കോട്ടത്തറ: മഹാത്മാഗാന്ധിയുടെ ഗ്രാമ സ്വരാജ് സ്വപ്നം തകർക്കുന്ന നയമാണ് ഗ്രാമ പഞ്ചായത്തുകൾക്ക് ആവശ്യത്തിന് ഫണ്ട് അനുവദിക്കാതെ പിണറായി വിജയൻ ചെയ്യുന്നതെന്ന് യുഡിഎഫ് ജില്ലാ കൺവീനർ പി.ടി. ഗോപാലക്കുറുപ്പ് പറഞ്ഞു. യു ഡി എഫ് കോട്ടത്തറ പഞ്ചായത്ത് കമ്മറ്റിയുടെ നേതൃത്വത്തിൽ വെണ്ണിയോട് ആരംഭിച്ച രാപ്പകൽ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചെയർമാൻ പി സി അബ്ദുള്ള അധ്യക്ഷത വഹിച്ചു. ടി സിദ്ധിഖ് എം.എൽ എ സമരപന്തൽ സന്ദർശിച്ചു. കൺവീനർ സുരേഷ് ബാബു വാളൽ, സിസി തങ്കച്ചൻ, പോൾസൺ…

കല്‍പ്പറ്റ: മാനന്തവാടി പഞ്ചാരകൊല്ലിയില്‍ എസ്.റ്റി സമുദായക്കാരിയായ രാധ ജനുവരിയില്‍ കടുവ ആക്രമണത്തില്‍ മരണപ്പെട്ടതുമായി ബന്ധപ്പെട്ട് കമ്മിഷനില്‍ ലഭിച്ച പരാതിയിലാണ് ഇത് സംബന്ധിച്ച് റിപ്പോര്‍ട്ട് തേടിയത്. വയനാട് വന അതിര്‍ത്തിയിലെ ജനസഞ്ചാര മേഖലയില്‍ വന്യജീവി ആക്രമണം തടയുവാന്‍ മതിയായ സുരക്ഷ ഒരുക്കുവാന്‍ വനംവകുപ്പ് തയ്യാറാകുന്നില്ലെന്നപരാതിയില്‍ സംസ്ഥാന പട്ടികജാതി ഗോത്ര വര്‍ഗ്ഗ കമ്മിഷന്‍ റിപ്പോര്‍ട്ട് തേടി.എസ് റ്റി,എസ് സി സമുദായക്കാര്‍ ഭൂരിപക്ഷമുള്ള മേഖലയില്‍ വേണ്ടത്ര ജാഗ്രത കാണിക്കുവാന്‍ അധികൃതര്‍ തയ്യാറാകുന്നില്ലെന്നും പരാതിയിലുണ്ട്.ഹൈക്കോടതി അഭിഭാഷകനും പൊതു പ്രവര്‍ത്തകനുമായ അഡ്വ. കുളത്തൂര്‍ ജയ്സിങ്…

കൽപ്പറ്റ: വയനാടിന്റെ ചിരകാല സ്വപ്നമായ വയനാട് പാസ്പോർട്ട് ഓഫീസിന്റെ ഉദ്ഘാടനം ഏപ്രിൽ 9 ന്. കൽപ്പറ്റ ഹെഡ് പോസ്റ്റ് ഓഫീസിനു സമീപം ക്രമീകരിച്ച കെട്ടിടത്തിലാണ് ഓഫീസ് പ്രവർത്തിക്കുക. കേന്ദ്രമന്ത്രി കീർത്തി വർദ്ധൻ സിംഗ് ഉദ്ഘാടനം ചെയ്യും. കേന്ദ്രമന്ത്രി ജോർജ് കുര്യൻ, സംസ്ഥാന പട്ടികവർഗവകുപ്പ് മന്ത്രി ഒ.ആർ കേളു, പ്രിയങ്ക ഗാന്ധി എം.പി തുടങ്ങിയവർ പങ്കെടുക്കും.

കൽപറ്റ: പ്ലാൻ ഫണ്ടുകൾ വെട്ടി ക്കുറച്ച് തദ്ദേശ സ്വയംഭരണ സ്ഥാപനങ്ങളുടെ പ്രാദേശിക വികസന പ്രവർത്തനങ്ങളും പദ്ധതികളും അട്ടിമറിക്കുന്ന നടപടി അവസാനിപ്പിച്ച് തദ്ദേശ സ്ഥാപനങ്ങളോടു നീതി കാണിക്കണമെന്ന് ടി സിദ്ദിഖ്‌ എംഎൽഎ. തദ്ദേശ സ്വയംഭരണ സ്ഥപനങ്ങളോടു സർക്കാർ കാണിക്കുന്ന അവഗണനയിലും അനീതിയിലും പ്രതിഷേധിച്ചു യുഡിഎഫ് നടത്തുന്ന പ്രക്ഷോഭങ്ങളുടെ ഭാഗമായുള്ള ജില്ലാ രാപകൽ സമരങ്ങളുടെ കൽപറ്റ നിയോജക മണ്ഡലം തല ഉദ്ഘാടനം കൽപറ്റ മുനിസിപ്പൽ ഓഫിസിനു മുന്നിൽ നിർവഹിച്ചു സംസാരിക്കുകയായിരുന്നു അദ്ദേഹം. തദ്ദേശ സ്വയംഭരണ സ്ഥാപനങ്ങളിലേക്കുള്ള പ്ലാൻഫണ്ട് നൽകുന്നത് ഓരോ…

തിരുവനന്തപുരം: സംസ്ഥാനത്ത് ഇന്ന് പരക്കെ മഴ സാധ്യതയെന്ന് കാലാവസ്ഥാവകുപ്പ്. ഇടുക്കി, പാലക്കാട്, മലപ്പുറം, വയനാട് ജില്ലകളില്‍ യെല്ലോ അലർട്ട് പ്രഖ്യാപിച്ചു. തെക്കൻ തമിഴ്നാടിന് മുകളിലും തെക്കൻ ആൻഡമാൻ കടലിന് മുകളിലുമായി നിലനില്‍ക്കുന്ന ചക്രവാതച്ചുഴിയാണ് മഴ ശക്തമാകാൻ കാരണമെന്നും കാലാവസ്ഥാവകുപ്പിന്‍റെ മുന്നറിയിപ്പില്‍ പറയുന്നു. ഇടിയോടും കാറ്റോടും കൂടിയ മഴയാണ് പ്രവചിക്കപ്പെട്ടിരിക്കുന്നത്. കന്യാകുമാരി തീരത്ത് കള്ളക്കടല്‍ പ്രതിഭാസത്തിന് സാധ്യതയുള്ളതിനാല്‍ മത്സ്യത്തൊഴിലാളികള്‍ ജാഗ്രത പാലിക്കണമെന്നും നിർദേശമുണ്ട്.

തിരുവനന്തപുരം: വിഷുവിനു മുന്നോടിയായി ഒരു ഗഡു ക്ഷേമ പെൻഷൻകൂടി അനുവദിച്ചു. സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക്‌ ഏപ്രിൽ മാസത്തെ പെൻഷനാണ്‌ വിഷുവിനു മുമ്പ്‌ വിതരണം ചെയ്യുന്നത്‌. ഇതിനായി 820 കോടി രൂപ അനുവദിച്ചതായി മന്ത്രി കെ.എൻ. ബാലഗോപാൽ അറിയിച്ചു. 62 ലക്ഷത്തോളം പേർക്കാണ്‌ 1600 രൂപവീതം ലഭിക്കുന്നത്‌. അടുത്ത ആഴ്‌ച ഗുണഭോക്താക്കൾക്ക്‌ പെൻഷൻ ലഭിച്ചുതുടങ്ങും. വിഷുവിനുമുമ്പ്‌ മുഴുവൻ പേർക്കും പെൻഷൻ ലഭിക്കുന്നുവെന്ന്‌ ഉറപ്പാക്കാൻ ധനകാര്യ മന്ത്രി നിർദേശിച്ചു.