വയനാട് പുനരധിവാസം: കോൺഗ്രസ് ഭവന പദ്ധതിക്ക് തറക്കല്ലിട്ടു.
മേപ്പാടി: മുണ്ടക്കൈ ഉരുൾപൊട്ടൽ ദുരന്തത്തിൽ സർവ്വതും നഷ്ടപ്പെട്ട മനുഷ്യർക്ക് പ്രത്യാശയുടെ തണലൊരുക്കി കോൺഗ്രസ് പാർട്ടിയുടെ ഭവന നിർമ്മാണ പദ്ധതിക്ക് തുടക്കമായി. മേപ്പാടി കുന്നമ്പറ്റയിൽ നടന്ന ചടങ്ങിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിയും വയനാട് എം.പി പ്രിയങ്ക ഗാന്ധിയും ചേർന്നാണ് പദ്ധതിയുടെ ശിലാസ്ഥാപനം നിർവഹിച്ചത്. നാടിനെ നടുക്കിയ മഹാദുരന്തത്തിന് മാസങ്ങൾ പിന്നിടുമ്പോൾ, അവിടുത്തെ ജനതയെ ചേർത്തുപിടിക്കുമെന്ന വാഗ്ദാനം പാലിച്ചുകൊണ്ട് ആറുമാസത്തിനുള്ളിൽ ഒന്നാംഘട്ട നിർമ്മാണം പൂർത്തിയാക്കാനാണ് കോൺഗ്രസ് ലക്ഷ്യമിടുന്നത്. ദുരന്തബാധിതർക്കായി പാർട്ടി നിർമ്മിച്ചുനൽകുന്ന നൂറ് വീടുകളിൽ ആദ്യഘട്ടത്തിലെ…