പനമരം: പനമരം ബ്ലോക്ക് പഞ്ചായത്ത് കോമ്പൗണ്ടിൽ ബ്ലോക്ക്‌ പഞ്ചായത്തിന്റെ 2024- 25 വാർഷിക പദ്ധതിയിൽ ഉൾപ്പെടുത്തിയ ജൈവവേലി നിർമാണവും സൗന്ദര്യവൽക്കരണവും പരിപാടിയുടെ ഉദ്ഘാടനം പനമരം ബ്ലോക്ക്‌ പഞ്ചായത്ത് പ്രസിഡൻ്റ് ഗിരിജ കൃഷ്ണൻ നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡൻ്റ് അബ്ദുൽ ഗഫൂർ കാട്ടി അധ്യക്ഷത വഹിച്ചു. ബ്ലോക്ക് പഞ്ചായത്തിന്റെ സ്ഥലത്തെ മൂന്നു വശവും ബണ്ട് നിർമിച്ചു മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും പ്ലാൻ ഫണ്ടും സംയോജിപ്പിച്ച് ബണ്ട് നിർമാണo നടത്തി മുകളിൽ കയർമാറ്റ് വിരിച്ച് മുളകളും…

മൂളിത്തോട് : വെള്ളമുണ്ടയിൽ അതിഥി തൊഴിലാളിയെ ക്രൂരമായി കൊലപ്പെടുത്തി. കൊല്ലപ്പെട്ട അതിഥി തൊഴിലാളിയ മുഖീബിനെ കൊന്ന് കഷ്ണങ്ങളാക്കി ഉപേക്ഷിക്കുന്നതിനിടയിൽ പ്രതി പിടിയിലായി. ഭാര്യയുമായി ബന്ധമുണ്ടെന്ന സംശയത്തില്‍ യു പി സ്വദേശി മുജീബിനെ മുഹമ്മദ് ആരിഫെന്നയാള്‍ കൊലപ്പെടുത്തിയെന്നാണ് സൂചന. മൃതദേഹം ബാഗുകളിലാക്കി ഉപേക്ഷിക്കാനുള്ള ശ്രമത്തിനിടെ ഓട്ടോ ഡ്രൈവര്‍ക്ക് സംശയം തോന്നി പൊലീസിനെ വിവരമറിയിക്കുകയായിരുന്നു. മൃതദേഹം ബാഗിലാക്കിയ നിലയിലാണ് മൂളിത്തോട് പാലത്തിനടിയില്‍ നിന്ന് കണ്ടെത്തിയത്.

നിരവിൽപുഴ:  മാനന്തവാടി ബ്ലോക്ക് പഞ്ചായത്ത് ജനകീയാസൂത്രണ പദ്ധതിയിൽപ്പെടുത്തി മരാടി ഉന്നതിയിൽ കുടിവെള്ള പദ്ധതി ഉദ്ഘാടനം ചെയ്തു. ഉന്നതിയിലെ 32 വീടുകൾ ഈ പദ്ധതിയുടെ ഗുണഭോക്താക്കളായി. പി ബാബു സ്വാഗതം പറഞ്ഞു. ബ്ലോക്ക് പഞ്ചായത്ത് മെമ്പർ രമ്യ താരേഷിന്റെ അധ്യക്ഷതയിൽ മാനന്തവാടി ബ്ലോക്ക് പഞ്ചായത്ത് പ്രസിഡണ്ട് ജസ്റ്റിൻ ബേബി പരിപാടി ഉദ്ഘാടനം ചെയ്തു. ആശംസകൾ അർപ്പിച്ചുകൊണ്ട് വേണു മുള്ളോട്ട്,ഗ്രാമപഞ്ചായത്ത് മെമ്പർ എം എം ചന്തു,കെസത്യൻ, ഉന്നതി മൂപ്പൻ രാമൻ മരാടി, കെ കെ മണിയൻ എന്നിവർ സംസാരിച്ചു.

ചീരാൻ: വിദ്യാർത്ഥികളിൽ വർദ്ധിച്ചു വരുന്ന അക്രമാസക്ത പ്രവണതകൾക്കെതിരെ നൂൽപ്പുഴ പോലീസും ചീരാൽ ഗവൺമെന്റ് മോഡൽ ഹയർ സെക്കണ്ടറി സ്കൂളും സംയുക്തമായി ആന്റി റാഗിങ് ബോധവൽക്കരണ ക്ലാസ്സ് സംഘടിപ്പിച്ചു. കൽപ്പറ്റയിൽ നടന്ന സംഘർഷങ്ങളുടെ പശ്ചാത്തലത്തിലാണ് ക്ലാസ്സ് സംഘടിപ്പിച്ചത്. നൂൽപ്പുഴ സ്റ്റേഷൻ ഹൗസ് ഓഫീസർ ശ്രീ എം ശശിധരൻ പിള്ള ക്ലാസ്സ് നയിച്ചു. പ്രിൻസിപ്പാൾ ശ്രീ കെ സുധാകരൻ സ്വാഗതം പറഞ്ഞു HS.HSS വിഭാഗo സ്റ്റാഫ് സെക്രട്ടറിമാരായ പി.പി ജോർജ് , മനോജ് സക്കറിയ എന്നിവർ സംസാരിച്ചു

മാനന്തവാടി : മലങ്കര യാക്കോബായ സിറിയൻ സൺഡേ സ്കൂൾ അസോസിയേഷൻ മാനന്തവാടി മേഖല കലോത്സവം മാനന്തവാടി സെൻ്റ് ജോർജ് യാക്കോബായ സുറിയാനി പള്ളിയിൽ നടന്നു. വികാരി ഫാ. ബേബി പൗലോസ് ഓലിക്കൽ പതാക ഉയർത്തി. ചുരുൽമല – മുണ്ടക്കൈ ദുരന്തത്തിൽ മൃതിയടഞ്ഞവർക്ക് ആദരാഞ്ജലികൾ അർപ്പിച്ചുകൊണ്ട് വൈദികരും വിദ്യാർത്ഥികളും അധ്യാപകരും മെഴുകുതിരികൾ തെളിയിച്ചു . പ്രത്യേക പ്രാർത്ഥനയും നടത്തി . സമാപന സമ്മേളനം എം ജെ എസ് എസ് ഭദ്രാസന ഡയറക്ടർ അനിൽ ജേക്കബ് കീച്ചേരി ഉദ്ഘാടനം ചെയ്തു….

റേഷൻകടകളിലെ ഇ-പോസ് യന്ത്രങ്ങളെ ഇ-ത്രാസുമായി ബന്ധിപ്പിക്കാൻ സർക്കാർ തീരുമാനിച്ചു. ഈ ക്രമീകരണം വരുന്നതോടെ തൂക്കിനൽകുന്ന ഭക്ഷ്യവസ്‌തുവിന്റെ അളവിന്റെ ബില്ല് മാത്രമേ പ്രിന്റ്ചെയ്തുവരൂ. ഉപഭോക്താവിന് അനുവദിച്ചിട്ടുള്ള അളവ് ഉറപ്പാക്കുകയാണ് ലക്ഷ്യം. ഇ-ത്രാസുമായി ഇ-പോസ് വയർ മുഖേനയോ ബ്ലൂ ടൂത്ത് വഴിയോ ബന്ധിപ്പിക്കും. എല്ലാ താലൂക്കിലും അഞ്ചുവർഷത്തേക്ക് കോൾ സെന്ററുമുണ്ടാകും. കടകളിലെ പ്രശ്ന‌ങ്ങൾ അപ്പപ്പോൾ പരിഹരിക്കാനാണിത്.