കൽപറ്റ: ജില്ലയില്‍ കാല വര്‍ഷക്കെടുതിയുടെ പശ്ചാത്തലത്തില്‍ 8 ദുരിതാശ്വാസ ക്യാംപുകളാണ് പ്രവര്‍ത്തിക്കുന്നത്. 183 കുടുംബങ്ങളിലെ 207 പുരുഷന്‍മാരും 196 സ്ത്രീകളും 132 കുട്ടികളും ഉള്‍പ്പെടെ 535 പേരാണ് ക്യാംപുകളിലുള്ളത്. മുണ്ടക്കൈ- ചൂരല്‍ മല ദുരന്തത്തിന്റെ ഭാഗമായി 6 ക്യാംപുകളും പ്രവര്‍ത്തിക്കുന്നുണ്ട്. 162 കുടുംബങ്ങളിലെ 179 പുരുഷൻമാരും 168 സ്ത്രീകളും 117 കുട്ടികളും ഉൾപ്പെടെ 464 പേരാണുള്ളത്.

മാനന്തവാടി: ലത്തീന്‍ കത്തോലിക്ക സര്‍ട്ടിഫിക്കറ്റ് അനുവദിക്കുന്നതുമായി ബന്ധപ്പെട്ട് 1947ലെ കാലഗണന ഒഴിവാക്കി സര്‍ട്ടിഫിക്കറ്റ് വേഗത്തിലാക്കാന്‍ നിയമ നിർമാണത്തിന് നേതൃത്വം നല്‍കിയ മന്ത്രി ഒ ആര്‍ കേളുവിനെ നെയ്യാറ്റിൻകര ലത്തീന്‍ രൂപതയുടെ നേതൃത്വത്തില്‍ ആദരിച്ചു. മാനന്തവാടി അമലോത്ഭവമാതാ ദേവാലയത്തിൽ നടന്ന ചടങ്ങിൽ ഫാ. അനില്‍കുമാര്‍, ഫാ. റോബര്‍ട്ട് വിന്‍സെന്റ്, ഫാ. ജെയ്‌മോന്‍ ആകശാലയിൽ എന്നിവർ ചേർന്ന്‌ പൊന്നാട അണിയിച്ചു. മെമെന്റോയും നൽകി. സിപിഐ എം മാനന്തവാടി ഏരിയാ കമ്മിറ്റിയംഗം കെ എം വര്‍ക്കിയും ഒപ്പമുണ്ടായി.

കൽപറ്റ:പൊതുവിദ്യാഭ്യാസ വകുപ്പ് സമഗ്രശിക്ഷ കേരളയുമായി സഹകരിച്ച് നടപ്പാക്കുന്ന ക്രിയേറ്റീവ് കോര്‍ണര്‍ പദ്ധതിയുടെ ഭാഗമായി ജില്ലാതല ഏകദിന ശില്‍പശാല സംഘടിപ്പിച്ചു. പഠനം കൂടുതല്‍ ആകര്‍ഷകവും ആസ്വാദ്യകരവുമാക്കുക, വിദ്യാര്‍ഥികളില്‍ ആത്മവിശ്വാസം വര്‍ധിപ്പിക്കുക, പഠനം വിദ്യാര്‍ഥികളുടെ അഭിരുചിക്കനുസൃതമായി അവധിക്കാല പരിശീലനങ്ങള്‍, പാഠ്യേതര വിഷയങ്ങളിലും അധ്യാപകര്‍ക്കും ഇടയിലുള്ള അന്തരം നികത്തുക, തൊഴില്‍ സംസ്‌കാരം വളര്‍ത്തുക, പ്രവര്‍ത്തനാധിഷ്ഠിത പഠനത്തിലൂടെ ക്ലാസ് മുറിയിലെ പ്രവര്‍ത്തനങ്ങള്‍ പുറം ലോകവുമായി ബന്ധിപ്പിച്ച് വിദ്യാര്‍ഥികളുടെ പങ്കാളിത്തം ഉറപ്പാക്കല്‍, തൊഴിലിന് ആദരവ് നല്‍കി വിദ്യാര്‍ഥികളെ സമര്‍ഥരും ഉത്തരവാദിത്തമുള്ളവരാക്കുകയാണ് ക്രിയേറ്റീവ് കോര്‍ണറിന്റെ ലക്ഷ്യം….

കൽപ്പറ്റ : ബൈപ്പാസ് റോഡിൽ നടക്കുന്ന മലബാർ ഗ്രാൻഡ് ഫെസ്റ്റിൻ്റെ ഭാഗമായി രാജസ്ഥാൻ സംഗീതജ്ഞനും പ്രഭാഷകനുമായ കൃഷ്‌ണ ശക്തിയുടെ സംഗീത നിശ ശനിയാഴ്ച വൈകുന്നേരം 6 മുതൽ നടക്കും. രാജസ്ഥാനിലെ കബീർ യാത്രയിലെ സ്ഥിരം സാന്നിധ്യമായ കൃഷ്‌ണ ശക്തി രാജ്യം മുഴുവൻ സഞ്ചരിച്ച് പരിപാടികൾ അവതരിപ്പിച്ച് വരുന്നുണ്ട്. ആദ്യമായാണ് കൃഷ്‌ണ ശക്തി സംഗീത നിശ വയനാട്ടിൽ നടക്കുന്നത്.