മാനന്തവാടി : വയനാട്ടിലെ മാനന്തവാടിയില് കടുവയുടെ ആക്രമണത്തില് സ്ത്രീ മരിച്ചു. വനംവകുപ്പ് വാച്ചറുടെ ഭാര്യ പഞ്ചാരക്കൊല്ലി സ്വദേശിനി രാധ(45)ആണ് മരിച്ചത്.
ഇന്ന് രാവിലെ വനത്തോട് ചേര്ന്നുള്ള പ്രദേശത്താണ് സംഭവം. കാപ്പി പറിക്കുന്നതിനിടെയാണ് യുവതിക്ക് നേരെ ആക്രമണം ഉണ്ടായത്. സ്ഥലത്ത് തണ്ടർ ബോൾട്ടും ഫോറെസ്റ്റും പോലീസും ക്യാമ്പ് ചെയ്യുന്നുണ്ട്.
ദിവസങ്ങള്ക്ക് മുന്പ് പുല്പ്പള്ളിയിലെ അമരക്കുനിയില് നാടിനെ ഭീതിയിലാഴ്ത്തിയിരുന്ന കടുവയെ ദിവസങ്ങള് നീണ്ട തിരച്ചിലിന് ഒടുവില് കൂട്ടിലാക്കിയിരുന്നു. ഇതിന് തൊട്ടടുത്ത പ്രദേശത്താണ് കടുവയുടെ ആക്രമണം ഉണ്ടായത്. പ്രദേശത്ത് ഒന്നിലധികം കടുവകളുടെ സാന്നിധ്യമുണ്ടെന്ന് നാട്ടുകാര് പരാതിപ്പെട്ടിരുന്നു. ഇത് ശരിവെയ്ക്കുന്നതാണ് ഇന്നത്തെ സംഭവം ഉണ്ടായിരിക്കുന്നത്.
