സംസ്ഥാനത്ത് വേനൽ മഴ ഇന്നും തുടരും. ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ രണ്ട് ജില്ലകളിൽ യെല്ലോ അലേർട്ടാണ്. മലപ്പുറം, വയനാട് ജില്ലകളിലാണ് യെല്ലോ അലേർട്ട്. ഈ ജില്ലകളിൽ 24 മണിക്കൂറിൽ 64 മില്ലിമീറ്റർ മുതൽ 115 മില്ലിമീറ്റർ വരെ മഴ ലഭിച്ചേക്കും. ഇന്നലെ പെയ്ത ശക്തമായ മഴയിൽ വിവിധ സ്ഥലങ്ങളിൽ മഴക്കെടുതികളും റിപ്പോർട്ട് ചെയ്തു.
അതേസമയം തൃശൂരില് ഇന്നലെ ‘ഫോം റെയിന്’ എന്ന പതമഴ പെയ്തു. അമ്മാടം കോടന്നൂര് മേഖലകളിലാണ് പതമഴ പെയ്തത്. ഇന്നലെ വൈകുന്നേരം തൃശ്ശൂരിലെ വിവിധയിടങ്ങളില് കനത്ത മഴ പെയ്തിരുന്നു. ഇതിനിടയിലാണ് ചിലയിടങ്ങളില് പത മഴ പെയ്തത്.
ചെറിയ ചാറ്റല് മഴക്കൊപ്പം പാറിപ്പറന്ന് പത എത്തിയപ്പോള് എന്താണ് സംഭവിക്കുന്നത് എന്ന് പലര്ക്കും മനസ്സിലായില്ല. കുട്ടികള് പത കയ്യിലെടുത്ത് കളിച്ചു. മുതിര്ന്നവര് കാര്യം തിരക്കി. സംഭവം പതമഴ തന്നെ ഫോം റെയിന് എന്ന് പിന്നീട് വിദഗ്ധര് തന്നെ സ്ഥിരീകരിച്ചു. ഇന്നലെ വൈകുന്നേരം തൃശ്ശൂരിലെ വിവിധ ഇടങ്ങളില് കനത്ത മഴയാണ് പെയ്തത്. ഇതിനിടയിലാണ് അമ്മാടം, കോടന്നൂര് മേഖലകളില് പതമഴ രൂപപ്പെട്ടത്.
