വരയാൽ: വന്യജീവി ആക്രമണം ലഘൂകരിക്കാനായി വന്യജീവി സാന്നിധ്യം കൂടുതലുള്ള ഹോട്ട്സ്പോട്ടുകളിലെ വനാതിർത്തിയിലെ അടിക്കാടുകൾ നീക്കുന്ന പ്രവൃത്തി വരയാൽ ഫോറസ്റ്റ് സ്റ്റേഷൻ പരിധിയിൽ ആരംഭിച്ചു. പേര്യ ഫോറസ്റ്റ് റേഞ്ചിലെ നാല് ഹോട്ട്സ്പോട്ടുകളിലായി 20000/- രൂപയ്ക്ക് അടിക്കാട് നീക്കുന്നതിനാണ് ജില്ലാ കളക്ടറുടെ കാര്യാലയത്തിൽ നിന്നും അനുവദിച്ചത്. വരയാൽ ഫോറസ്റ്റ് സ്റ്റേഷൻ പരിധിയിൽ പേര്യ 37′ മൈൽ, 41’മൈൽ കാപ്പാട്ട്മല ഭാഗത്തെ വനാതിർത്തി പ്രദേശങ്ങളിലെ അടിക്കാടുകളാണ് ആദ്യഘട്ടത്തിൽ നീക്കുക തവിഞ്ഞാൽ ഗ്രാമപഞ്ചായത്ത് മുഖേനയാണ് ഫണ്ട് അനുവദിക്കുന്നത്.

ലഹരിയും മദ്യവും മയക്കുമരുന്നുകളും മനുഷ്യ ശരീരത്തെയും മനസ്സിനെയും കാർന്നു തിന്നുന്ന മഹാവിപത്തായി മാറിയിരിക്കുന്ന ഇന്നത്തെ പ്രത്യേക കാലഘട്ടത്തിൽ ലഹരി വിരുദ്ധ ആശയങ്ങളും ഗാന്ധിയൻ മൂല്യങ്ങളും സ്കൂൾ പാഠ്യപദ്ധതിയുടെ ഭാഗമാക്കണമെന്ന് ഗാന്ധിജി കൾച്ചറൽ സെൻറർ വയനാട് ജില്ലാ കമ്മിറ്റി ഗവൺമെന്റിനോട് ആവശ്യപ്പെട്ടു. ലഹരി ഉപയോഗവും വ്യാപനവും തടയുവാൻ സർക്കാർ കൂടുതൽ കാര്യക്ഷമമായി ഇടപെടണം, സമൂഹം ഗാന്ധിജിയിൽ നിന്ന് അകന്നു പോയതാണ് ഇന്ന് നാം നേരിടുന്ന നിരവധി പ്രശ്നങ്ങൾക്ക് കാരണമെന്ന് യോഗം അഭിപ്രായപ്പെട്ടു. വിദ്യാഭ്യാസത്തിലൂടെ മാത്രമേ മഹത്തായ ആശയങ്ങളും ചിന്തകളും…

ബത്തേരി: ബത്തേരിയിലെ പൂമരം മറിഞ്ഞു വീണു. ശക്തമായ മഴയിലും കാറ്റിലുമാണ് ബത്തേരി സ്വതന്ത്ര മൈതാനിക്ക് സമീപം നിന്നിരുന്ന പൂമരം വീണത്. സുൽത്താൻ ബത്തേരി നഗരത്തിൻ്റെ ഐക്കണാണ് ബോഗൺ വില്ല പൂമരം. പൂമരത്തിന് താങ്ങായി കൊടുത്തിരുന്ന കമ്പി പൊട്ടിയതോടെയാണ് പൂമരം വീണത്. മുമ്പ് കോവിഡ് കാലത്ത് ശക്തമായ കാറ്റിൽ ഇതേ പൂമരം നിലം പതിച്ചിരുന്നു. പിന്നീട് വിവിധ കൂട്ടായ്മ‌കളും സം ഘടനകളും നഗരസഭയും ചേർന്നാണ് പൂമരത്തിന് താങ്ങ് നൽകി പുതുജീവൻ നൽകിയത്.

ബത്തേരി : സംസ്ഥാന സർക്കാരിന്റെ ലഹരി വർജന മിഷൻ ‘വിമുക്തിയുടെ’ ഭാഗമായി ബത്തേരി എക്സൈസ് സർക്കിൾ ഓഫിസും എക്സൈസ് റേഞ്ച് ഓഫിസും ചേർന്നു ബത്തേരി നഗരസഭയുമായി സഹകരിച്ചു ബത്തേരി ടൗണിൽ കോളേജ് വിദ്യാർഥികൾക്കായി വാക്കത്തോൺ സംഘടിപ്പിച്ചു. സെന്റ് മേരീസ് കോളേജ്, ഡോൺ ബോസ്കോ കോളേജ്, അൽഫോൻസാ കോളേജ് തുടങ്ങിയ വിവിധ കോളേജുകളിൽ നിന്നായി ഏകദേശം ഇരുനൂറോളം വിദ്യാർഥികൾ പങ്കെടുത്തു. ബത്തേരി നഗരസഭ ചെയർപഴ്സൺ ടി കെ രമേശ് പരിപാടി ഉദ്ഘാടനം ചെയ്തു വിദ്യാർഥികൾക്ക് ലഹരിവിരുദ്ധ സന്ദേശം നൽകി….

എടവക : കാശ്മീരിലെ റജൗരി ജില്ലയിൽ വെച്ച് തീവ്രവാദികളുമായുള്ള ഏറ്റുമുട്ടലിൽ വീരമൃത്യു വരിച്ച സൈനികൻ, എടവക സ്വദേശി ജനീഷ് തലച്ചിറയുടെ ഓർമക്കായി, എടവക ഗ്രാമ പഞ്ചായത്ത് 2022-’23; 2023-’24 വാർഷിക പദ്ധതിയിൽ ഉൾപ്പെടുത്തി 7 ലക്ഷം രൂപ അടങ്കൽ തുകയിൽ പണിപൂർത്തീകരിച്ച വീര ജവാൻ തലച്ചിറ ജനീഷ് സ്മൃതി മണ്ഡപത്തിൻ്റെ ഉദ്ഘാടനവും നെറ്റ് സീറോ എടവക – ലോക്കൽ ക്ലൈമറ്റ് ആക്ഷൻ പ്ലാൻ പ്രകാശനവും മാലിന്യ മുക്ത എടവകയുടെ പ്രഖ്യാപനവും പട്ടിക വർഗ യുവാക്കൾക്ക് പഞ്ചായത്ത് വിതരണം…

ബത്തേരി: ബത്തേരി -പുൽപ്പള്ളി റോഡിന് 19.910 കോടി രൂപയുടെ ഭരണാനുമതി ലഭിച്ചതായി ഐ സി ബാലകൃഷ്ണൻ എം എൽ എ അറിയിച്ചു. ബി.സി ഉപരിതലം പുതുക്കിയ പ്രവൃത്തി,സംരക്ഷണഭിത്തി നിർമ്മാണം, ഇന്റർലോക്ക്,ഓടകളുടെ നിർമ്മാണം,റോഡ് സുരക്ഷ ഉപകരണങ്ങൾ സ്ഥാപിക്കൽ മുതലായവയാണ് പ്രവൃത്തിയിൽ ഉൾപ്പെട്ടിട്ടുള്ളത്. പ്രവൃത്തിക്ക് ഉടൻ തന്നെ സാങ്കേതികാനുമതി ലഭ്യമാക്കി നിർമ്മാണ പ്രവൃത്തികൾ ആരംഭിക്കുമെന്ന് എം എൽ എ വ്യക്തമാക്കി.2011- 2012 വർഷത്തിൽ പുതുക്കി നിർമ്മിച്ച റോഡിൽ ഫണ്ട് പരിമിതി മൂലം വർഷങ്ങളായി അറ്റകുറ്റപ്പണികൾ മാത്രം നടന്നതിനാൽ റോഡ് പലഭാഗത്തും…

വരയാല്‍: വരയാല്‍ ഫോറസ്റ്റ് സ്റ്റേഷന്‍ പരിധിയിലെ ജോണ്‍സണ്‍കുന്ന് വനഭാഗത്ത് അതിക്രമിച്ചു കടന്ന് കൂരമാനിനെ വെടിവെച്ച രണ്ട് പേര്‍പിടിയില്‍. വെണ്മണി സ്വദേശികളായ മോഹന്‍ദാസ് എം (44),സുജിത്ത് കെ എസ് (29)എന്നിവരെയാണ് ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ കെ വി ആനന്ദിന്റെ നേതൃത്വത്തില്‍ രാത്രികാല പരിശോധനയ്ക്കിടെ അറസ്റ്റ് ചെയ്തത്. വേട്ട സംഘത്തിലെ ഒരാള്‍ ഓടി രക്ഷപ്പെട്ടു. വനത്തില്‍ നിന്നും വെടി പൊട്ടിയ ശബ്ദം കേട്ട് വരയാല്‍ ഫോറസ്റ്റ് സ്റ്റേഷനിലെ ബീറ്റ് ഫോറസ്റ്റ് ഓഫീസര്‍മാരായ സിറിള്‍ സെബാസ്റ്റ്യന്‍, അരുണ്‍ സി, അരുണ്‍…