പടിഞ്ഞാറത്തറ. വയനാട് കോഴിക്കോട് ജില്ലകളെ എളുപ്പത്തിൽ ബന്ധിപ്പിക്കുന്ന 1994ൽ തറക്കല്ലിട്ട പടിഞ്ഞാറത്തറ പൂഴിത്തോട് ബദൽ റോഡ് സാക്ഷാത്കരിക്കുന്നതിന് ആവശ്യമായ നടപടികൾ സ്വീകരിക്കണമെന്ന് ആവശ്യപ്പെട്ടുകൊണ്ട് പൊതുമരാമത്ത് വകുപ്പ് മന്ത്രിയുമായി ചർച്ച നടത്തി. വയനാട് നേരിടുന്ന ഏറ്റവും വലിയ യാത്ര പ്രശ്നങ്ങളിൽ ഒന്ന് താമരശ്ശേരി ചുരത്തിലെ ഗതാഗതക്കുറുക്കും. കാല വർഷം ശക്തമാകുന്ന സമയത്ത് ഉണ്ടാകുന്ന ഉരുൾപൊട്ടൽ ഭീഷണിയും ആണ്. ഈ സമയത്ത് വയനാട് ജില്ലയിലെ വിവിധ ചുരങ്ങളിൽ ഉണ്ടാകുന്ന ഗതാഗത തടസ്സം മൂലം ജില്ലയിൽ നിന്നും മറ്റു ജില്ലകളിലേക്ക് ബന്ധപ്പെടാൻ…

ദിവസങ്ങൾക്ക് ശേഷം സംസ്ഥാനത്ത് സ്വർണ വിലയിൽ നേരിയ ഇടിവ്. ഇന്ന് രാവിലെ കേരള ഗോൾഡ് ആന്റ് സിൽവർ മെർച്ചന്റ്സ് അസോസിയേഷൻ പുറത്തു വിട്ട കണക്കുകൾ പ്രകാരം ഒരു ഗ്രാം സ്വർണത്തിന് 45 രൂപയാണ് കുറഞ്ഞിരിക്കുന്നത്. ഇതിന് ആനുപാതികമായി ഒരു പവൻ സ്വർണത്തിന് 360 രൂപയാണ് കുറഞ്ഞിരിക്കുന്നത്. ഇതോടെ, സംസ്ഥാനത്ത് ഒരു ഗ്രാം സ്വർണത്തിന് 13,230 രൂപയും ഒരു പവൻ സ്വർണത്തിന് 1,05,840 രൂപയുമായി വില. ഇന്നലെ രാവിലെ ഗ്രാമിന് 35 രൂപ കുറഞ്ഞ് ഗ്രാമിന് 13,275 രൂപയിലും…

ഓണവിപണിയിൽ നാസകീടനാശിനി രഹിത പൂക്കളും പച്ചക്കറികളും എത്തിക്കാൻ കുടുംബശ്രീ ജില്ലാമിഷന്റെ ഓണക്കനി, നിറപൊലിമ പൂകൃഷി പദ്ധതികളുടെയും ജീവനം 2.0 പദ്ധതിയുടെയും ജില്ലാതല ഉദ്ഘാടനം കൃഷി വകുപ്പ് മന്ത്രി ടി.സിദ്ദിഖ് ജൂലൈ 12ന് രാവിലെ 10ന് ചേലോട് എച്ച്ഐഎംയുപി സ്കൂളിൽ നിർവഹിക്കും. ഓണ വിപണി ലക്ഷ്യമിട്ടുകൊണ്ട് കീടനാശിനി തളിക്കാത്ത പൂക്കൾ വിപണിയിൽ എത്തിക്കുക എന്ന ലക്ഷ്യത്തോടെയാണ് നിറപൊലിമ പൂകൃഷി ആരംഭിക്കുന്നത്. ഓണക്കാലത്ത് ഏറെ ആവശ്യക്കാരുള്ള ബന്ദിപൂക്കളാണ് ആദ്യഘട്ടത്തിൽ കൃഷി ചെയ്യുന്നത്.   ഓണക്കാലത്ത് വിഷരഹിതമായ പച്ചക്കറികളും പഴവർഗ്ഗങ്ങളും ലഭ്യമാക്കുന്നതിനായി…

മത്സ്യകർഷക ദിനത്തോടനുബന്ധിച്ച് ജില്ലയിൽ മത്സ്യകർഷക സംഗമം നടത്തി. ജില്ലാ പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ ഉദ്ഘാടനം ചെയ്തു. പരിപാടിയുടെ ഭാഗമായി മുതിർന്ന മത്സ്യ കർഷകരെയും മികച്ച കർഷകരായി തെരഞ്ഞെടുക്കപ്പെട്ടവരേയും ആദരിച്ചു. വൈത്തിരി വഴിയോര വിശ്രമ കേന്ദ്രത്തിൽ നടന്ന പരിപാടിയില്‍ ഫിഷറീസ് ഉത്തരമേഖല ജോയിന്റ് ഡയറക്ടർ സുധീർ കിഷൻ അധ്യക്ഷത വഹിച്ചു. ലീലാമ്മ കോട്ടത്തറ, ജോസഫ് ജോൺ ചക്കാലക്കൽ, സുകുമാരൻ ഉണ്ണി, ജയിംസ് വി ജെ മേപ്പാടി, ഷംസീർ മരോട്ടിക്കൽ തൊണ്ടർനാട്, ചാക്കോച്ചൻ പി ജെ മുള്ളൻകൊല്ലി, സിന്ധു…

16.7 ലക്ഷം അയല്‍ക്കൂട്ട അംഗങ്ങള്‍ക്ക് ഇന്‍ഷുറന്‍സ് പരിരക്ഷയൊരുക്കി, കുടുംബശ്രീയുടെ ‘ജീവന്‍ ദീപം ഒരുമ’ ഇന്‍ഷുറന്‍സ് പദ്ധതി കുടുംബശ്രീ, എല്‍.ഐ.സി, കേരള സംസ്ഥാന ഇന്‍ഷുറന്‍സ് വകുപ്പും സംയുക്തമായി നടപ്പാക്കുന്ന പദ്ധതി തിരുവനന്തപുരം: കുടുംബശ്രീ മുഖേന സംസ്ഥാനത്ത് നടപ്പാക്കുന്ന ‘ജീവന്‍ ദീപം ഒരുമ’ പദ്ധതി വഴി 16.7 ലക്ഷം അയല്‍ക്കൂട്ട അംഗങ്ങള്‍ക്ക് ഇന്‍ഷുറന്‍സ് പരിരക്ഷ. കേരള സംസ്ഥാന ഇന്‍ഷുറന്‍സ് വകുപ്പും എല്‍.ഐ.സിയുമായി ചേര്‍ന്നു കൊണ്ടാണ് പദ്ധതി നടത്തിപ്പ്. ഇരുനൂറ് രൂപയാണ് വാര്‍ഷിക പ്രീമിയം. അംഗങ്ങള്‍ക്ക് മികച്ച ഇന്‍ഷുറന്‍സ് പരിരക്ഷ ഉറപ്പാക്കുന്നതിനായി…

കല്‍പ്പറ്റ: വയനാട്ടില്‍ നടത്തുന്ന വികസന പ്രവര്‍ത്തനങ്ങളില്‍ പരിശോധന ആവശ്യമാണെന്ന് തദ്ദേശ സ്വയംഭരണ മന്ത്രി കെ.എം. ഷാജി. കള്ളാടി മണ്ണിടിച്ചില്‍ മേഖല സന്ദര്‍ശിച്ച ശേഷം സംസാരിക്കുകയായിരുന്നു അദ്ദേഹം. കാണാതായവരെ കണ്ടെത്തുന്നതിനാണ് കൂടുതല്‍ ശ്രദ്ധ നല്‍കുന്നത്. അതിനുശേഷം അപകടം സംബന്ധിച്ച് അന്വേഷണം നടത്തും. അടിക്കടി ദുരന്തങ്ങളുണ്ടാകുന്നതില്‍ ജില്ലയിലെ ജനങ്ങള്‍ പരിഭ്രാന്തരാണ്. ജില്ലയില്‍ നടത്തുന്ന എല്ലാ പ്രവൃത്തികളും ഭൂമിശാസ്ത്ര പ്രത്യേകതകള്‍ കണക്കിലെടുത്താകണം. മണ്ണിടിച്ചില്‍ സംബന്ധിച്ച് വിദഗ്ധരുടെ അഭിപ്രായം തേടും. പശ്ചിമഘട്ടവുമായി ബന്ധപ്പെട്ട് ഉയര്‍ന്ന അഭിപ്രായങ്ങള്‍ മുഖവിലയ്ക്ക് എടുത്തായിരിക്കും മുന്നോട്ടുള്ള പ്രവര്‍ത്തനങ്ങളെന്നും മന്ത്രി…

പൊഴുതന മേഖലയിൽ ജനവാസ കേന്ദ്രത്തിൽ ഇറങ്ങി ആഴ്ചകളായി നാട്ടുകാരെ ഭീതിയയിൽ ആഴ്ത്തിയ പുലിയാണ് വനം വകുപ്പ് സ്ഥാപിച്ച കൂട്ടിൽ കുടുങ്ങിയത് .കല്പറ്റ സെക്ഷൻ സേട്ടുകുന്നു ഭാഗത്ത്‌ വനം വകുപ്പ് സ്ഥാപിച്ച കൂട്ടിൽ ആണ് പുലി കുടുങ്ങിയത് . കുറച്ചു ദിവസങ്ങളായി പ്രദേശത്തെ ജനവസമേഖലയിൽ ഇറങ്ങി വളർത്തുമൃഗങ്ങളെ ആക്രമിച്ചിരുന്ന പുലിയാണ് ഇന്ന് പുലർച്ചെ കൂട്ടിൽ അകപ്പെട്ടത്. പുലിയെ ഉടൻ സ്ഥലത്തു നിന്ന് മാറ്റും. വനം വകുപ്പ് ഉദ്യോഗസ്ഥർ ഉൾപ്പടെയുള്ളവർ സ്ഥലത്ത് എത്തിയിട്ടുണ്ട്

കൽപ്പറ്റ: ജൂലൈ 18 ശനിയാഴ്ച പനമരത്ത് വെച്ച് നടക്കുന്ന യങ് ഡെമോക്രാറ്റ്സ് ജില്ലാ യൂത്ത് അസംബ്ലി വിജയിപ്പിക്കുന്നതിനായി സ്വാഗതസംഘം രൂപീകരിച്ചു ജനാധിപത്യ മൂല്യങ്ങൾ ഉയർത്തിപ്പിടിക്കുന്ന ശക്തമായ യുവജന മുന്നേറ്റം ലക്ഷ്യമാക്കി രൂപംകൊണ്ട എസ്ഡിപിഐയുടെ യുവജന സംഘടനയാണ് യങ് ഡെമോക്രാറ്റ്സ്. കൽപ്പറ്റയിൽ ചേർന്ന യോഗത്തിലാണ് സ്വാഗതസംഘം നിലവിൽ വന്നത്. യങ് ഡെമോക്രാറ്റ്സ് വയനാട് ജില്ലാ ഓർഗനൈസിംഗ് കമ്മിറ്റിയുടെ ഔദ്യോഗിക പ്രഖ്യാപനം യൂത്ത് അസംബ്ലിയിൽ വെച്ച് നടക്കുമെന്ന് യങ് ഡെമോക്രാറ്റ്സ് സംസ്ഥാന പ്രതിനിധി ടി.അബ്‌ദുന്നാസർ അറിയിച്ചു. അസംബ്ലിയുടെ ഭാഗമായി ജില്ലയിലുടനീളം വിപുലമായ…

വയനാട്: കള്ളാടി തുരങ്കപാത നിർമ്മാണത്തിനിടെയുണ്ടായ വൻ ദുരന്തത്തിൽ മണ്ണിനടിയിൽപ്പെട്ട വിക്രം റാണയ്ക്കായുള്ള തിരച്ചിൽ അഞ്ചാം ദിവസമായ ഇന്നും തുടരും. ദുരന്തം നടന്ന് അഞ്ച് ദിവസങ്ങൾ പിന്നിടുമ്പോൾ ഇതുവരെ 7 പേരുടെ മരണം സ്ഥിരീകരിച്ചിട്ടുണ്ട്. അപകടം നടന്ന പ്രദേശത്തെ രണ്ടാം സോൺ കേന്ദ്രീകരിച്ചാണ് ഇന്ന് പ്രധാനമായും തിരച്ചിൽ നടത്തുക. തുരങ്കത്തിലെ സുരക്ഷാ സാഹചര്യങ്ങൾ വിലയിരുത്തുന്നതിനും തുടർനടപടികൾക്കുമായി കൊങ്കൺ റെയിൽവേയിൽ നിന്നുള്ള വിദഗ്ധ സംഘം ഇന്ന് സംഭവസ്ഥലം സന്ദർശിച്ചേക്കും. അപകടത്തെ തുടർന്ന് പരിക്കേറ്റ് വിവിധ ആശുപത്രികളിൽ ചികിത്സയിൽ കഴിയുന്ന തൊഴിലാളികളുടെ…

തിരുവനന്തപുരം: സംസ്ഥാനത്ത് അടുത്ത മൂന്ന് മണിക്കൂറില്‍ എല്ലാ ജില്ലകളിലും ഒറ്റപ്പെട്ടയിടങ്ങളില്‍ നേരിയ/ഇടത്തരം മഴയ്ക്കും മണിക്കൂറില്‍ 40 കിലോമീറ്റർ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കഴിഞ്ഞ ദിവസങ്ങളെ അപേക്ഷിച്ച്‌ ഇന്ന് മുതല്‍ മഴ കുറയുമെന്നാണ് പ്രതീക്ഷിക്കുന്നത്. നിലവില്‍ ഇന്ന് ഒരു ജില്ലയിലും പ്രത്യേക അലർട്ടുകള്‍ പ്രഖ്യാപിച്ചിട്ടില്ല. ഒറ്റപ്പെട്ട മഴയ്ക്ക് മാത്രമാണ് സാധ്യത.