കൽപ്പറ്റ: വാർത്തയുടെ പേരിൽ ‘മാധ്യമം’ ലേഖകൻ അനിരു അശോകന്റെ ഫോൺ പിടിച്ചെടുക്കാൻ ക്രൈംബ്രാഞ്ച് നടത്തിയ നീക്കത്തിലും പോലീസിന്റെ മാധ്യമവേട്ടയിലും പ്രതിഷേധിച്ച് വയനാട് പ്രസ് ക്ലബിന്റെ നേതൃത്വത്തിൽ ജില്ലാ പോലീസ് ഓഫീസിലേക്ക് മാർച്ച് നടത്തി. മാർച്ച് ഓഫീസ് പരിസരത്ത് പോലീസ് തടഞ്ഞു. തുടർന്നു നടന്ന യോഗം സിപിഐ ജില്ലാ സെക്രട്ടറി ഇ.ജെ. ബാബു ഉദ്ഘാടനം ചെയ്തു.
സ്വതന്ത്യ മാധ്യമപ്രവർത്തനം നാടിന്റെ നിലനിൽപിന് അത്യന്താപേക്ഷിതമാണെന്ന് അദ്ദേഹം പറഞ്ഞു. പ്രസ് ക്ലബ് പ്രസിഡന്റ് കെ.എസ്. മുസ്തഫ അധ്യക്ഷത വഹിച്ചു. എം. കമൽ, നിസാം കെ. അബ്ദുള്ള, ഒ. മുസ്തഫ, സുർജിത്ത് അയ്യപ്പത്ത്, എ.എസ്. ഗിരീഷ്, രതീഷ് വാസുദേവൻ എന്നിവർ പ്രസംഗിച്ചു. പ്രസ് ക്ലബ് സെക്രട്ടറി ജോമോൻ ജോസഫ് സ്വാഗതവും ട്രഷറർ ജിതിൻ ജോസ് നന്ദിയും പറഞ്ഞു
മാധ്യമപ്രവർത്തകർ ജില്ലാ പോലീസ് ഓഫീസിലേക്ക് മാർച്ച് നടത്തി
