പുല്‍പ്പള്ളി: ടൗണിലെ തെരുവുനായ്ശല്യത്തിനു അടിയന്തര പരിഹാരം കാണണമെന്ന് വ്യാപാരി വ്യവസായി ഏകോപന സമിതി യൂണിറ്റ് കമ്മിറ്റി ആവശ്യപ്പെട്ടു. ടൗണും പരിസരങ്ങളും തെരുവുനായകളുടെ വിഹാരകേന്ദ്രമായി മാറിയിരിക്കയാണ്. ബസ് സ്റ്റാന്‍ഡിലും പോലീസ് സ്റ്റേഷന്‍ റോഡിലും അനശ്വര ജംഗ്ഷനിലും താഴെയങ്ങാടിയിലും രാപകല്‍ വ്യത്യാസമില്ലാതെയാണ് നായ്ക്കല്‍ അലഞ്ഞുതിരിയുന്നത്. വിദ്യാര്‍ഥികള്‍ക്കും വ്യാപാരികള്‍ക്കും ഇരുചക്ര വാഹന, കാല്‍നട യാത്രക്കാര്‍ക്കും ഇവ ഭീഷണിയായി. കടിപിടികൂടുന്ന തെരവുനായ്ക്കള്‍ പീടികയ്ക്കു അകത്തുവരെ കയറുന്ന സ്ഥിതിയാണ്. ഈ അവസ്ഥയ്ക്ക് പരിഹാരം കാണുന്നില്ലെങ്കില്‍ ശക്തമായ സമരത്തിന് വ്യാപാരികള്‍ നിര്‍ബന്ധിതരാകുമെന്ന് യോഗം മുന്നറിയിപ്പ് നല്‍കി….

മാനന്തവാടി: മഴക്കെടുതിയെ തുടർന്ന് പുഴയരികിലെ സംരക്ഷണ ഭിത്തി തകർന്നതോടെ നാട്ടുകാർ ദുരിതത്തിലായി. 2 കോടി രൂപ ചിലവഴിച്ച് നിർമ്മിച്ച ചങ്ങാടക്കടവ്- ചാമാടിപൊയിൽ റോഡാണ് ആഴ്ച്ചകൾക്ക് മുൻപ് ഇടിഞ്ഞ് അപകടാവസ്ഥയിലായത്. മുൻപ്രളയത്തിൽ തകർന്ന ചങ്ങാടക്കടവ്, ചാമാടി പൊയിൽ- പാണ്ടിക്കടവ് റോഡ് റീബിൽഡ് കേരളയിൽ ഉൾപ്പെടുത്തിയാണ് പുനർനിർമ്മിച്ചത്, 1.757 കീ മീ ദൂരം വരുന്ന റോഡ് രണ്ട് കോടി 38 ലക്ഷം രൂപ ചിലവഴിച്ചാണ് നവീകരിച്ചത്. എല്ലാ വർഷവും ഇവിടെ റോഡിനോട് ചേർന്ന് കബനി പുഴയരിക് ഇടിഞ്ഞ് വീഴാറുണ്ട്. ഇതിന്…

മേപ്പാടി: പുഞ്ചിരിമട്ടം ഉരുള്‍പൊട്ടലില്‍ മരിച്ചവരുടെ ആത്മാക്കള്‍ക്ക് നിത്യശാന്തി നേരുന്നതിനു തിലഹോമം, ബലിതര്‍പ്പണം, സമൂഹപ്രാര്‍ഥന എന്നിവ നടത്തി. തിരുനെല്ലി, പൊന്‍കുഴി, കള്ളാടി എന്നിവിടങ്ങളില്‍ മീനങ്ങാടി നരനാരായണ അദൈ്വതാശ്രമം, വയനാട് സമാജം, ഹിന്ദു ഐക്യവേദി തുടങ്ങിയവയുടെ നേതൃത്വത്തിലായിരുന്നു ശേഷക്രിയാകര്‍മങ്ങള്‍. സ്വാമി ഹംസാനന്ദപുരി, ഇ.കെ. ഗോപി, വിശ്വനാഥന്‍, കള്ളാടി അയ്യപ്പ ക്ഷേത്രം തന്ത്രി ശശിധരന്‍, ശിവന്‍ ആചാരി, മഹേഷ്, വേലുച്ചാമി, വിഷ്ണു, മണി തുടങ്ങിയവര്‍ നേതൃത്വം നല്‍കി

പുല്‍പ്പള്ളി: പുഞ്ചരിമട്ടം ഉരുള്‍പൊട്ടലിന്റെ പശ്ചാത്തലത്തില്‍ റോട്ടറി പെപ്പര്‍ ടൗണ്‍ ക്ലബ് സെക്രട്ടറി സനില്‍ സദാനന്ദനും ആന്‍ ജിജി സനലും ഡല്‍ഹിയിലേക്കു നടത്തുന്ന പ്രകൃതി സംരക്ഷണ ബോധവത്കരണ യാത്ര സബ് ഇന്‍സ്‌പെക്ടര്‍ പി.ഡി. റോയിച്ചന്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ടി.എസ്. ദിലീപ്കുമാര്‍ ഫ്ലാഗ് ഓഫ് കര്‍മം നിര്‍വഹിച്ചു. മനുപ്രസാദ്, ഇന്ദിര സുകുമാരന്‍, ആര്‍. ബിജു ശ്രീധര്‍, ശ്രീകല, ഷിനോജ്, ദീപ ഷാജി, മനോജ്, സന്തോഷ്, ജോബിഷ്, ജോണ്‍സണ്‍, ആല്‍വിന്‍, സാബു എന്നിവര്‍ പ്രസംഗിച്ചു.

കൽപ്പറ്റ :- മുണ്ടക്കൈ, ചൂരൽമല ദുരന്തത്തിൽ തോട്ടം തൊഴിലാളികൾക്ക് ഹാരിസൺ മലയാളം ലിമിറ്റഡ് ധന സഹായം നൽകി. ജീവൻ നഷ്ടമായവരുടെ ആശ്രിതർക്ക് ഒരു ലക്ഷം രൂപ വീതമാണ് കൈമാറിയത്. തോട്ടം തൊഴിലാളികൾക്ക് ഭക്ഷ്യക്കിറ്റും വിതരണം ചെയ്തു. എച്ച് എം എൽ ഉദ്യോഗസ്ഥരും, വിവിധ ട്രേഡ് യൂണിയൻ നേതാക്കളും യോഗത്തിൽ പങ്കെടുത്തു.

കൽപ്പറ്റ :- മുണ്ടക്കൈ-ചൂരല്‍മല ദുരന്ത മേഖലയിലെ 1,62,543 പേര്‍ക്ക് ഭക്ഷണം തയ്യാറാക്കി നല്‍കി സംസ്ഥാന ഹോട്ടല്‍ ആന്‍ഡ് റസ്റ്റോറന്റ് അസോസിയേഷന്‍. ജില്ലാ ഭരണകൂടത്തിന്റെയും ഭക്ഷ്യസുരക്ഷാ വകുപ്പിന്റെയും നേതൃത്വത്തില്‍ ആരംഭിച്ച കമ്മ്യൂണിറ്റി കിച്ചണിലൂടെയായിരുന്നു ഭക്ഷണ വിതരണം. ദുരന്തമുണ്ടായ ദിവസം ജില്ലയിലെ വിവിധ ഹോട്ടലുകളില്‍ നിന്നുമാണ് മൂന്ന് നേരത്തെ ഭക്ഷണം പാചകം ചെയ്ത് എത്തിച്ചത്. തൊട്ടടുത്ത ദിവസം മുതലാണ് മേപ്പാടി പോളിടെക്നിക്ക് കോളെജില്‍ കമ്മ്യൂണിറ്റി കിച്ചണിലൂടെ ഭക്ഷണ പാകം ചെയ്ത് വിതരണം ആരംഭിച്ചത്. സമാനതകള്‍ ഇല്ലാത്ത ദുരന്ത ഭൂമിയിലെ പ്രവര്‍ത്തനങ്ങള്‍ക്ക്…

കൽപ്പറ്റ :- മുണ്ടക്കൈ ചൂരല്‍മല ഉരുള്‍പൊട്ടല്‍ ദുരന്തത്തില്‍ സര്‍ക്കാരിന്റെ അതിവേഗ ധനസഹായ വിതരണ നടപടികള്‍ പുരോഗമിക്കുന്നു. ദുരന്തത്തില്‍ ജീവനോപാധി നഷ്ടപ്പെട്ടവര്‍ക്ക് സര്‍ക്കാര്‍ പ്രഖ്യാപിച്ച അടിയന്തര ധനസഹായമായ പതിനായിരം രൂപ വീതം 617 പേര്‍ക്ക് ഇതിനകം വിതരണം ചെയ്തു. സംസ്ഥാന ദുരന്ത നിവാരണ നിധി, മുഖ്യമന്ത്രിയുടെ ദുരിതാശ്വാസ നിധി എന്നിവയില്‍ നിന്നായി 12 പേര്‍ക്ക് 7200000 രൂപയും ധനസഹായം നല്‍കി. മൃതദേഹങ്ങളുടെ സംസ്‌കാര ചടങ്ങുകള്‍ക്കായി 10000 രൂപ വീതം 124 പേര്‍ക്കായി അനുവദിച്ചു. ദുരന്തത്തില്‍ പരിക്കേറ്റ് ആശുപത്രിയില്‍ ചികിത്സയിലുള്ള…

പനമരം: ചിങ്ങം1 കർഷക ദിനത്തിൽ പനമരത്തെ യുവ കർഷകനായ റ്റി ശബിനാസിനെ എസ് പി സി നോഡൽ ഓഫീസർ മോഹൻദാസ് പൊന്നാടയണിയിച്ച് ആദരിച്ചു. ഈ ദിനത്തിൻ്റെ പ്രാധാന്യത്തെ കുറിച്ചും കർഷകരുടെ ആവശ്യകതയെ കുറിച്ചും കേഡറ്റുകൾക്ക് ബോധവൽക്കരണം നടത്തി. ചടങ്ങിൽ പിടിഎ പ്രസിഡണ്ട് സുബൈർ കെടി ,സീനിയർ ടീച്ചർ ഷിംജി ജേക്കബ്, സജീവ് P, രേഖ കെ, നവാസ് ടി, ശ്രീനിവാസൻ പി, രേഷ്മ എ എന്നിവർ പങ്കെടുത്തു.

 മേപ്പാടി:- മുണ്ടക്കൈ-ചൂരല്‍മല ദുരന്തത്തില്‍ നഷ്ടപ്പെട്ട വാഹനങ്ങളുടെ വിവരം മോട്ടോര്‍ വാഹന വകുപ്പ് ശേഖരിക്കുന്നു. പൂര്‍ണ്ണമായി നഷ്ടപ്പെട്ട വാഹനങ്ങള്‍, ഉപയോഗ യോഗ്യമല്ലാത്ത വാഹനങ്ങള്‍ എന്നിവയുടെ വിവരങ്ങളാണ് ശേഖരിക്കുക. വാഹന രജിസ്‌ട്രേഷന്‍ നമ്പര്‍, ഉടമസ്ഥന്റെ പേര്, മറ്റു വിവരങ്ങള്‍ അറിയുന്നവര്‍ കല്‍പ്പറ്റ റീജണല്‍ ട്രാന്‍സ്‌പോര്‍ട്ട് ഓഫീസില്‍ നേരിട്ടോ, തപാല്‍, ഫോണ്‍, ഇ-മെയില്‍ മുഖേനയോ അറിയിക്കണമെന്ന് ആര്‍.ടി.ഒ അറിയിച്ചു. ഫോണ്‍- 9188961929, 04936- 202607 നമ്പറുകളില്‍ ബന്ധപ്പെടാം. ഇ-മെയില്‍ kl12.mvd@kerala.gov.in

കരിമ്പുമ്മൽ: പനമരം യൂണിറ്റി ഇൻസ്റ്റിറ്റ്യൂഷൻ ഓഫ് പാരാമെഡിക്കൽസ് സംഘടിപ്പിച്ച സ്റ്റുഡന്റ്സ് കോൺക്ലേവ് വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പ്രിൻസിപ്പൽ സബിൻ എടവലത്ത് അധ്യക്ഷത വഹിച്ചു. ഡയറക്ടർ ശ്രീഹരി കാടേങ്ങര, കെ. നിധിൻ,വിഷ്ണു പ്രിയ, റോണിയ വർഗീസ് തുടങ്ങിയവർ സംബന്ധിച്ചു.