ജനപ്രതിനിധികള്‍ക്ക് ദുരന്തനിവാരണത്തില്‍ വിദഗ്ധ പരിശീലനം നല്‍കണം:ശാസ്ത്ര സാഹിത്യ പരിഷത്ത്
സുല്‍ത്താന്‍ ബത്തേരി: ദുരന്തനിവാരണത്തില്‍ ജനപ്രതിനിധികള്‍ക്ക് വിദഗ്ധ പരിശീലനം നല്‍കണമെന്ന് ഡയറ്റ് ഹാളില്‍ നടന്ന ശാസ്ത്ര സാഹിത്യ പരിഷത്ത് വയനാട് ജില്ലാ സമ്മേളനം സര്‍ക്കാരിനോട് ആവശ്യപ്പെട്ടു. ജില്ലയില്‍ പകുതിയിലേറെ തദ്ദേശ സ്ഥാപന പരിധികളില്‍ ദുരന്ത ഭീഷണി നിലനില്‍ക്കുകയാണ്. ദുരന്തം സംഭവിച്ചാല്‍ സ്ഥലത്ത് ഓടിയെത്തുന്നതും അടിയന്തര പ്രവര്‍ത്തനങ്ങള്‍ക്ക് നേതൃത്വം നല്‍കുന്നതും പ്രാദേശിക ജനപ്രതിനിധികളാണ്. ഈ സാഹചര്യത്തില്‍ ത്രിതലപഞ്ചായത്തുകളിലെയും മുനിസിപ്പാലിറ്റികളിലെയും മുഴുവന്‍ ജനപ്രതിനിധികള്‍ക്കും ഭൂപ്രകൃതി, മണ്ണ്, ജലം, കാര്‍ഷികം, നിര്‍മണം തുടങ്ങിയ രംഗങ്ങളിലെ വിദഗ്ധരെയും സാങ്കേതിക സ്ഥാപനങ്ങളെയും ഉപയോഗപ്പെടുത്തി ദുരന്തപ്രതിരോധംം, ആഘാത…