കൽപ്പറ്റ : ഉരുൾപൊട്ടൽ ദുരന്തത്തിൻ്റെ പശ്ചാത്തലത്തിൽ ജില്ലയിൽ മേഖലാടിസ്ഥാനത്തിൽ ദുരന്താനന്തര ആവശ്യങ്ങൾ കണക്കാക്കുന്നതിന് (പി.ഡി.എൻ.എ) (Post Disaster Needs Assessment) സംഘം രൂപീകരിച്ച് സർക്കാർ ഉത്തരവായി. ജില്ലയിലെ ഉരുൾപൊട്ടലിൽ നാശനഷ്ടങ്ങളുണ്ടായ മേഖലകളിലെ സാമ്പത്തിക ചെലവുകൾ കണക്കാക്കുക, വീണ്ടെടുക്കലിനും പുനർനിർമ്മാണത്തിനുമുള്ള പ്രവർത്തനങ്ങൾക്ക് നിർദ്ദേശങ്ങൾ നൽകുക എന്നിവയാണ് പി.ഡി.എൻ.എയുടെ പ്രധാന ലക്ഷ്യം. സംഘത്തിൻ്റെ പ്രവർത്തനങ്ങൾ ഇന്ന് (ഓഗസ്റ്റ് 26) മുതൽ ഓഗസ്റ്റ് 31 വരെ ജില്ലയിലെ വിവിധ ഭാഗങ്ങളിൽ നടക്കും. മാർഗ്ഗനിർദ്ദേശവും സാങ്കേതിക സഹായവും നൽകുന്നതിനായി ദേശീയ ദുരന്തനിവാരണ അതോറിറ്റിയുടെ…

കൽപറ്റ: മുണ്ടക്കൈ-ചൂരല്‍മല ഉരുള്‍പൊട്ടലില്‍ കാണാതായവരെ കണ്ടെത്തുന്നതിന് നടത്തിയ പ്രത്യേക തിരച്ചിലിൽ ആറ് ശരീര ഭാഗങ്ങൾ കണ്ടെത്തിയിട്ടുണ്ട്. ഇത് മനുഷ്യ ശരീര ഭാഗങ്ങളാണോ എന്ന് സ്ഥിരീകരിക്കാനുണ്ട്. നാളെയും (ഓഗസ്റ്റ് 26) തിരച്ചിൽ തുടരുമെന്ന് വനം വന്യജീവി സംരക്ഷണ വകുപ്പ് മന്ത്രി എ.കെ ശശീന്ദ്രൻ അറിയിച്ചു. തിരച്ചിലുമായി ബന്ധപ്പെട്ട കൂടുതൽ കാര്യങ്ങൾ ചർച്ച ചെയ്യുന്നതിന് രാവിലെ 10 മണിക്ക് കളക്ടറേറ്റിൽ യോഗം ചേരും. തുടർന്ന് തിരച്ചിൽ നടത്തുന്ന പ്രദേശങ്ങളിൽ മന്ത്രി സന്ദർശനം നടത്തും.

വെള്ളമുണ്ട: വെള്ളമുണ്ട ഡബ്ല്യുഎംഒ ഇംഗ്ലീഷ് അക്കാദമിയിൽ പിടിഎ ജനറൽ ബോഡി യോഗവും സിൽവർ ജൂബിലി ലോഗോ പ്രകാശനവും 2023-24 ബാച്ച് വിദ്യാർത്ഥികൾക്ക് അനുമോദനവും സംഘടിപ്പിച്ചു. പിടിഎ പ്രസിഡന്റ് ഇബ്രാഹിം മണിമയുടെ അധ്യക്ഷതയിൽ ചേർന്ന യോഗം എസ്എംസി കൺവീനർ സി കെ മായൻ ഉദ്ഘാടനം ചെയ്‌തു. ലോഗോ പ്രകാശനം മായൻ മണിമ നിർവഹിച്ചു. ലോഗോ ഡിസൈൻ മത്സര വിജയി നിസാർ അഹമ്മദിനും മറ്റ് മത്സര വിജയികൾക്കും അക്കാദമിക് കൺവീനർ എം അബ്ദുൾ അസീസ് മാസ്റ്റർ ഉപഹാരം നൽകി. പ്രിൻസിപ്പൽ…

വടുവഞ്ചാൽ: ഓരോ കുട്ടിയും ഒരു തൊഴിൽ നൈപുണ്യമെങ്കിലും നേടിയിരിക്കണം എന്ന ഉദ്ദേശത്തോടെ വടുവഞ്ചാൽ ഹയർസെക്കണ്ടറി സ്കൂ‌ൾ എൻഎസ്എസ് യൂണിറ്റ് എൽ.ഇ.ഡി ബൾബ് നിർമ്മാണം ആരംഭിച്ചു. തൊഴിൽ പരിശീലനത്തിന് കോഴിക്കോട് ജില്ലയിലെ പെരിങ്ങളം സ്കൂൾ എൻഎസ്എസ് യൂണിറ്റ് നേതൃത്വം നൽകി. പരിങ്ങളം സ്കൂ‌ളിലെ പ്രോഗ്രാം ഓഫീസർ സുജിത്ത് സി.എസ്,മുൻ പ്രോഗ്രാം ഓഫീസർ രതീഷ് ആർ നായർ, വോളണ്ടിയർ ലീഡർമാരായ നിയ പി.പി, മുഹമ്മദ് നസിൽ.എ, വോളണ്ടിയർമാരായ അക്ഷയ് കെ.ടി, അദ്വൈത് എൻ, തീർത്ഥ പി എന്നിവരടങ്ങിയ ടീമാണ് പരിശീലന…

ബത്തേരി: സി പി ഐ എം ബത്തേരി ഏരിയ കമ്മിറ്റി അംഗവും അമ്പലവയൽ ലോക്കൽ കമ്മിറ്റി സെക്രട്ടറിയുമായിരുന്ന കെ. ആർ രാമകൃഷണൻ്റെ 5ാം മത് അനുസ്മരണം സംഘടിപ്പിച്ചു.സി പി ഐ എം സംസ്ഥാന കമ്മിറ്റി അംഗം സി .കെ ശശീന്ദ്രൻ ഉദ്ഘാടനം ചെയ്തു.അഡ്വ: കെ ജി സുധീഷ് അദ്ധ്യക്ഷത വഹിച്ചു. കെ ഷമീർ, എ രാജൻ, ടി.ടി സ്ക്കറിയ, അബ്ദുൾ ഗഫൂർ എന്നിവർ സംസാരിച്ചു.

നല്ലൂർനാട്: സ്തുത്യർഹമായ സേവനത്തിന് ശേഷം ഡെപ്യൂട്ടി ഡി എം ഒ ആയി പ്രൊമോഷൻ ലഭിച്ച് സ്ഥലം മാറിപ്പോകുന്ന ഗവ. ട്രൈബൽ സ്പെഷ്യാലിറ്റി&ജില്ലാ ക്യാൻസർ ആശുപത്രി സുപ്രണ്ട് ഡോ. ആൻസി മേരി ജേക്കബിന് മാനന്തവാടി ബ്ലോക്ക് പഞ്ചായത്ത് ഹൃദ്യമായ യാത്രയയപ്പ് നൽകി. ആശുപത്രിയിൽ നടന്ന ചടങ്ങ് മാനന്തവാടി ബ്ലോക്ക് പഞ്ചായത്ത് പ്രസിഡൻ്റ്ജസ്റ്റിൻ ബേബി ഉദ്ഘാടനം ചെയ്ത് ഡോക്ടർക്ക് മെമേൻറോ നൽകി ആദരിച്ചു. .ബ്ലോക്ക് പഞ്ചായത്ത് ആരോഗ്യസ്റ്റാൻഡിംഗ് കമ്മറ്റി ചെയർപേഴ്‌സൻ പി. കല്യാണി അദ്ധ്യക്ഷത വഹിച്ചു. എടവക പഞ്ചായത്ത് പ്രസിഡൻ്റ്…