ഉരുള്പൊട്ടല് മേഖലയിലെ അതിര്ത്തി നിര്ണയം പൂര്ത്തിയായി; 123 സ്ഥലങ്ങളില് സര്വ്വെ കല്ലിട്ടു
കൽപ്പറ്റ :മുണ്ടക്കൈ-ചൂരല്മല ഉരുള്പൊട്ടല് പ്രദേശത്തെ ഗോ, നോ ഗോ സോണ് മേഖലയില് രണ്ടു ദിവസങ്ങളിലായി നടന്ന അതിര്ത്തി നിര്ണയം പൂര്ത്തിയായി. മേപ്പാടി ഗ്രാമപഞ്ചായത്തിലെ 10, 11, 12 വാര്ഡുകളിലായി 123 സ്ഥലങ്ങളിലാണ് അടയാളപ്പെടുത്തലിന്റെ ഭാഗമായി സര്വ്വെ കല്ലിട്ടത്. അടയാളപ്പെടുത്തലിന്റെ ഭാഗമായി സ്ഥാപിച്ച സര്വ്വെ കല്ല് പറിച്ചുമാറ്റിയാലും കണ്ടെത്താന് കഴിയും വിധത്തില് ജിയോ കോഡിനേറ്റ് ഉള്പ്പെടുത്തിയാണ് തത്സമയം കല്ലുകള് സ്ഥാപിച്ചത്. ജനുവരി ഏഴിന് ആരംഭിച്ച അടയാളപ്പെടുത്തലില് വെള്ളരിമല വില്ലേജ് ഓഫീസിന് സമീപത്തു നിന്നും ഡാം സൈറ്റ് വരെയും തിരിച്ച്…
