കൽപ്പറ്റ: കൽപ്പറ്റ നിയോജക മണ്ഡലത്തില് പുതിയ ബസ് റൂട്ടുകള് കണ്ടെത്തുന്നതിന് മോട്ടോര് വാഹന വകുപ്പ് ജനകീയ സദസ് നടത്തുന്നു. ടി. സിദ്ദിഖ് എംഎല്എയുടെ നേതൃത്വത്തില് സെപ്തംബര് 26 ന് രാവിലെ 10.30 ന് സിവില് സ്റ്റേഷന് എ.പി.ജെ ഹാളിലാണ് അദാലത്ത് നടക്കുക. അദാലത്തില് പൊതു ഗതാഗതം നിലവിലില്ലാത്ത സ്ഥലങ്ങളില് ബസ് റൂട്ടുകള് നിര്ദേശിക്കാമെന്ന് റീജണല് ട്രാന്സ്പോര്ട്ട് ഓഫീസര് അറിയിച്ചു. തദ്ദേശ സ്ഥാപന അധികാരികള്, അംഗങ്ങള് മുഖേനയാണ് ജനകീയ സദസ്സില് നിര്ദ്ദേശങ്ങള് സമര്പ്പിക്കേണ്ടത്. ത്രിതല പഞ്ചായത്ത് പ്രതിനിധികള്, രാഷ്ട്രീയ പാര്ട്ടി പ്രതിനിധികള്, വിവിധ വകുപ്പ് പ്രതിനിധികള് തുടങ്ങിയവര് പങ്കെടുക്കും.
ജനകീയ സദസ് സെപ്തംബര് 26
