നഗര മദ്ധ്യത്തിലൊരു വനം: സഞ്ചാരികളുടെ മനം കവര്ന്ന് മാനന്തവാടിയിലെ നഗരവനം
മാനന്തവാടി: പ്രകൃതിയെ അടുത്തറിയാന് നഗരമധ്യത്തില് നഗരവനം ഒരുക്കി വനം വകുപ്പ്. സംസ്ഥാനത്ത് മറ്റെവിടെയും കാണാത്ത വിധം നഗരപരിധിക്കകത്ത് സമൃദ്ധമായ വനാനുഭവം പകരുകയാണ് നോര്ത്ത് വയനാട് വനം ഡിവിഷന് മാനന്തവാടിയില് ഒരുക്കിയ നഗരവനം. കാലാവസ്ഥാ വ്യതിയാനത്തിന്റെ ദൂഷ്യഫലങ്ങള് കുറയ്ക്കുക, ഹരിതാഭ വര്ദ്ധിപ്പിക്കുക, ഉയര്ന്ന അന്തരീക്ഷ താപനില കുറക്കുക, വായു-ശബ്ദമലിനീകരണം നിയന്ത്രിക്കുക, കാറ്റിന്റെ വേഗത കുറച്ച് നഗരത്തെ സംരക്ഷിക്കുക, ചെറുജീവജാലങ്ങള്ക്ക് വാസസ്ഥലം ഒരുക്കുക, ഭുഗര്ഭ ജല സംഭരണം വര്ദ്ധിപ്പിക്കുക തുടങ്ങിയവയാണ് നഗരവനത്തിലൂടെ ലക്ഷ്യമാക്കുന്നത്. പൊതു ജനങ്ങള്ക്ക് പ്രകൃതിയുമായി അടുത്തിടപഴകാനും പരിസ്ഥിതി അവബോധം…
