കായികമിത്രം പദ്ധതി; മാനന്തവാടി മുൻസിപ്പൽ തല ഉദ്ഘാടനം നിർവഹിച്ചു.

സംസ്ഥാന സർക്കാരിൻ്റെ നൂറ് ദിന കർമ പരിപാടിയിൽ ഉൾപ്പെട്ട കായികമിത്രം പദ്ധതി മുൻസിപ്പൽ തല ഉദ്ഘാടനവും ജി വി എച്ച് എസ് എസ് മാനന്തവാടിയിലെ സ്കൂൾ കായികമേളയുടെ സമാപന സമ്മേളനവും സ്കൂളിൽ വെച്ച് നഗരസഭ ചെയർമാൻ ജേക്കബ്ബ് സെബാസ്റ്റ്യൻ ഉദ്‌ഘാടനം ചെയ്തു . ഇന്ത്യൻ ക്രിക്കറ്റ് താരം സജന സജീവൻ ക്രിക്കറ്റ് കിറ്റ് നൽകി കായികമിത്രക്ക് തുടക്കമായി . ചടങ്ങിൽ നഗരസഭ വിദ്യാഭ്യാസ സ്റ്റാൻഡിംങ്ങ് കമ്മിറ്റി ചെയർമാൻ പി.വി.എസ് മുസ അധ്യക്ഷനായി . ഹെഡ്മാസ്റ്റർ കെ.കെ സുരേഷ് കുമാർ സ്വാഗതവും എസ് എം സി ചെയർമാൻ മൊയ്തു അണിയാരത്ത് , പ്രിൻസിപ്പൽ തോമസ് പി സി , ജിജി കെകെ എന്നിവർ ആശംസയും കായികാധ്യാപകൻ ജെറിൽ സെബാസ്റ്റ്യൻ നന്ദിയും അർപ്പിച്ചു സംസാരിച്ചു .