കൽപ്പറ്റ: ഹൈദരാബാദ് കേന്ദ്ര സർവകലാശാലയിൽ നിന്നു ജെൻഡർ സ്റ്റഡീസിൽ പടിഞ്ഞാറത്തറ കുപ്പാടിത്തറ സ്വദേശി എം വിനീതയ്ക്ക് ഡോക്ടറേറ്റ് ലഭിച്ചു. മലപ്പുറം ഇരുമ്പുഴി പരേതരായ എം ബാലകൃഷ്ണന്റെയും ശകുന്തളയുടെയും മകളാണ്. ഭർത്താവ്: എം. ബിജുലാൽ.
മലപ്പുറം: വയനാട് പുനരധിവാസം മുസ്ലിംലീഗ് അടിയന്തര സഹായങ്ങൾ പ്രഖ്യാപിച്ചു. 691 കുടുംബങ്ങൾക്ക് 15,000 രൂപ വീതം അടിയന്തര ധനസഹായം നൽകുമെന്ന് പാണക്കാട് സാദിഖലി ശിഹാബ് തങ്ങൾ പറഞ്ഞു. 40 വ്യാപാരികൾക്ക് അര ലക്ഷം രൂപ വീതം നൽകുമെന്നും അറിയിച്ചു. ടാക്സി, ജീപ്പ് എന്നിവ നഷ്ടപ്പെട്ട നാല് പേർക്കും ഓട്ടോറിക്ഷ നഷ്ടപ്പെട്ട മൂന്ന് പേർക്കും വാഹനങ്ങൾ വാങ്ങിനൽകുമെന്നും ഓഗസ്റ്റ് 23 വെള്ളിയാഴ്ച മുതൽ സഹായ വിതരണം തുടങ്ങുമെന്നും ചെലവഴിക്കുന്ന തുകയും ആപ്പിൽ പ്രദർശിപ്പിക്കും അദ്ദേഹം പറഞ്ഞു. വിദ്യാഭ്യാസ സഹായങ്ങളും…
കൽപ്പറ്റ: വയനാട് നൂല്പ്പുഴയില് കോളറ ബാധിച്ച് ആദിവാസി വീട്ടമ്മ മരിച്ചു. തോട്ടാമൂല കൂണ്ടാണംകുന്ന് സ്വദേശി വിജില ആണ് മരിച്ചത്. 30 വയസ്സായിരുന്നു. കഴിഞ്ഞ ഞായറാഴ്ച ആണ് അതിസാരത്തെ തുടർന്ന് വിജില മരിച്ചത്. ഈ പ്രദേശത്തെ പത്ത് പേർ സുല്ത്താൻ ബത്തേരി ആശുപത്രിയില് ചികിത്സയിലാണ്. ഇതില് ഒരു 22 കാരനും കോളറ സ്ഥിരീകരിച്ചു. പൂർണമായ ജലശുചിത്വമാണ് കോളറയെ പ്രതിരോധിക്കാൻ വേണ്ടത്. മഴ വെള്ളമോ മലിന ജലമോ കുടിക്കരുത്. തിളപ്പിച്ചാറ്റിയ വെള്ളം കുടിക്കാൻ പ്രത്യേകം ശ്രദ്ധിക്കണമെന്ന് ആരോഗ്യവകുപ്പ് അധികൃതർ അറിയിച്ചു….
കല്പ്പറ്റ: വയനാട് ഉരുള്പൊട്ടല് ദുരന്ത ബാധിത മേഖലയിലെ വിദ്യാർഥികളുടെ തുടർ പഠനവുമായി ബന്ധപ്പെട്ട് വിവിധ മേഖലകളില് സംസ്ഥാന സർക്കാർ അടിയന്തര ഇടപെടല് നടത്തണമെന്ന് ഫ്രറ്റേണിറ്റി മൂവ്മെന്റ്. നൂറുകണക്കിന് വിദ്യാർഥികളുടെ ഭാവിയാണ് ദുരന്തത്തിനു ശേഷം ആശങ്കയിലായിരിക്കുന്നത്. വിദ്യാർഥികളുടെ തുടർ പഠനവുമായി ബന്ധപ്പെട്ട് ഓരോ തലങ്ങളിലും ആവശ്യമായ അടിയന്തര ഇടപെടലുകള് വിദ്യാഭ്യാസ വകുപ്പ് ഇനിയും നടത്താനുണ്ട്. ദുരിതത്തില് നിന്നും അതിജീവിച്ച് വിദ്യാർഥികള്ക്ക് ആവശ്യമായ കൗണ്സലിംഗ് ഉള്പ്പെടെയുള്ള സഹായങ്ങളും ആരംഭിക്കേണ്ടതുണ്ട്. ദുരിത മേഖലയിലെ വിദ്യാർഥിയുടെ ക്ലാസുകള് ഉടൻ ആരംഭിക്കണം, ഓണ്ലൈൻ ക്ലാസുകളില്…
തിരുവനന്തപുരം: വയനാടിന്റെ അതിജീവനത്തിനും പുനരുദ്ധാരണ പ്രവർത്തനങ്ങള്ക്കുമായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടിരൂപ സംഭാവന നല്കി തെലങ്കാന ആസ്ഥാനമായി പ്രവർത്തിക്കുന്ന കൃഷ്ണ ഇൻസ്റ്റിറ്റ്യൂട്ട് ഓഫ് മെഡിക്കല് സയൻസസ്. ആശുപത്രി ശൃംഖലയുടെ ചെയർമാനും മാനേജിങ് ഡയറക്ടറുമായ ഡോ. ബി ഭാസ്കർ റാവു, ചീഫ് എക്സിക്യൂട്ടീവ് ഓഫീസറായ ഡോ. അഭിനയ് ബൊള്ളിനേനി, ഡയറക്ടർ ശ്രീ. ശ്രീനാഥ് എന്നിവർ ചേർന്നാണ് മുഖ്യമന്ത്രി പിണറായി വിജയന് ഔദ്യോഗികമായി തുക കൈമാറിയത്. തമിഴ്നാടും കർണാടകയുമുള്പ്പെടെയുള്ള അയല്സംസ്ഥാനങ്ങളിലും സാന്നിധ്യമുറപ്പിച്ച്, ദക്ഷിണേന്ത്യയിലെ ആരോഗ്യസേവനരംഗത്ത് കൂടുതല് പുരോഗതി കൈവരിക്കാനുള്ള…
കൽപ്പറ്റ: കൽപ്പറ്റ എച്ച്.ഐ.എം .യു .പി സ്കൂൾ പി.ടി.എയുടെ ആഭിമുഖ്യത്തിൽ വിദ്യാലയത്തിൽ രുചിയിടം എന്നപേരിൽ നിർമ്മിച്ച ഡൈനിങ് ഹാളിന്റെ ഉദ്ഘാടനം കൽപ്പറ്റ നിയോജക മണ്ഡലം എംഎൽഎ അഡ്വ: ടി. സിദ്ധിഖ് ഉദ്ഘാടനം ചെയ്തു. കുട്ടികൾക്ക് പ്രഭാതഭക്ഷണവിതരണം, മറ്റു പ്രോഗ്രാമുകളിൽ വിദ്യാർത്ഥികൾക്കുള്ള ഭക്ഷണവിതരണ നടത്താനുമാണ് രുചിയിടം. വിദ്യാർഥികൾക്ക് നല്കുന്ന ഇത്തരം കരുതലുകൾ അവർക്ക് കരുത്ത് പകരാൻ ഉപകരിക്കുമെന്ന് വയനാട് ജില്ലയിലെ ദുരന്തഭൂമിയിലെ കുട്ടികളെ ഓർത്ത് കൊണ്ട് എം.എൽ.എ പറഞ്ഞു. ചടങ്ങിൽ സ്കൂൾ മാനേജർ പയന്തോത്ത് മൂസ ഹാജി, പി.റ്റി.എ….
കൽപ്പറ്റ : നൂൽപ്പുഴ ഗ്രാമ പഞ്ചായത്തിൽ കണ്ടാനംകുന്ന് ഉന്നതിയിൽ കോളറ പകർച്ചവ്യാധി റിപ്പോർട്ട് ചെയ്ത സാഹചര്യത്തിൽ (ഓഗസ്റ്റ് 22) മുതൽ പഞ്ചായത്ത് പരിധിയിലെ വിവിധ സ്ഥലങ്ങളിൽ കണ്ടെയിൻമെൻ്റ് സോൺ പ്രഖ്യാപിച്ച് ജില്ലാ കളക്ടർ ഡി. ആർ മേഘശ്രീ ഉത്തരവിട്ടു. രോഗ സമ്പർക്കമുള്ള സാഹചര്യത്തിൽ നൂൽപ്പുഴ ഗ്രാമപഞ്ചായത്തിലെ തിരുവണ്ണൂർ, ലക്ഷംവീട്, കണ്ടാനംകുന്ന് ഉന്നതികളും ഉന്നതികളുടെ 500 മീറ്റർ ചുറ്റളവിലുമാണ് കണ്ടെയിൻമെൻ്റ് സോൺ പ്രഖ്യാപിച്ചത്. ദുരന്ത നിവാരണ നിയമം 2005- ലെ 34 (എം) വകുപ്പ് പ്രകാരം ഇനിയൊരു ഉത്തരവ്…
പനമരം: എച്ചോം സർവ്വോദയ ഹയർസെക്കൻഡറി സ്കൂളിൽ വച്ച് നടന്ന ജില്ലാതല സബ്ജൂനിയർ ടെന്നി കൊയ്റ്റ് (റിംഗ്) മത്സരത്തിൽ ആൺകുട്ടികളുടെ വിഭാഗത്തിൽ( WOHS) ഡബ്ലിയു ഒ എച്ച് എസ്, പിണങ്ങോടും പെൺകുട്ടികളുടെ വിഭാഗത്തിൽ ജിഎച്ച്എസ്എസ് പനമരവും ജേതാക്കളായി. വിജയികൾക്ക് സ്പോർട്സ് കൗൺസിൽ പ്രസിഡണ്ട് എം മധു ട്രോഫികൾ വിതരണം ചെയ്തു. ചടങ്ങിൽ സുനേഷ് വി, ലൂയിസ് പി, സാജിദ് എൻ സി,ജിജോ മത്തായി എന്നിവർ പങ്കെടുത്തു.
മേപ്പാടി : മുണ്ടക്കൈ-ചൂരല്മല ദുരന്ത മേഖല സംസ്ഥാന ആസൂത്രണ ബോര്ഡ് വൈസ് ചെയര്മാന് പ്രൊഫ. വി.കെ രാമചന്ദ്രന് സന്ദര്ശിച്ചു. പ്രകൃതി ദുരന്തം അതിജീവിച്ചവരുടെ ഉപജീവന പാക്കേജ് തയ്യാറാക്കുന്നതിനാണ് വൈസ് ചെയര്മാനും സംഘവും ദുരന്ത പ്രദേശം സന്ദര്ശിച്ചത്. കളക്ടറേറ്റില് എത്തിയ സംഘം ജില്ലാ കളക്ടര് ഡി.ആര് മേഘശ്രീയുമായി ഉപജീവന പാക്കേജ് സംബന്ധിച്ച് ചര്ച്ച നടത്തി. ആസൂത്രണ സാമ്പത്തിക കാര്യവകുപ്പ് അഡീഷണല് ചീഫ് സെക്രട്ടറി ശാരദാ മുരളീധരന്, സ്പെഷല് ഓഫീസര് സീ റാം സാംബശിവ റാവു എന്നിവര് ഓണ്ലൈനായി ചര്ച്ചയില്…
കൽപ്പറ്റ : ജില്ലയില് കാല വര്ഷക്കെടുതിയുടെ പശ്ചാത്തലത്തില് 6 ദുരിതാശ്വാസ ക്യാമ്പുകളാണ് പ്രവര്ത്തിക്കുന്നത്. 101 കുടുംബങ്ങളിലെ 106 പുരുഷന്മാരും 106 സ്ത്രീകളും 73 കുട്ടികളും ഉള്പ്പെടെ 285 പേരാണ് ക്യാമ്പുകളിലുള്ളത്. മുണ്ടക്കൈ-ചൂരല് മല ദുരന്തത്തിന്റെ ഭാഗമായി 5 ക്യാമ്പുകളും പ്രവര്ത്തിക്കുന്നുണ്ട്. ഇതിൽ 97 കുടുംബങ്ങളിലെ 103 പുരുഷന്മാരും 101 സ്ത്രീകളും 71 കുട്ടികളുമാണ് ഉള്ളത്.
