പുൽപ്പള്ളി :വയനാട്ടിൽ ഷിഗല്ല രോഗം സ്ഥിരീകരിച്ച സാഹചര്യത്തിൽ കേന്ദ്ര സംഘം സ്ഥലം സന്ദർശിക്കണമെന്ന് ഇന്ത്യൻ സോഷ്യൽ ജനതാദൾ സംസ്ഥാന പ്രസിഡണ്ട് മാത്യു ടി. തോമസ് ആവശ്യപ്പെട്ടു.
ശീതകലരോഗം പടർന്നുപിടിച്ച സ്ഥലങ്ങളിലെ പ്രതിരോധ പ്രവർത്തനങ്ങൾ നടത്തുന്നതിൽ ആരോഗ്യവകുപ്പും കടുത്ത അനാഥയാണ് കാണിക്കുന്നത്. രോഗം സ്ഥിരീകരിച്ച് ദിവസങ്ങൾ കഴിഞ്ഞിട്ടും രോഗാണു ഉറവിടം കണ്ടെത്താൻ സാധിച്ചിട്ടില്ല. മഴക്കാല ശുചീകരണ പ്രവർത്തനങ്ങൾ നടത്തുന്നതിൽ ആരോഗ്യ വകുപ്പും സദ്ദേശ സ്വയംഭരണ സ്ഥാപനങ്ങളും വിദ്യാഭ്യാസ വകുപ്പും കടുത്ത പരാജയമാണ്. വയനാട് ജില്ലയിലെത്തിയ ആരോഗ്യമന്ത്രിക്ക് കാര്യങ്ങൾ ഏകോപിപ്പിച്ച് പ്രതിരോധ പ്രവർത്തനങ്ങൾ നടത്താൻ സാധിച്ചിട്ടില്ല. ഈ സാഹചര്യത്തിൽ കേന്ദ്ര സംഘം വയനാട് ജില്ല സന്ദർശിച്ച് രോഗപ്രതിരോധ പ്രവർത്തനങ്ങൾ നടത്തണമെന്ന് ഇന്ത്യൻ സോഷ്യൽ ജനതാദൾ വയനാട് ജില്ലാ കൺവെൻഷൻ ആവശ്യപ്പെട്ടു.ജില്ലാ പ്രസിഡണ്ട് കുര്യാക്കോസ് മുല്ലമട അധ്യക്ഷത വഹിച്ചു സംസ്ഥാന പ്രസിഡണ്ട് മാത്യ ടി തോമസ് ഉദ്ഘാടനം ചെയ്തു. മുൻ വൈദ്യുത വകുപ്പ് മന്ത്രി കെ കൃഷ്ണൻകുട്ടി മുഖ്യപ്രഭാഷണം നടത്തി. ജില്ലാ സെക്രട്ടറി ബെന്നി കുറുമ്പാലക്കാട്ട്, കെ ജെ കുര്യൻ,വിശ്വനാഥൻ, അന്നമ്മ പൗലോസ്,പി കെ ബാബു അമീർ അറക്കൽ രാജൻ ഉഴക്കോടി, ടി.ഡി ജോസ്,സാബു,കുമാർ സംസാരിച്ചു
