ആമി രജി അവാർഡ് ഏറ്റുവാങ്ങി

തെക്കൻ സ്റ്റാർസ് മീഡിയ, ഡ്രാമ & ഫിലിം സൊസൈറ്റി തിരുവനന്തപുരം ഏർപ്പെടുത്തിയ മൂന്നാമത് ഷോർട്ട് ഫിലിം – ആൽബം അവാർഡ് ഫെസ്റ്റിൽ വെച്ച് സംഗീത ആൽബം വിഭാഗത്തിൽ മികച്ച ഗാനരചനയ്ക്ക് ( ഭക്തിഗാനം) ആമി രജി അവാർഡ് ഏറ്റുവാങ്ങി. തിരുവനന്തപുരം വൈലോപ്പിള്ളി സംസ്കൃതി ഭവനിൽ നടന്ന ചടങ്ങിൽ ചലച്ചിത്ര സംവിധായകൻ തുളസിദാസ് ആമി രജിക്ക് അവാർഡ് സമർപ്പിച്ചു. കവിയും നോവലിസ്റ്റും ചിത്രകാരിയുമായ ആമി രജി കോഴിക്കോട് ജില്ലയിലെ പയ്യോളി സ്വദേശിയാണ്. ഇപ്പോൾ വയനാട് മാനന്തവാടിയിലാണ് താമസം.