വായനാവാരാചരണത്തിന് തുടക്കം കുറിച്ചു

തോണിച്ചാൽ : എമ്മാവൂസ് വില്ല സ്പെഷ്യൽ സ്കൂളിൽ വായനാദിനാചരണ പരിപാടികൾ സ്കൂൾ പ്രിൻസിപ്പൽ സി. ജെസ്സി ഫ്രാൻസിസ് ‘വായനത്തൊട്ടിലിൽ പുസ്തകം സമർപ്പിച്ചുകൊണ്ട് ഉദ്ഘാടനം ചെയ്തു.ബ്രദർ ജോർജ്ജ് എം എം ബി അധ്യക്ഷത വഹിച്ചു. സി. സിൻസി, സി.ജോഫി, കുമാരി.അലിന്റ, മാസ്റ്റർ നിയാസ് എന്നിവർ പ്രസംഗിച്ചു.വായനാദിനാചരണത്തോടനുബന്ധിച്ച് വിദ്യാർത്ഥികൾക്കായി ‘കണ്ടെത്താം കൂട്ടിച്ചേർക്കാം’, ‘സാഹിത്യകാരന്മാരെ പരിചയപ്പെടുത്തൽ’ എന്നീ പരിപാടികളും കുട്ടികളുടെ വിവിധ കലാപരിപാടികളും അരങ്ങേറി.