Category: Wayanad

മുള്ളന്‍കൊല്ലി: മാലിന്യമുക്തം നവകേരളം ജനകീയ ക്യാമ്പയിന്‍റെ ഭാഗമായി മുള്ളന്‍കൊല്ലി ഗ്രാമ പഞ്ചായത്തില്‍ അജൈവ മാലിന്യങ്ങള്‍ വൃത്തിയായി തരംതിരിച്ച് ഹരിതകർമ്മസേനയ്ക്ക് യൂസർഫീ നല്‍കി കൈമാറിയതും ഒറ്റത്തവണ പ്ലാസിറ്റിക്കിന്‍റെ അളവ് കുറച്ചും, മലിനജലം പുറത്തേക്ക് ഒഴുക്കിവിടാതെ സംസ്കരിച്ചും പൊതുശുചിത്വത്തിനായി ഇടപെടലുകള്‍ നടത്തിയ ഹരിത ഓഫീസുകളേയും, ഹരിത വിദ്യാലയങ്ങളേയും, ഹരിത അയല്‍ക്കൂട്ടങ്ങളേയും, പെരിക്കല്ലൂർ ടൌണിനേയും അനുമോദനപത്രങ്ങള്‍ ആദരിച്ചു. ഹരിത കേരള മിഷന്‍റെ “ എന്‍റെ വാർഡ് 100/100 “ ക്യാമ്പയിനില്‍ ഒക്ടോബർ മാസം 100% യൂസർ ഫീ കളക്ഷനും, വാതില്‍പ്പടി ശേഖരണവും…

പുൽപ്പള്ളി: ടൗണിൽ ഒറ്റ രാത്രി അഞ്ച് സ്ഥാപനങ്ങളിൽ പൂട്ട് തകർത്ത് മോഷണം നടത്തിയവരെ എത്രയും വേഗം പിടികൂടി നിയമത്തിനു മുന്നിൽ നിർത്തണമെന്ന് മർച്ചന്റ്‌സ് അസോസിയേഷൻ ഭരണസമിതി യോഗം ആവശ്യപ്പെട്ടു. കഴിഞ്ഞ ദിവസം പുലർച്ചെ രണ്ടിനും നാലിനും ഇടയിൽ പച്ചക്കറിക്കകടയിലും രണ്ട് പലചരക്കുകടകളിലും ഇൻഷ്വറൻസ് ഓഫീസിലും മൊത്തക്കച്ചവട സ്ഥാപനത്തിലുമാണ് കള്ളൻ കയറിയത്. ടൗണിൽ സിസിടിവി കാമറകൾ സ്ഥാപിക്കാത്തതും എല്ലായിടത്തും തെരവുവിളക്ക് ഇല്ലാത്തതും മോഷ്ടാക്കൾക്ക് സൗകര്യമാകുകയാണെന്നു യോഗം ചൂണ്ടിക്കാട്ടി. പ്രസിഡന്റ് മാത്യു മത്തായി ആതിര അധ്യക്ഷത വഹിച്ചു

കൽപറ്റ: സംസ്ഥാന യുവജന കമ്മിഷൻ ജില്ലയിലെ വിദ്യാർഥി- യുവജന സംഘടനാ പ്രതിനിധികൾ, സർവകലാശാല, കോളജ് യൂണിയൻ ഭാരവാഹികൾ, നാഷണൽ സർവീസ് സ്‌കീം, എൻ.സി.സി പ്രതിനിധികളെ ഉൾപ്പെടുത്തി ജില്ലാതല ജാഗ്രതാസഭ യോഗം സംഘടിപ്പിച്ചു. കലക്ടറേറ്റ് കോൺഫറൻസ് ഹാളിൽ നടന്ന യോഗം യുവജന കമ്മിഷൻ ചെയർമാൻ എം. ഷാജർ ഉദ്ഘാടനം ചെയ്തു. യുവജനങ്ങളുടെ മാനസികാരോഗ്യവും ശാരീരിക ക്ഷമതയും ഉറപ്പാക്കാനുള്ള പ്രവർത്തനങ്ങൾ ആവിഷ്‌കരിക്കുക, ലഹരിയിൽ നിന്നു യുവതയെ സംരക്ഷിക്കുക, യുവജനങ്ങളെ ബാധിക്കുന്ന വിവിധ വിഷയങ്ങളിൽ കർമ്മപദ്ധതികൾ ആസൂത്രണം ചെയ്യുകയെന്ന ലക്ഷ്യങ്ങളോടെയാണ് കമ്മിഷൻ…