ബത്തേരി: നവംബർ 23 ന് മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സിൻ്റെ ബത്തേരി മണ്ഡലം കമ്മിറ്റി സ്വാഗത സംഘം ഓഫീസ് എ.ഡി.എം എൻ.ഐ ഷാജു ഉദ്ഘാടനം ചെയ്തു. ബത്തേരി കാഞ്ഞിരാണ്ടി ടെക്സ്റ്റൈൽസിന് എതിർവശമാണ് ഓഫീസ് പ്രവർത്തിക്കുന്നത്. നവംബർ 23 ന് ഉച്ചക്ക് 2 ന് ബത്തേരി സെൻ്റ് മേരീസ് ഗ്രൗണ്ടിലായിരിക്കും നവകേരള സദസ്സ് നടക്കുക. 5000 പേരെ പങ്കെടുപ്പിക്കുന്ന സദസ്സിൻ്റെ മുന്നോടിയായുള്ള പ്രവർത്തനങ്ങൾ മണ്ഡലത്തിൽ പുരോഗമിച്ച് വരികയാണ്. ഒക്ടോബർ 17നാണ് നവകേരള സദസ്സിൻ്റെ ബത്തേരി മണ്ഡലം സംഘാടക…

കല്‍പ്പറ്റ: വെള്ളവും വെളിച്ചവും മരുന്നും ഭക്ഷണവുമില്ലാതെ തുടരുന്ന ഇസ്റാഈലിന്റെ മനുഷ്യാവകാശ ലംഘനങ്ങള്‍ക്കെതിരേ പ്രതിഷേധിച്ച് സമസ്ത വയനാട് ജില്ലാ കോര്‍ഡിനേഷന്‍ കമ്മിറ്റി കല്‍പ്പറ്റയില്‍ സംഘടിപ്പിച്ച പ്രാര്‍ഥനാ സംഗമം ഫലസ്തീന്‍ ജനതയോടുള്ള ആത്മീയ ഐക്യദാര്‍ഢ്യമായി. 75 വര്‍ഷങ്ങളായിചരിത്രത്തിലെ ഏറ്റവും വലിയ കൊടിയ വഞ്ചന തുടര്‍ന്നു കൊണ്ടിരിക്കുന്ന ഇസ്റാഈലിന്റേയും അവര്‍ക്ക് ഓശാന പാടുന്ന സയണിസ്റ്റ് ലോബികളുടെയും ഒടുവിലത്തെ ഉദാഹരണമാണ് ഇന്ന് ഗസ്സയില്‍ അരങ്ങേറിക്കൊണ്ടിരിക്കുന്നതെന്ന് സമസ്ത വയനാട് ജില്ലാ കോര്‍ഡിനേഷന്‍ കമ്മിറ്റി കല്‍പ്പറ്റയില്‍ നടത്തിയ പ്രാര്‍ഥനാ സംഗം അംഗീകരിച്ച പ്രമേയം ചൂണ്ടിക്കാട്ടി. സംഗമം…

പടിഞ്ഞാറത്തറ : പടിഞ്ഞാറത്തറ, മൂപ്പൈനാട് പഞ്ചായത്തുകള്‍ സുരക്ഷാ 2023 പദ്ധതി പൂര്‍ത്തീകരിച്ചു. പഞ്ചായത്തുകളിലെ അര്‍ഹരായ മുഴുവന്‍ കുടുംബങ്ങളെയും പ്രധാനമന്ത്രി സുരക്ഷാ ഭീമായോജനാ പദ്ധതിയില്‍ ഉള്‍പ്പെടുത്തി. പടിഞ്ഞാറത്തറ ഗ്രാമ പഞ്ചായത്തില്‍ നടന്ന യോഗത്തില്‍ പഞ്ചായത്ത് വൈസ് പ്രസിഡന്റ് ഗിരിജാ കൃഷ്ണനും, മൂപ്പൈനാട് ഗ്രാമ പഞ്ചായത്തില്‍ നടന്ന യോഗത്തില്‍ ഗ്രാമപഞ്ചായത്ത് പ്രസിഡന്റ് ഇ.വി.ശശിധരനും സുരക്ഷാ 2023 ക്യാമ്പെയിനിന്റെ പൂര്‍ത്തീകരണ പ്രഖ്യാപനം നടത്തി. ജില്ലയിലെ അര്‍ഹരായ മുഴുവന്‍ ആളുകളെയും കേന്ദ്ര സര്‍ക്കാരിന്റെ സുരക്ഷാപദ്ധതികളില്‍ ഉള്‍പ്പെടുത്തുക എന്ന ലക്ഷ്യത്തോടെ ജില്ലാ ഭരണകൂടത്തിന്റെയും ഭാരതീയ…

മാനന്തവാടി : ഭാര്യയെ കുത്തിക്കൊന്ന ഭർത്താവിന് ജീവപര്യന്തം തടവും അഞ്ച് ലക്ഷം രൂപ പിഴയും. തോൽപ്പെട്ടി ചെക്ക്പോസ്റ്റിന് സമീപത്തെ കൊറ്റൻകോട് ചന്ദ്രിക കുത്തേറ്റ് മരിച്ച സംഭവത്തിൽ ഭർത്താവ് ഇരിട്ടി കിളിയന്തറ പാറക്കണ്ടിപറമ്പിൽ പി.കെ. അശോകനെ(48)യാണ് മാനന്തവാടി സ്പെഷ്യൽ ആൻഡ് അഡിഷണൽ സെഷൻസ് കോടതി ജഡ്ജി പി.ടി. പ്രകാശൻ ശിക്ഷിച്ചത്. 2019 മെയ് അഞ്ചിനായിരുന്നു സംഭവം. രാത്രി ഭക്ഷണം കഴിച്ച് കൈകഴുകാനായി വീടിന് പുറത്തിറങ്ങിയ ചന്ദ്രികയെ അശോകൻ കത്തിവെച്ച് കുത്തുകയായിരുന്നു. തുടർന്ന് ചന്ദ്രികയെ മാനന്തവാടിയിലെ ജില്ലാ ആശുപത്രിയിൽ പ്രവേശിപ്പിച്ചെങ്കിലും…

വെള്ളമുണ്ട : ജില്ലാ ഡിവിഷൻ പരിധിയിലെ അഞ്ഞൂറോളം വരുന്ന മുഴുവൻ ഓട്ടോറിക്ഷ തൊഴിലാളികൾക്കും സ്നേഹോപഹാരവും സൗജന്യ കോഷൻ സ്റ്റിക്കറും വിതരണം ചെയ്യുന്ന വയനാട് ജില്ലാ പഞ്ചായത്ത്‌ വെള്ളമുണ്ട ഡിവിഷന്റെ പദ്ധതിയായ ‘ഹായ് ഓട്ടോ’ ആരംഭിച്ചു. മൈക്രോടെക് പോളിക്ലിനിക്കുമായി സഹകരിച്ചാണ് പരിപാടി സംഘടിപ്പിക്കുന്നത്. വെള്ളമുണ്ട പബ്ലിക് ലൈബ്രറി ഹാളിൽ നടന്ന ചടങ്ങിൽ വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. പ്രശസ്ത സിനിമ താരം കെ. കെ മൊയ്‌തീൻ കോയ ജാഗ്രത…

കൽപ്പറ്റ : ന്യൂട്രീഷൻ ആന്റ് ഡയറ്റ് റിലേറ്റഡ് പ്രോഗ്രാമിന്റെ ഭാഗമായി ആരോഗ്യവകുപ്പിന്റെ ആഭിമുഖ്യത്തിൽ വിദ്യാർത്ഥികൾക്കും രക്ഷിതാക്കൾക്കുമായി ജില്ലാതല പോഷണ പ്രദർശന- ബോധവൽക്കരണ പരിപാടി സംഘടിപ്പിച്ചു. പയ്യമ്പള്ളി സെന്റ് കാതറീൻസ് ഹൈസ്കൂളിൽ ജില്ലാ മെഡിക്കൽ ഓഫീസർ(ആരോഗ്യം) ഡോ. പി ദിനീഷ് ഉദ്ഘാടനം ചെയ്തു. ഹെഡ്മാസ്റ്റർ ഫിലിപ്പ് ജോസഫ് അദ്ധ്യക്ഷത വഹിച്ചു. ചടങ്ങിൽ ജില്ലാ എജ്യുക്കേഷൻ ആന്റ് മീഡിയ ഓഫീസർ ഹംസ ഇസ്മാലി, ഡെപ്യൂട്ടി ജില്ലാ എജ്യുക്കേഷൻ ആന്റ് മീഡിയ ഓഫീസർ കെ എം മുസ്തഫ, ടെക്നിക്കൽ അസിസ്റ്റൻറ് കെ…

പുൽപള്ളി : പുൽപ്പള്ളിയിൽ 45ഗ്രാം കഞ്ചാവുമായി തമിഴ്നാട് സ്വദേശി പിടിയിൽ. മധുര സ്വദേശി പ്രകാശ് (26) ആണ് പിടിയിലായത്. ഇന്ന് രാവിലെ 7 മണിയോടെ പുൽപ്പള്ളി പെരിക്കല്ലൂർക്കാവ് മേഖലകളിൽ എക്സൈസും, നർക്കോട്ടിക് സ്പെഷ്യൽ സ്ക്വാഡും നടത്തിയ പരിശോധനയിലാണ് ഇയാൾ പിടിയിലായത്. പരിശോധനക്ക് ആന്റി നാർക്കോട്ടിക്ക് സ്പെഷ്യൽ സ്കോഡ് ഇൻസ് പെക്ടർ ബിൽജിത്ത്, പ്രിവന്റീവ് ഓഫീസർ സോമൻ കെ, സിവിൽ എക്സൈസ് ഓഫീസർമാരായ മുഹമ്മദ് മുസ്തഫ, സുമേഷ് വിഎസ്, വിനു തുടങ്ങിയവർ നേതൃത്വം നൽകി

കല്‍പ്പറ്റ: കഞ്ചാവ് കൈവശം വെച്ച കേസില്‍ പ്രതിക്ക് രണ്ടു വര്‍ഷം കഠിനതടവും 20,000 രൂപ പിഴയും. മൈലമ്പാടി അപ്പാട് പാറക്കൽ വീട്ടിൽ മനോജി (52)നെയാണ് കല്‍പ്പറ്റ അഡീഷണല്‍ സെഷന്‍സ് (എന്‍.ഡി.പി.എസ് സ്‌പെഷ്യല്‍) കോടതി ശിക്ഷിച്ചത്. ബഹു :നാര്‍കോട്ടിക് സ്‌പെഷ്യല്‍ ജഡ്ജ് എസ്.കെ. അനില്‍കുമാറാണ് വിധി പ്രഖ്യാപിച്ചത്. 2016 ജൂണിലാണ് കേസിനാസ്പദമായ സംഭവം. 1.387 കി.ഗ്രാം കഞ്ചാവുമായി കൃഷ്ണഗിരി വില്ലേജിലെ മധുകൊല്ലിയിൽ വച്ച് പ്രതിയെ മീനങ്ങാടി പോലീസ് പിടികൂടുകയായിരുന്നു. അന്നത്തെ സബ് ഇന്‍സ്‌പെക്ടറായിരുന്ന എ. യു ജയപ്രകാശാണ് കുറ്റകൃത്യം…

മാനന്തവാടി : ഏകദേശം 87 അടി താഴ്ചയുള്ള കിണറ്റില്‍ വീണ പശുക്കിടാവിനെ അഗ്നി-രക്ഷാസേന സുരക്ഷിതമായി കരകയറ്റി. കുറുക്കന്‍മൂല നടുക്കര ജേക്കബിന്റെ കിണറ്റിലാണ് ഒരു വയസുള്ള പശുക്കിടാവ് ഇന്നു രാവിലെ വീണത്. അഗ്നി-രക്ഷാസേനാംഗം കയര്‍ കെട്ടി സാഹസികമായി കിണറ്റില്‍ ഇറങ്ങിയാണ് പശുക്കിടാവിനെ രക്ഷപ്പെടുത്തിയത്. ഫയര്‍ ആന്‍ഡ് റസ്‌ക്യൂ സ്റ്റേഷന്‍ ഓഫീസര്‍ പി.വി. വിശ്വാസ്, അസിസ്റ്റന്റ് സ്റ്റേഷന്‍ ഓഫീസര്‍ ഐ. ജോസ്, സേനാംഗങ്ങളായ കെ. രമേശ്, മനു അഗസ്റ്റിന്‍, പി.കെ. രാജേഷ്, കെ. ശ്രീകാന്ത്, എം.ബി. ബിനു, ഇ.ജെ. ബാബുമോന്‍…

കൽപ്പറ്റ : വയനാട് പോലീസ് ദേശീയ ഏകതാ ദിനാചാരണം നടത്തി. വയനാട് ജില്ലാ പോലീസ് ഓഫീസിൽ ഏകതാ ദിന പ്രതിജ്ഞ വയനാട് ജില്ലാ പോലീസ് മേധാവി പദം സിംഗ് ഐ.പി.എസ് ചൊല്ലിക്കൊടുത്തു. അഡിഷണൽ എസ്.പി വിനോദ് പിള്ള, ഡിവൈ.എസ്.പിമാരായ എൻ.ഒ. സിബി(സ്‌പെഷ്യൽ ബ്രാഞ്ച്), എം.യു. ബാലകൃഷ്ണൻ(നാർകോടിക് സെൽ), എ. റബിയത്ത്(ക്രൈം ബ്രാഞ്ച്), മറ്റു പോലീസ് ഉദ്യോഗസ്ഥർ, മിനിസ്റ്റീരിയൽ ജീവനക്കാർ തുടങ്ങിയവർ പങ്കെടുത്തു.