പുൽപള്ളി: കാരുണ്യ പാലിയേറ്റീവ് ക്ലീനിക്കിൻ്റെ ആഭിമുഖ്യത്തിൽ പുതിയതായെത്തിയ വൊളണ്ടിയർമാർക്കായി പാലിയേറ്റീവ് കെയർ എന്ന വിഷയത്തിൽ ഏകദിന പരിശീലന പരിപാടി സംഘടിപ്പിച്ചു. എൻ.യു. ഇമ്മാനുവൽ, സുനിൽ ജോർജ്ജ്, കെ.ജി. സുകുമാരൻ എന്നിവർ വിവിധ വിഷയങ്ങളിൽ ക്ലാസുകൾ എടുത്തു. കാരുണ്യ പ്രസിഡൻ്റ് എൻ.ജെ ജോയി, സെക്രട്ടറി തങ്കമ്മ ആൻ്റണി, ദേവസ്യ വേമ്പേനി, ബെന്നി കുറുമ്പാലക്കാട്ട്, അർച്ചന, ജോബിഷ് എന്നിവർ നേതൃത്വം നൽകി.

മാനന്തവാടി : ഭിന്ന ശേഷിക്കാരായ സർക്കാർ ജീവനക്കാരുടെ സംഘടനയായ കോൺഫെഡറഷൻ ഓഫ് ഡിഫറൻ്റ്ലി ഏബിൾഡ് എംപ്ലോയീസ് ജില്ലാ പ്രസിഡന്റ്‌ ആയി അനിൽകുമാറിനെയും സെക്രട്ടറി ആയി ഷിജു ടി പി യെയും ട്രഷറർ ആയി ഷിജു സി.എസ്. നെയും വൈ: പ്രസിഡൻ്റ് ആയി ടി. പ്രദീപ നെയും ജോ : സെക്രട്ടറി ആയി സജി കൂപ്പുഴ യെയും മാനന്തവാടി ട്രൈസം ഹാളിൽ നടന്ന ജില്ലാ സമ്മേളനത്തിൽ തിരഞ്ഞെടുത്തു.

കല്‍പ്പറ്റ: വിനോദ സഞ്ചാരികളെ വയനാട്ടിലേക്ക് സ്വാഗതം ചെയ്ത് ലോക്‌സഭാ പ്രതിപക്ഷ നേതാവ് രാഹുല്‍ഗാന്ധി ഫേസ്ബുക്കില്‍ പോസ്റ്റ് ചെയ്ത കുറിപ്പ് വൈറലായി. വീഡിയോ സഹിതമിട്ട കുറിപ്പ് ഇതിനകം ആയിരങ്ങളാണ് കണ്ടത്. പുഞ്ചിരിമട്ടം ഉരുള്‍പൊട്ടല്‍ ദുരന്തത്തെത്തുടര്‍ന്ന് വയനാട് ടൂറിസം പ്രതിസന്ധി നേരിടുന്ന പശ്ചാത്തലത്തിലായിരുന്നു പോസ്റ്റ്. ‘വയനാടിന്റെ സൗന്ദര്യം തര്‍ക്കമില്ലാത്തതാണ്. അവിടത്തെ ജനങ്ങളുടെ കാരുണ്യവും ദയയുമാണ് എന്നെ എന്നുംആകര്‍ഷിച്ചിട്ടുള്ളത്. വിനോദസഞ്ചാര മേഖലയെ ഉപജീവനത്തിനായി ആശ്രയിക്കുന്ന നിരവധിയാളുകള്‍ നിലവില്‍ സഹായം കാത്തിരിക്കുകയാണ്. ഉരുള്‍ ദുരന്തം വയനാടിനെയാകെ ബാധിച്ചുവെന്ന തെറ്റിദ്ധാരണയും പ്രചാരണവും ടൂറിസത്തെ ബാധിച്ചു….

കല്‍പ്പറ്റ: പുഞ്ചിരിമട്ടം ഉരുള്‍ ദുരന്തത്തില്‍ മരിച്ചതില്‍ തിരിച്ചറിയാത്ത മൃതദേഹങ്ങളും ശരീരഭാഗങ്ങളും സംസ്‌കാരിച്ച പുത്തുമലയില്‍ ഇമാം ഡോ.ഉമര്‍ അഹമ്മദ് ഇല്യാസി പ്രാര്‍ത്ഥന നടത്തി. ഇന്ത്യയിലെ അര ലക്ഷം ഇമാമുകളുടെ മേധാവിയായ അദ്ദേഹം കോഴിക്കോട് സ്വദേശിയും യുഎഇയിലെ ഫാത്തിമ ഹെല്‍ത്ത് കെയര്‍ ഗ്രൂപ്പ് ചെയര്‍മാനുമായ ഡോ.കെ.പി. ഹുസൈന്റെ ക്ഷണം സ്വീകരിച്ചാണ് കേരളത്തിലെത്തിയത്. ഉരുള്‍ ദുരന്തത്തില്‍ മരിച്ചവര്‍ക്ക് ആദരാഞ്ജലി അര്‍പ്പിക്കാനും അവരുടെ ഓര്‍മകളെ ബഹുമാനിക്കാനും ദുഃഖിതരായ കുടുംബങ്ങള്‍ക്ക് ആശ്വാസം പകരാനും താത്പര്യം അറിയിച്ച ഇമാം ഡോ.കെ.പി. ഹുസൈനൊപ്പമാണ് പുത്തുമല സന്ദര്‍ശിച്ചത്. ഡോ.കെ.പി….