കൽപ്പറ്റ: മേപ്പാടി പഞ്ചായത്തിലെ പൂത്തകൊല്ലിയിൽ പുനരധിവസിപ്പിച്ച പുത്തുമല ദുരന്തബാധിത കുടുംബങ്ങൾ വായ മൂടിക്കെട്ടി പ്രതിഷേധിച്ചു. വീടുകളുടെ ചോർച്ച അടയ്ക്കുക, ദുരന്തബാധിതരുടെ സുരക്ഷ ഉറപ്പാക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പുത്തുമല ദുരന്തത്തിന്റെ ഏഴാം വാർഷികത്തിൽ പ്രതിഷേധം. റസിഡന്റ്സ് അസോസിയേഷൻ പ്രസിഡന്റ് സലീമ, സെക്രട്ടറി ജൂനൈദ് പച്ചക്കാട് എന്നിവർ നേതൃത്വം നൽകി. വീടുകൾ വാസയോഗ്യമാക്കുന്നതിൽ ഇനിയും അനാസ്ഥ തുടർന്നാൽ കളക്ടറേറ്റ് പടിക്കൽ അനിശ്ചിതകാല സമരം സംഘടിപ്പിക്കുമെന്ന് ഇവർ പറഞ്ഞു.
