അതിജീവനത്തിന്റെ പാഠങ്ങൾ തേടി കരിങ്കുറ്റി സ്കൂൾ വിദ്യാർത്ഥികൾ ടൗൺഷിപ്പും ചൂരൽമലയും സന്ദർശിച്ചു.
മേപ്പാടി: പ്രകൃതിക്ഷോഭത്തിന്റെ നടുക്കുന്ന ഓർമ്മകൾ അവശേഷിക്കുന്ന ചൂരൽമല ദുരന്തമേഖലയിലും, പുനരധിവാസത്തിനായി ഒരുങ്ങുന്ന സ്നേഹ വീടുകളിലും സന്ദർശനം നടത്തി കരിങ്കുറ്റി ജി.വി.എച്ച്.എസ് സ്കൂളിലെ വിദ്യാർത്ഥികൾ. പാഠ്യപദ്ധതിയുടെ ഭാഗമായി സംഘടിപ്പിച്ച പഠനയാത്രയിൽ 75 അംഗ വിദ്യാർത്ഥി സംഘമാണ് പങ്കെടുത്തത്. മഹാദുരന്തം തകർത്തെറിഞ്ഞ ചൂരൽമലയുടെ മണ്ണിൽ പ്രകൃതി വരുത്തിയ മാറ്റങ്ങളും ദുരന്തത്തിന്റെ ആഘാതവും വിദ്യാർത്ഥികൾ നേരിട്ട് കണ്ടറിഞ്ഞു. തുടർന്ന് അതിജീവനത്തിന്റെ പുതിയ മാതൃകയായ ടൗൺഷിപ്പിലെ ‘സ്നേഹ വീടുകൾ’ സന്ദർശിച്ച വിദ്യാർത്ഥികൾ, തകർച്ചയിൽ നിന്നും ഒരു നാട് എങ്ങനെ ഒരുമയോടെ തിരികെ വരുന്നു…
