കൽപ്പറ്റ: എംഎസ്എഇ ദിനാഘോഷത്തിന്റെ ഭാഗമായി ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ മുട്ടിൽ ഡബ്ല്യുഎംഒ കോളജിൽ സംഘടിപ്പിച്ച ഇന്റർ-കോളജ് ക്വിസ് മത്സരത്തിൽ പൂക്കോട് വെറ്ററിനറി & അനിമൽ സയൻസ് കോളജിലെ നാലാം വർഷ ബി വി എസ് സി & എ എച്ച് വിദ്യാർത്ഥി കെ യു ഹരികൃഷ്ണൻ, രണ്ടാം വർഷ ബി വി എസ് സി & എ എച്ച് വിദ്യാർത്ഥി കെ ഗോകുൽ കൃഷ്ണൻ എന്നിവർ ഒന്നാം സ്ഥാനം നേടി. വ്യവസായ വാണിജ്യ വകുപ്പിന്റെ നേട്ടങ്ങളും…
എടവക : കാറ്റിലും മഴയിലും മരം കടപുഴകി വീണ് വീടിന് ഭാഗികമായി കേടുപാടുകൾ സംഭവിച്ചു. എടവക പഞ്ചായത്തിലെ എള്ളുമന്ദം മൂട്ടേരി ഉന്നതിയിലെ കറപ്പിയുടെ വീടിന് മുകളിലേക്കാണ് മുകൾ ഭാഗത്ത് നിന്ന് മരം പൊട്ടി വീണത്. മാനന്തവാടിയിൽ നിന്നും ഫയർഫോഴ്സ് എത്തി മരം മുറിച്ച് മാറ്റി.
മേപ്പാടി : ചൂരൽമലയിൽ പ്രതിഷേധവുമായി നാട്ടുകാർ. ബെയ്ലി പാലത്തിനു മുൻപിൽ പൊലീസുമായി നാട്ടുകാർ തർക്കത്തിലേർപ്പെട്ടു. സർക്കാർ വാഗ്ദനങ്ങൾ പാലിക്കുന്നില്ലെന്ന് ചൂണ്ടിക്കാട്ടിയാണ് നാട്ടുകാരുടെ പ്രതിഷേധം. ചൂരൽമലയിൽ ശക്തമായ മഴയാണ് പെയ്യുന്നത്. മഴ കനത്തതോടെ പുഴയിൽ നീരൊഴുക്ക് വർധിച്ചു. ഇത് പ്രദേശവാസികളെ ആശങ്കയിലാക്കിയിട്ടുണ്ട്. തുടർന്നാണ് പ്രതിഷേധം ഉണ്ടായത്. സാമ്പത്തികമായി വലിയ ബുദ്ധിമുട്ട് നേരിടുന്നതായി നാട്ടുകാർ പറയുന്നു. ‘ഒരുപാട് നാളായി പണിയില്ലാതെ ഇരിക്കുന്നു. ആ 9000 കൊടുത്തിരുന്നെങ്കിൽ ഇത്ര റിസ്‌ക് എടുത്ത് ആളുകൾ പണിക്ക് പോകില്ലായിരുന്നു. നിത്യ വേതനം എന്ന 300…
കൽപ്പറ്റ: വയനാട്ടിലെ പുഞ്ചിരിമട്ടത്തിന് മുകളിലുള്ള വനത്തിനുള്ളിൽ പുതിയ ഉരുൾപൊട്ടലുണ്ടായതായി സ്ഥിരീകരണമില്ലെന്ന സംസ്ഥാന ദുരന്ത നിവാരണ അതോറിറ്റി. മുമ്പുണ്ടായ ഉരുൾപൊട്ടലുകളിലെ മണ്ണും അവശിഷ്ടങ്ങളും മഴവെള്ളത്തോടൊപ്പം താഴേക്ക് ഒഴുകി വരുന്നുണ്ട്. മണ്ണൊലിപ്പ് പൂർണ്ണമായി അവസാനിക്കുന്നതുവരെ ഇത് കുറച്ചുകാലം തുടരും. പുഴയും അതിനോട് ചേർന്നുള്ള ‘നോ ഗോ സോണും’ വ്യക്തമായി അടയാളപ്പെടുത്തിയിട്ടുണ്ട്. ഈ ‘നോ ഗോ സോണിനുള്ളിൽ’ പ്രവേശിക്കരുത് എന്ന് പൊതുജനങ്ങളോട് അഭ്യർത്ഥിക്കുന്നുവെന്നും അധികൃതര്‍ അറിയിച്ചു. അതേസമയം, വയനാട്ടിൽ മുണ്ടക്കൈയിലും ചൂരൽ മഴയിലും മഴ ശക്തമായതിന് പിന്നാലെ നാട്ടുകാർ കടുത്ത പ്രതിഷേധമാണ്…
കൽപറ്റ: പിഎഫ്ആർഡിഎ നിയമം പിൻവലിക്കുക, ലേബർ കോഡ് ഉപേക്ഷിക്കുക, കേരളത്തോടുള്ള കേന്ദ്ര അവഗണന അവസാനിപ്പിക്കുക, കേന്ദ്ര-സംസ്ഥാന സാമ്പത്തിക ബന്ധങ്ങൾ പുനസംഘടിപ്പിക്കുക തുടങ്ങിയ വിവിധ ആവശ്യങ്ങൾ ഉന്നയിച്ചു രാജ്യത്തെ 14 കേന്ദ്ര ട്രേഡ് യൂണിയനുകളും കേന്ദ്ര സംസ്ഥാന സർക്കാർ പൊതുമേഖലാ സ്ഥാപനങ്ങളിലെ ജീവനക്കാരും ജൂലൈ 9ന് നടത്തുന്ന ദേശീയ പണിമുടക്ക് വിജയിപ്പിക്കണമെന്ന് കേരള പി എസ് സി എംപ്ലോയീസ് യൂണിയൻ വയനാട് ജില്ലാ സമ്മേളനം പ്രമേയത്തിലൂടെ അഭ്യർഥിച്ചു. സമ്മേളനം സംസ്ഥാന യുവജന കമ്മിഷൻ അംഗം കെ റഫീഖ് ഉദ്ഘാടനം…
മാനന്തവാടി: കെ.എസ്.ആർ.ടി.ഇ.എ (സിഐടിയു) യുടെ ആഭിമുഖ്യത്തിൽ വിവിധ ആവശ്യങ്ങൾ ഉന്നയിച്ചു കൊണ്ട് പ്രതിഷേധ ധർണ്ണ സംഘടിപ്പിച്ചു. സ്വസ്ഥമായ തൊഴിലിടങ്ങളെ അശാസ്ത്രീയമായ സർക്കുലറുകളെ കൊണ്ട് പ്രക്ഷുബ്ധമാക്കുന്ന മാനേജ്മെൻറ് നയങ്ങൾ പുനഃപരിശോധിക്കണമെന്ന് ആവശ്യപ്പെട്ടു കൊണ്ട് സംസ്ഥാന കമ്മിറ്റിയുടെ ആഹ്വാനപ്രകാരം മുഴുവൻ ഡിപ്പോകളിലും സംഘടിപ്പിക്കുന്ന പ്രതിഷേധധർണ്ണയുടെ ഭാഗമായാണ് മാനന്തവാടിയിലൂം സംഘടിപ്പിച്ചത്. പ്രദേശവാസികളെയും വിദ്യാർത്ഥികളെയും വലക്കുന്ന രീതിയിൽ മാനന്തവാടി ഡിപ്പോയിൽ നടത്തുന്ന ദൈനംദിന ക്യാൻസലേഷനുകൾ നിർത്തലാക്കണമെന്നും ധർണ ആവശ്യപ്പെട്ടു. സിഐടിയു മാനന്തവാടി ഏരിയ ജോയിൻ സെക്രട്ടറി എൻ ജെ ഷജിത്ത് ഉദ്ഘാടനം ചെയ്തു….
മാനന്തവാടി: വായന പക്ഷാചരണത്തിന്റെ ഭാഗമായി പഴശ്ശിരാജ സ്മാരക ഗ്രന്ഥാലയം സംഘടിപ്പിക്കുന്ന ‘പുതു തലമുറ, പുതു വായന’ എന്ന പ്രത്യേക പരിപാടിക്ക് ഗ്രന്ഥാലയത്തിൽ തുടക്കമായി. സോഷ്യൽ മീഡിയയുടെ അതിപ്രസരമുള്ള ഈ കാലഘട്ടത്തിൽ യുവതലമുറയെ വായനയിലേക്ക് ആകർഷിക്കുക എന്ന ലക്ഷ്യത്തോടെയാണ് ഈ അഞ്ച് ദിവസത്തെ പരിപാടിക്ക് രൂപം നൽകിയിരിക്കുന്നത്. 21 വയസ്സിൽ താഴെയുള്ള യുവതീ യുവാക്കൾ കട്ടൻ കാപ്പിയുമായി ഒരു മേശയ്ക്ക് ചുറ്റുമിരുന്ന് പുസ്തകങ്ങൾ അവതരിപ്പിക്കുന്നു എന്നതാണ് ഈ പരിപാടിയുടെ പ്രധാന ആകർഷണം. ഇന്ന്, ജൂൺ 24 ചൊവ്വാഴ്ച വൈകുന്നേരം…
മേരി മാതാ കോളേജിലെ കായിക വിഭാഗവും, എൻ എസ് എസും ചേർന്ന് ഇന്റർനാഷണൽ ഒളിമ്പിക് ദിനം ആഘോഷിച്ചു.”Choose Sports Over Drugs” എന്ന ആശയത്തെ മുന്നോട്ടു വെച്ചുകൊണ്ട് ഒണ്ടയങ്ങാടിയിൽ നിന്നും ആരംഭിച്ച ഒളിമ്പിക് റൺ മേരി മാതാ കോളേജിൽ അവസാനിച്ചു. മാനന്തവാടി പോലീസ് സ്റ്റേഷൻ സബ് ഇൻസ്പെക്ടർ ശിവാനന്ദൻ , അസിസ്റ്റൻ്റ് സബ് ഇൻസ്പെക്ടർ സുനിൽ കുമാർ എന്നിവർ ചേർന്ന് ഒളിമ്പിക് ദീപം കോളജ് പ്രിൻസിപ്പാൾ ഡോ ഗീത ആൻ്റണിക്ക് കൈമാറി പരിപാടി ഉദ്ഘാടനം ചെയ്തു. ചടങ്ങിൽ…
കൽപ്പറ്റ:സർക്കാരിന്റെ സാംസ്കാരിക വകുപ്പും കൽപ്പറ്റ നഗരസഭയും ചേർന്ന് വജ്ര ജൂബിലി ഫെലോഷിപ്പിന്റെ വാർഷിക പദ്ധതിയിൽ ഉൾപ്പെടുത്തി നടപ്പിലാക്കിയ ചെണ്ടമേളം, നാടൻപാട്ട്, ചിത്രരചന എന്നിവയിൽ പരിശീലനം പൂർത്തിയാക്കിയ നൂറോളം കലാകാരന്മാരുടെ അരങ്ങേറ്റം നടത്തി. കലക്ടർ ഡി ആർ മേഘശ്രീ ഉദ്ഘാടനം ചെയ്തു. പുതിയ വർഷത്തെ പരിശീലന ഉദ്ഘാടനവും കലക്ടർ നടത്തി. 6 വയസ്സുമുതൽ 69 വയസ്സ് വരെയുള്ളവർ പരിശീലനത്തിൽ പങ്കെടുത്തത്. സാംസ്കാരിക വകുപ്പ് അംഗീകരിച്ച യോഗ്യത നേടിയവരാണ് പരിശീലനം നടത്തിയത്. പദ്ധതി ഈ വർഷവും തുടരും. കൽപ്പറ്റ സെന്റ്‌…
ബത്തേരി : മുത്തങ്ങ എക്സൈസ് ചെക്പോസ്റ്റിൽ വാഹന പരിശോധനയ്ക്കിടെ പച്ചക്കറിയുമായി വന്ന വാഹനത്തിൽ നിന്നു മതിയായ രേഖകളില്ലാതെ 17.5 ലക്ഷം രൂപ പിടിച്ചെടുത്തു. ഇന്നലെ രാത്രി 9.15 ന് എക്സൈസ് ഇൻസ്പെക്ടർ കെ ജെ സന്തോഷും സംഘവും നടത്തിയ വാഹന പരിശോധനയിൽ പണം കണ്ടെത്തിയത്. കോഴിക്കോട് സ്വദേശി അബ്ദുൾ ഷുക്കൂർ (65), ഡ്രൈവർ മുനീർ എന്നിവരെ കസ്റ്റഡിയിൽ എടുക്കുകയും തുടർ നടപടികൾക്കായി വാഹനവും രൂപയും പ്രതികളെയും ബത്തേരി പൊലീസിനു കൈമാറി. പരിശോധനയിൽ പ്രിവൻ്റീവ് ഓഫിസർമാരായ രഞ്ജിത്ത് സി…
