മാനന്തവാടി: 2025 ഡിസംബർ 11 ന് തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന തിരഞ്ഞെടുപ്പിൽ മാനന്തവാടി മുൻസിപ്പാലിറ്റിയിലെ മൂന്നാം ഡിവിഷൻ പിലാക്കാവിൽ നിന്നും ‘ജനകീയ സ്വതന്ത്രൻ’ എന്ന പേരിൽ ജനവിധി തേടുന്ന സ്ഥാനാർത്ഥിയുമായി സോഷ്യൽ ഡമോക്രാറ്റിക് പാർട്ടി ഓഫ് ഇന്ത്യ (എസ്ഡിപിഐ) ക്ക് യാതൊരുവിധ ബന്ധവുമില്ലെന്നും മറിച്ചുള്ള പ്രചാരണങ്ങൾ അടിസ്ഥാനരഹിതമാണെന്നും, ഈ ഡിവിഷനിൽ എസ്ഡിപിഐക്ക് സ്ഥാനാർത്ഥി ഇല്ലെന്നും ബ്രാഞ്ച് സെക്രട്ടറി അസീസ് എം ടി അറിയിച്ചു.

സുല്‍ത്താന്‍ ബത്തേരി: യുഡിഎഫ് നഗരസഭയില്‍ വിതരണം ചെയ്ത ലഘുലേഖയില്‍ അപാകം ആരോപിച്ച് സിപിഎം തെരഞ്ഞെടുപ്പ് കമ്മീഷനു പരാതി നല്‍കി. വോട്ടര്‍മാരെ തെറ്റിദ്ധരിപ്പിക്കുന്നതും വര്‍ഗീയ പരാമര്‍ശങ്ങളുള്ളതും അവാസ്തവുമായ വിവരങ്ങളാണ് ലഘുലേഖയിലെന്ന് പരാതിയില്‍ പറയുന്നു. ലഘുലേഖ പുറത്തിറക്കിയ സംസ്ഥാന യുഡിഎഫ് കണ്‍വീനര്‍ അടൂര്‍ പ്രകാശ്, അച്ചടിച്ച പയ്യന്നൂരിലെ കൈരളി ഗ്രാഫിക്‌സ്, മുന്‍സിപ്പാലിറ്റിയില്‍ വിതരണം ചെയ്ത യുഡിഎഫ് സ്ഥാനാര്‍ഥികള്‍ എന്നിവരെ എതിര്‍കക്ഷികളാക്കിയാണ് പരാതിയെന്നു സിപിഎം ബത്തേരി ഏരിയ സെക്രട്ടറി പി.ആര്‍. ജയപ്രകാശ് അറിയിച്ചു. ജനാധിപത്യ പ്രക്രിയയെയയും ഭരണഘടനാസംവിധാനങ്ങളേയും അട്ടിമറിക്കാനുമുള്ള നീക്കങ്ങളെ തള്ളിക്കളയണമെന്ന്…

കൽപ്പറ്റ: യു ഡി എഫിനെതിരെ പച്ചക്കള്ളങ്ങൾ നിരത്തി ജനങ്ങളുടെ കണ്ണിൽ പൊടിയിടാനുള്ള എൽ ഡി എഫ് നീക്കത്തിന് പിന്നിൽ തദ്ദേശ തെരഞ്ഞെടുപ്പിലെ പരാജയഭീതിയാണെന്ന് ഡി സി സി പ്രസിഡൻ്റ് അഡ്വ. ടി ജെ ഐസക് , മുസ്ലിംലീഗ് ജില്ലാ പ്രസിഡൻ്റ് കെ കെ അഹമ്മദ് ഹാജി എന്നിവർ സംയുക്ത പ്രസ്താവനയിൽ പറഞ്ഞു. യു ഡി എഫിന് മദ്യവും പണവുമൊഴുക്കി വോട്ടുപിടിക്കേണ്ട ആവശ്യമില്ല. എൽ ഡി എഫിന്റെ ഇത്തരത്തിലുള്ള പ്രസ്താവന വയനാട്ടിലെ ജനങ്ങളെ അപഹസിക്കുന്നതിന് തുല്യമാണ്. തദ്ദേശതെരഞ്ഞെടുപ്പിൽ എൽ…

മുൻ ബ്ലോക്ക് പഞ്ചായത്ത് അംഗവും കോൺഗ്രസ് നേതാവുമായ നസീർ ആലക്കൽ ഉൾപ്പെടെ കോൺഗ്രസ് പ്രവർത്തകർ സിപിഐഎമ്മിൽ ചേർന്നു. മുണ്ടക്കൈ ,ചൂരൽമല സ്വദേശികളാണ് ഏരിയ കമ്മിറ്റി ഓഫീസിൽ എത്തി സിപിഐഎമ്മിൽ ചേർന്നത്. ദുരന്തബാധിതരോടുള്ള കോൺഗ്രസിൻ്റെയും മുസ്ലിം ലീഗിൻ്റെയും അവഗണനയിൽ പ്രതിഷേധിച്ചാണ് പാർട്ടി മാറ്റമെന്ന് നസീർ പറഞ്ഞു. ദുരന്തബാധിതരുടെ കൂട്ടായ്മയായ ജനശബ്ദം ആക്ഷൻ കൗൺസിൽ ചെയർമാൻ കൂടിയാണ് നസീർ ആലക്കൽ. എൽഡിഎഫ് സ്ഥാനാർത്ഥി കെ കെ സഹദിന്റെ വിജയത്തിനായി പ്രവർത്തിക്കുമെന്നും ഇവർ പറഞ്ഞു.

കൽപ്പറ്റ: ജില്ലയില്‍ തദ്ദേശ തെരഞ്ഞെടുപ്പിനുള്ള ഒരുക്കങ്ങള്‍ പൂര്‍ത്തിയായതായി ജില്ലാ തെരഞ്ഞെടുപ്പ് ഉദ്യോഗസ്ഥയായ ജില്ലാ കളക്ടര്‍ ഡി.ആര്‍ മേഘശ്രീ അറിയിച്ചു. വോട്ടിങ് മെഷീനുകള്‍, പോളിങ് സാമഗ്രികള്‍ ഇന്ന് (ഡിസംബര്‍ 10) രാവിലെ എട്ട് മുതല്‍ വിതരണ കേന്ദ്രങ്ങളില്‍ നിന്നും ഉദ്യോഗസ്ഥര്‍ക്ക് കൈമാറും. ഗ്രാമപഞ്ചായത്ത് ബൂത്തുകളിലേക്ക് മൂന്ന് ബാലറ്റ് യൂണിറ്റുകളും ഒരു കണ്‍ട്രോള്‍ യൂണിറ്റുമാണ് വിതരണം ചെയ്യുക. നഗരസഭകളിലെ ബൂത്തുകളില്‍ ഒരു കണ്‍ട്രോള്‍ യൂണിറ്റും ഒരു ബാലറ്റ് യൂണിറ്റുമാണുണ്ടാവുക.   മാനന്തവാടി ബ്ലോക്ക് പഞ്ചായത്തിന് കീഴിലെ ബൂത്തുകളിലേക്കുള്ള പോളിങ് സാമഗ്രികള്‍ മാനന്തവാടി…