മാനന്തവാടി:ലോക സാമൂഹ്യ നീതി ദിനാഘോഷത്തിൻ്റെ ഭാഗമായി ജി. വി.എച്ച്.എസ്.എസ്. മാനന്തവാടിയിൽ എൻ.സി.സി. യൂണിറ്റിൻ്റെ നേതൃത്വത്തിൽ നടന്ന സെമിനാർ ഹെഡ്മാസ്റ്റർ കെ.കെ. സുരേഷ് കുമാർ സാർ ഉദ്ഘാടനം നിർവഹിച്ചു .അഡ്വക്കേറ്റ് ജോഷി മുണ്ടക്കൽ ക്ലാസ് എടുത്തു. അധ്യാപകരായ ഹെൻറി മരിയ ദാസ് എം.ആർ, കെ വി ജിജോ, സീനിയർ കേഡറ്റ് ദിൽന ഷാജി എന്നിവർ പ്രസംഗിച്ചു.
താമരശ്ശേരി: നേത്രരോഗ ചികിത്സാ രംഗത്തെ നവീന സാങ്കേതിക വിദ്യകളും അത്യാധുനിക ചികിത്സാ രീതികളും അവതരിപ്പിച്ച് താമരശ്ശേരി നേത്ര ഫൗണ്ടേഷൻ കണ്ണാശുപത്രിയുടെ നേതൃത്വത്തിൽ ഐ മെഡ് സെമിനാർ സംഘടിപ്പിച്ചു. കൈതപ്പൊയിൽ മർക്കസ് നോളജ് സിറ്റി കാപ്കോൺ ക്ലബ് ഹൗസിൽ നടന്ന പരിപാടി ഡോ. കെ.പി. അബ്ദുൽ റഷീദ് ഉദ്ഘാടനം ചെയ്തു.എം.ഡി. സി.എം. ദിൽഷാദ് അധ്യക്ഷത വഹിച്ചു. തുടർ വിദ്യാഭ്യാസ പരിപാടിയുടെ ഭാഗമായി സംഘടിപ്പിച്ച സെമിനാറിൽ നേത്രരോഗ ചികിത്സയിലെ പുതിയ പ്രവണതകളും ശസ്ത്രക്രിയാ സാങ്കേതികതകളും രോഗികൾക്കുള്ള സമഗ്രപരിചരണ മാർഗങ്ങളും സംബന്ധിച്ച്…
കൽപ്പറ്റ: ഉരുൾപൊട്ടൽ ദുരന്തത്തിൽ തകർന്ന മുണ്ടക്കൈ, വെള്ളാർമല സ്കൂളുകളുടെ പുനർനിർമ്മാണം യുദ്ധകാലാടിസ്ഥാനത്തിൽ പൂർത്തിയാക്കണമെന്ന് കേരള സ്റ്റേറ്റ് ടീച്ചേഴ്സ് സെൻ്റർ (കെ.എസ്.ടി.സി) വയനാട് ജില്ലാ സമ്മേളനം ആവശ്യപ്പെട്ടു. ലോകത്തിന് തന്നെ മാതൃകയാകുന്ന രീതിയിൽ ദുരന്തബാധിതർക്കായി സർക്കാർ ഒരുക്കുന്ന ടൗൺഷിപ്പ് നിർമ്മാണം അതിവേഗം പുരോഗമിക്കുകയാണ്. വെള്ളാർമല പരിസരത്ത് തന്നെ സ്കൂളിനായി ഭൂമി കണ്ടെത്തുകയും ഫണ്ട് മാറ്റിവെക്കുകയും ചെയ്തിട്ടുണ്ടെങ്കിലും പ്രവർത്തനങ്ങൾ ഇനിയും വേഗത്തിലാകേണ്ടതുണ്ട്. നിലവിൽ മേപ്പാടി ഗവ. സ്കൂളിലും പഞ്ചായത്ത് കെട്ടിടത്തിലുമായാണ് സ്കൂളുകൾ താൽക്കാലികമായി പ്രവർത്തിക്കുന്നത്. ഭൂരിഭാഗം വിദ്യാർത്ഥികളും ചൂരൽമല…
പടിഞ്ഞാറത്തറ ഗ്രാമപഞ്ചായത്ത് വാർഷിക പദ്ധതി 2025/ 26 ൽ ഉൾപ്പെടുത്തി പഞ്ചായത്ത് തല പച്ചക്കറി തൈ വിതരണ ഉദ്ഘാടനം ഗ്രാമപഞ്ചായത്ത് പ്രസിഡണ്ട് കെ. കെ . അസ്മ. നിർവഹിച്ചു
മുട്ടിൽ: തിരഞ്ഞെടുപ്പ് ബോധവൽക്കരണ പ്രവർത്തനങ്ങളിൽ മികച്ച പ്രകടനം കാഴ്ചവെച്ചതിന് മുട്ടിൽ ഡബ്ല്യു.എം.ഒ കോളേജിന് ജില്ലാ ഭരണകൂടത്തിന്റെ പുരസ്കാരം. ജില്ലയിലെ ഏറ്റവും മികച്ച കോളേജിനുള്ള അംഗീകാരമാണ് ഡബ്ല്യു.എം.ഒ കോളേജിന് ലഭിച്ചത്.വയനാട് ജില്ലയിലെ സ്വീപ് പ്രവർത്തനങ്ങളുടെ ഭാഗമായി പ്രവർത്തിക്കുന്ന കോളേജ് ഇലക്ടറൽ ലിറ്ററസി ക്ലബ്ബിന്റെ മികച്ച പ്രവർത്തനങ്ങൾ പരിഗണിച്ചാണ് പുരസ്കാരം. 2025-ലെ ജില്ലാ തെരഞ്ഞെടുപ്പ്,വോട്ടർ പട്ടിക പുതുക്കൽ എന്നിവയിൽ ക്ലബ്ബ് നടത്തിയ സജീവ ഇടപെടലുകളാണ് കോളേജിനെ അംഗീകാരത്തിന് അർഹമാക്കിയത്.14 ലൊക്കേഷനുകളിലായി 28 പരിപാടികൾ സംഘടിപ്പിച്ചതും തുടർച്ചയായി 21ദിവസം എസ്.ഐ.ആർ പ്രവർത്തനങ്ങളിൾ…
കൽപ്പറ്റ:മഹീന്ദ്ര കൗശിക് ദേശീയ അധ്യക്ഷനായ ഇക്വാലിറ്റി പാര്‍ട്ടി ഓഫ് ഇന്ത്യ വയനാട്ടില്‍ പ്രവര്‍ത്തനം ആരംഭിച്ചു. കൽപ്പറ്റ വുഡ്ലാൻഡ് ഓഡിറ്റോറിയത്തിൽ ചേർന്ന യോഗത്തിൽ അഡ്ഹോക്ക് കമ്മിറ്റി രൂപീകരിച്ചു. . വൈകാതെ കണ്‍വന്‍ഷന്‍ നടത്തി ജില്ലാ കമ്മിറ്റിക്ക് രൂപം നല്‍കുമെന്നും നാടിനെ വികസന പാതയിലൂടെ നയിക്കുകയെന്ന ലക്ഷ്യത്തോടെയാണ് പാര്‍ട്ടി ജില്ലയിലേക്ക് പ്രവര്‍ത്തനം വ്യാപിപ്പിക്കുന്നതെന്ന് പാര്‍ട്ടി സ്ഥാപകനും സംസ്ഥാന പ്രസിഡന്റുമായ നെടുമണ്‍കാവ് ഗോപാലകൃഷ്ണൻ പറഞ്ഞു. . സമീപ ഭാവിയില്‍ സംസ്ഥാനത്തെ പ്രബല രാഷ്ട്രീയ ശക്തിയായി ഇക്വാലിറ്റി…
യാത്രക്കാർക്ക് നോമ്പ്തുറക്കാൻ സൗകര്യമൊരുക്കി ജില്ലയിൽ SKSSF വിഖായ ഇഫ്താർ ടെന്റുകൾക്ക് തുടക്കമായി skssf വിഖായയുടെ നേതൃത്വത്തിൽ വർഷങ്ങളായി സംഘടിപ്പിച്ചുവരുന്ന ഇഫ്താർ ടെന്റ് ഈ വർഷവും ജില്ലയിലെ വിവിധ മേഖലകളിൽ സംവിധാനിക്കാനുള്ള ഒരുക്കങ്ങൾ പൂർത്തിയായി. ജില്ലയിലെ പ്രധാന റോഡുകളും ടൗണുകളും കേന്ദ്രീകരിച്ചാണ് യാത്രക്കാർക്ക് നോമ്പുതുറക്കാനായി ഇഫ്താർ ടെന്റുകൾ സംഘടന സംവിധാനിക്കുന്നത്. കഴിഞ്ഞ വർഷം പതിനായിരത്തിലേറെ ആളുകൾക്ക് ഇഫ്താർ ടെന്റിലൂടെ നോമ്പ് തുറക്കാനുള്ള സംവിധാനം സൗജന്യമായി സംഘടന ഒരുക്കിയിരുന്നു. വൈത്തിരി മേഖലയിൽ – ചേലോട് മഖാം പരിസരത്ത് തുടക്കം കുറിച്ച…
കേരള പ്രദേശ് പ്രവാസി കോൺഗ്രസ് വയനാട് ജില്ല പ്രസിഡന്റായി സജി മണ്ഡലത്തിനെ നിയമിച്ചു. മുൻ ഒഐസിസി കുവൈറ്റ്‌ വെൽഫെയർ വിംഗ് ചെയർമാൻ, ഒ.ഐ.സി.സി നാഷണൽ കമിറ്റി അംഗമായും,കുവൈറ്റ്‌ മലയാളി സമാജം വൈസ് പ്രസിഡന്റായും, താമരശ്ശേരി അസോസിയേഷൻ പ്രസിഡന്റായും ദീർഘകാലം പ്രവർത്തിച്ചു. നിലവിൽ കേരള പ്രദേശ് പ്രവാസി കോൺഗ്രസ് ജില്ല ജന :സെക്രട്ടറി, റോഡ് ആക്സിഡന്റ് ആക്ഷൻ ഫോറം (RAAF)ജില്ല ജന :സെക്രട്ടറിയായും പ്രവർത്തിച്ചു വരുന്നു.
മുള്ളൻകൊല്ലി : പാതിരി ഉന്നതിയിൽ കേരള വികസന പദ്ധതിയിൽ ടി എസ് പി പണ്ടുപയോഗിച്ച് 2007ൽ ജില്ലാ പഞ്ചായത്ത് നിർമ്മിച്ച സാംസ്കാരിക നിലയം കാടുപിടിച്ച് സാമൂഹ്യവിരുദ്ധരുടെ താവളമായി മാറിയിരിക്കുന്നു. സമഗ്ര ശിക്ഷ കേരളം പദ്ധതിയിൽ ഉന്നതിയിലെ കുട്ടികളുടെ പഠന വീട് പ്രവർത്തിച്ചിരുന്നതും ഈ കേന്ദ്രത്തിൽ ആയിരുന്നു. എന്നാൽ പഠന വീടിന്റെ പ്രവർത്തനവും നിലച്ചു പോയിരിക്കുന്നു. ബന്ധപ്പെട്ട അധികാരികൾ ഉണർന്നു പ്രവർത്തിച്ച സാംസ്കാരിക നിലയം പ്രവർത്തന സജ്ജമാക്കണമെന്ന് പെരിക്കല്ലൂർ പൗരസമിതി ആവശ്യപ്പെട്ടു പ്രസിഡണ്ട് ഗിരീഷ് കുമാർ സെക്രട്ടറി ജോഷി…
കൽപ്പറ്റ: വയനാട്ടിലെ ജനങ്ങൾക്ക് കൂടുതൽ പ്രയോജനം ലഭിക്കും വിധം വയനാട് ആസ്ഥാനമാക്കി പശ്ചിമഘട്ട സർവ്വകലാശാല ആരംഭിക്കണമെന്ന ആവശ്യം ശക്തമായി. ഈ ആവശ്യവുമായി വയനാട് പശ്ചിമഘട്ട സര്‍വ്വകലാശാല കര്‍മ്മസമിതി രൂപീകരിച്ചു. പരമ്പരാഗതമായ പാഠ്യവിഷയങ്ങള്‍ക്ക് പുറമെ ഏറ്റവും അത്യാധുനികമായ പാഠ്യവിഷയങ്ങള്‍ കൂടി കോര്‍ത്തിണക്കിക്കൊണ്ടുള്ള ഉയര്‍ന്ന അന്താരാഷ്ട്ര നിലവാരമുള്ള അക്കാദമിക് കോഴ്‌സുകളാണ് ഈ സര്‍വ്വകലാശാലയില്‍ പ്രതീക്ഷിക്കുന്നത്. വയനാട് ഉള്‍പ്പെടെയുള്ള പശ്ചിമഘട്ടത്തിന്റെ ജൈവവൈവിധ്യവും കാര്‍ഷിക സംസ്‌കൃതിയും വനസമ്പത്തും കാത്തുസൂക്ഷിച്ചുകൊണ്ടുള്ള പരിസ്ഥിതി സംരക്ഷണത്തിലൂന്നിയുള്ള വികസന കാഴ്ചപ്പാടിലുള്ള കോഴ്‌സുകള്‍ക്കും പ്രവര്‍ത്തനങ്ങള്‍ക്കുമാണ് പ്രാധാന്യം നല്‍കേണ്ടത്. തദ്ദേശീയ ജനതയുടെ…
