്കുകയും 2013 ൽ തറക്കല്ലിടുകയും ചെയ്ത എം.കെ.ജിനചന്ദ്രൻ സ്‌മാരക വയനാട് മെഡിക്കൽ കോളജ്, ചന്ദ്രപ്രഭ ചാരിറ്റബിൾ ട്രസ്റ്റ് സൗജന്യമായി നൽകിയ 53 ഏക്കർ ഭൂമിയിൽ നിർമിക്കണമെന്ന് ആവശ്യപ്പെട്ട് കോട്ടത്തറ ഗ്രാമ പഞ്ചായത്ത് പ്രമേയം അവതരിപ്പിച്ചു. കോട്ടത്തറ പഞ്ചായത്തിലെ മടക്കിമലയിലെ ഭൂമിയിൽ നിർമാണം ആരംഭിക്കുന്നതിനുള്ള നടപടികൾ മുഖ്യമന്ത്രിയും ആരോഗ്യ മന്ത്രിയും സ്വീകരിക്കണമെന്നും ആവശ്യപ്പെട്ടാണു പ്രമേയം. ഗ്രാമ പഞ്ചായത്ത് അംഗം പി.പി. റെനീഷ് ആണ് പ്രമേയം അവതരിപ്പിച്ചത്.