മാനന്തവാടി സെന്റ് തോമസ് ഓർത്തഡോക്‌സ് വലിയപള്ളിയിൽ പരിശുദ്ധ പരുമല തിരുമേനിയുടെ ഓർമ്മപ്പെരുന്നാൾ ആഘോഷിച്ചു.
ഇടവകയുടെ ചാരിറ്റി വിഭാഗമായ ‘കനിവ്’ ചികിത്സാ സഹായ വിതരണവും ‘വിദ്യാജ്യോതി’ സ്‌കോളർഷിപ്പ് വിതരണവും പെരുന്നാളിന്റെ ഭാഗമായി നടത്തി. ബുധനാഴ്ച രാവിലെ പ്രഭാത നമസ്കാരവും തുടർന്ന് വിശുദ്ധ മൂന്നിന്മേൽ കുർബ്ബാനയും പ്രസംഗവും നടന്നു.തുടർന്ന് പരിശുദ്ധ പരുമല തിരുമേനിയുടെ കുരിശിങ്കലേക്കുള്ള പ്രദക്ഷിണം, സെമിത്തേരിയിൽ ധൂപപ്രാർത്ഥന, ആശീർവാദം, നേർച്ചഭക്ഷണം എന്നിവയോടെ പെരുന്നാൾ ചടങ്ങുകൾ സമാപിച്ചു.
ഫാ. സിജു കുരിയാക്കോസ്, ഫാ. ജിബിൻ കുര്യാക്കോസ്, ഫാ. ജോബിൻ വർഗീസ്, ഫാ. സഖറിയ വെളിയത്ത്, ഫാ. കെ.കെ. വർഗീസ്, ഫാ. ജോൺ എൻ.ഐ., ഫാ. മോൻസി ജേക്കബ്, ഫാ. പി.ടി. ജോർജ്, ഫാ. ജോസഫ് പി. വർഗീസ്, ഫാ. ഷാജി കുമുള്ളൻകുന്നേൽ ,ഇടവക വികാരി ഫാ. ടി.എം. കുരിയാക്കോസ് എന്നിവർ ചടങ്ങുകൾക്ക് നേതൃത്വം വഹിച്ചു.
