മീനങ്ങാടി: ഗ്രാമപഞ്ചായത്ത് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സാധ്യതകൾ പ്രയോജനപ്പെടുത്തി ആരംഭിച്ച കാർഷിക നഴ്സറികളിൽ ഉത്പാദിപ്പിച്ച തൈകൾ വിതരണത്തിന് തയ്യാറായി. തൊഴിലുറപ്പ് പദ്ധതിയുടെ മാനദണ്ഡങ്ങൾ പലതും കൃഷിയിടങ്ങളിൽ പണിയെടുപ്പിക്കുന്നതിന് തടസ്സമാകുകയും പദ്ധതി ആരംഭിച്ചതോടുകൂടി സമയാസമയങ്ങളിൽ തൊഴിലാളികളെ ലഭിക്കുന്നില്ലെന്ന പരാതി ഉയരുകയും ചെയ്യുമ്പോൾ തൈകൾ ഉത്പാദിപ്പിച്ച് കൃഷിയിടങ്ങളിൽ നട്ടു കൊടുക്കുന്നത് കർഷകർക്ക് ആശ്വാസമാകും. സി x ആർ ,റോബസ്റ്റ ഇനത്തിൽപ്പെട്ട രണ്ട് ലക്ഷം കാപ്പി തൈകളും പതിനായിരം കുറ്റ്യാടി തെങ്ങിൻ തൈകളും പതിനായിരം വീതം നാരങ്ങ ചെറുനാരങ്ങ…

കണിയാമ്പറ്റ : കബ്ലക്കാട് പതിമൂന്നാം വാർഡ് വെസ്റ്റ് കനാൽപ്രദേശം അംഗൻവാടിയിൽ വച്ച് വനിതാ ലീഗിൻ്റെ “മടിത്തട്ട് ” ലഹരി വിരുദ്ധ ക്യാമ്പയ് ൻ്റെ ഭാഗമായി അമ്മമാർക്കുള്ള ലഹരി വിരുദ്ധ സെമിനാറും ചർച്ചയും സംഘടിപ്പിച്ചു. വനിത ലീഗ് പഞ്ചായത്ത് സെക്രട്ടറി പി.നഫീസത്ത് സ്വാഗതം ആശംസിച്ചു. വാർഡ് മെമ്പറും ആരോഗ്യ വിദ്യാഭ്യാസ സ്റ്റാൻൻ്റിങ് കമ്മറ്റി ചെയർപേർസണുമായ സീനത്ത് തൻവീർ അദ്ധ്യക്ഷത വഹിച്ചു. വിമുക്തി മിഷൻ വയനാട് ജില്ല കോ -ഓർഡിനേറ്റർ എൻ.സി.സജിത്ത്കുമാർ അച്ചൂരാനം അമ്മമാർക്കായി ലഹരി വിരുദ്ധ സെമിനാറും ചർച്ചയും…

ആനേരി: കോട്ടത്തറ പഞ്ചായത്തിലെ ആനേരി അഞ്ചാം വാർഡിലെ തകർന്ന റോഡുകളിൽ വാഴ നട്ട്‌ സിപിഐ എം പ്രതിഷേധം. കമ്പളക്കാട്‌–കുതിരക്കുണ്ട്‌ റോഡിലും ആനേരി–മടക്കിമല കനാൽ റോഡിലുമാണ്‌ വാഴവച്ചത്‌. റോഡുകൾ തകർന്ന്‌ കാലങ്ങളായിട്ടും നന്നാക്കിയിട്ടില്ല. പാതളക്കുഴികളാണ്‌. ഓട്ടോ റിക്ഷകൾ സർവീസ്‌ നിർത്തി. കമ്പളക്കാട്‌–പള്ളിക്കുന്ന്‌ റോഡിൽനിന്ന്‌ എളുപ്പത്തിൽ കൽപ്പറ്റ–മാനന്തവാടി പാതയിലെ മടക്കിമലയിലേക്ക്‌ എത്താവുന്ന പാതകളാണ്‌ രണ്ടും. തകർന്ന്‌ തരിപ്പണമായിട്ടും യുഡിഎഫ്‌ പഞ്ചായത്ത്‌ ഭരണസമിതിയോ ബിജെപി അംഗമായ വാർഡ്‌ മെമ്പറോ തിരിഞ്ഞുനോക്കുന്നില്ലെന്ന്‌ ആരോപിച്ചായിരുന്നു സമരം. വിദ്യാർഥികൾ ഉൾപ്പെടെ നിത്യേന നിരവധിപേർ സഞ്ചരിക്കുന്ന പാതകളാണ്‌….

പുല്പള്ളി : പഞ്ചായത്ത് ബസ്റ്റാൻഡിൽ യാത്രക്കാരുടെ ഇരിപ്പിടത്തിന് സമീപം പാമ്പിനെ കണ്ടത് പരിഭ്രാന്തിക്കിടയാക്കി. യാത്രക്കാരു ടെ ഇരിപ്പിടത്തിന് തൊട്ടുമുകളിലെ മേൽക്കൂരയുടെ കമ്പിയിയിലാ യിരുന്നു പാമ്പുണ്ടായിരുന്നത്. തലയ്ക്കുമുകളിലായി പാമ്പിനെ ക ണ്ടതോടെ ഇരിപ്പിടത്തിലിരുന്ന യാത്രക്കാർ പുറത്തേക്കിറങ്ങിനിന്നു. സന്നദ്ധ പ്രവർത്തകരെത്തിയാണ് പാമ്പിനെ പിടികൂടി ബസ് സ്റ്റാൻ ഡിന് പുറത്തേക്ക് മാറ്റിയത്. ഇതിന് മുൻപും ബസ്സ്‌റ്റാൻഡിൽ പാമ്പു ശല്യമുണ്ടായിട്ടുണ്ട്.