കൽപ്പറ്റ : അന്താരാഷ്ട്ര പരിസ്ഥിതി ദിനത്തില്‍ ഗ്രീന്‍ കേരള റൈഡുമായി തദ്ദേശ സ്വയംഭരണ വകുപ്പ്. കാര്‍ബണ്‍ എമിഷന്റെ അളവ് കുറയ്ക്കുകയെന്ന ലക്ഷ്യത്തോടെയാണ് പരിസ്ഥിതി ദിനത്തില്‍ തദ്ദേശസ്വയം ഭരണ വകുപ്പ് ഗ്രീന്‍ കേരള റൈഡ് സംഘടിപ്പിക്കുന്നത്. ഒന്നിച്ചിറങ്ങാം, കാര്‍ബണ്‍ കുറയ്ക്കാം എന്ന സന്ദേശവുമായി കാര്‍ബണ്‍ ന്യൂട്രല്‍ വയനാട് ബോധവത്ക്കരണ ക്യാമ്പെയിന്റെ ഭാഗമായി ജില്ലാ കളക്ടര്‍ ഡി.ആര്‍ മേഘശ്രീ ജൂണ്‍ 5 രാവിലെ 9.30 ന് ഓഫീസിലേക്കുള്ള ഔദ്യോഗിക യാത്ര കമ്മ്യൂണിറ്റി പൂളിങ്ങിന്റെ ഭാഗമായി തിരഞ്ഞെടുത്ത പൊതുഗതാഗത മാര്‍ഗ്ഗം ഉപയോഗിച്ചായിരിക്കും….

തലപ്പുഴ: ചിറക്കരയിലെ ജനവാസ മേഖലയിൽ എത്തുന്ന കാട്ടാനക്ക് പ്രായത്തിന്റെതായ അവശതകളുണ്ടെന്നും, തീറ്റ കുറവാണെന്നും വനംവകുപ്പ്. കഴിഞ്ഞ മാർച്ച് മുതൽ ഈ ആന വനംവകുപ്പിന്റെ നിരീക്ഷണത്തിലാണ്. ഒരാഴ്ചക്കിടയിൽ മൂന്ന് തവണയാണ് ചിറക്കരയിലെ ജനവാസ മേഖലയിലും, കൃഷിയിടങ്ങളിലും കാട്ടാനയെത്തിയത്. മൂന്ന് തവണയും വനംവകുപ്പും നാട്ടുകാരും ചേർന്ന് കാട്ടാനയെ കാട്ടിലേക്ക് തുരത്തുകയായിരുന്നു. കാട്ടാനക്ക് മുഖത്തും മറ്റും പരിക്കുകളുണ്ടെന്ന് നാട്ടുകാർ സ്ഥിരീകരിച്ചിരുന്നു. എന്നാൽ കാട്ടാനക്ക് പ്രായത്തിന്റേതായ അവശതകളുണ്ടെന്നും, മാർച്ച് മുതൽക്കേ കാട്ടാന വനംവകുപ്പിൻ്റെ നിരീക്ഷണത്തിലായിരുന്നെന്നും വനംവകുപ്പ് ഉദ്യോഗസ്ഥർ പറയുന്നു. മുൻ വർഷങ്ങളിലൊക്കെ ഇതേ…

കൽപ്പറ്റ : വന്യജീവി കൂട്ടിലുണ്ടായിരുന്ന കോഴികളെ കൂട്ടത്തോടെ കൊന്നു.പുല്‍പ്പള്ളി കുന്നത്തുകവലയിലെ കാരക്കാട്ടില്‍ ബിജുവിന്റെ ഫാമിലെ 60ഓളം കോഴികളെയാണ് വന്യജീവി കൊന്നത്. നിരവധി കോഴികള്‍ക്ക് പരിക്കുണ്ട്. ഇന്ന് പുലര്‍ച്ചെ 2.30ഓടെയാണ് സംഭവം. വീടിന് സമീപത്തെ ഷെഡിന്റെ വശത്തുള്ള കമ്പിവല തകര്‍ത്താണ് വന്യജീവി കോഴികളെ പിടിച്ചത്. ശബ്ദം കേട്ട് വീട്ടുകാര്‍ കോഴിക്കൂടിന് അടുത്തെത്തിയപ്പോഴേയ്ക്കും വന്യജീവി ഓടിമറഞ്ഞു. വനപാലകര്‍ സ്ഥലത്തെത്തി പരിശോധന നടത്തി. കാട്ടുപൂച്ചയായിരിക്കാം കോഴികളെ ആക്രമിച്ചതെന്നാണ് വനംവകുപ്പ് ഉദ്യോഗസ്ഥര്‍ പറയുന്നത്.