വൈത്തിരി: വയനാട് പഴയ വൈത്തിരിയിൽ പുരുഷനെയും സ്ത്രീയെയും തൂങ്ങിമരിച്ച നിലയിൽ കണ്ടെത്തി. സ്വകാര്യ റിസോർട്ടിന്റെ പരിസരത്താണ് ഒരു മരത്തിൽ തൂങ്ങിമരിച്ച നിലയിൽ രണ്ടു പേരെയും കണ്ടെത്തിയത്. കോഴിക്കോട് നടേരി സ്വദേശി പ്രമോദ് (54), ഉള്ളിയേരി സ്വദേശി ബിൻസി (34) എന്നിവരാണ് മരിച്ചതെന്നാണ് രേഖകൾ പ്രകാരമുള്ള പ്രാഥമിക നിഗമനം. ഇന്നലെയാണ് ഇവർ റിസോർട്ടിൽ മുറിയെടുത്തത്.

കൽപ്പറ്റ:രാഷ്ട്രീയ ജനത ദൾ (ആർ ജെ ഡി) മെമ്പർഷിപ്പ് ക്യാമ്പയിൻ കൽപ്പറ്റ മുനിസിപ്പലിറ്റിയിൽ ആർ ജെ ഡി സംസ്ഥാന സമിതി അംഗം ജില്ലയിലെ പ്രമുഖ സോഷ്യലിസ്റ്റ് നേതാവുമായ സഖാവ് യു എ ഖാദർ സി.ഒ വർഗീസിന് മെമ്പർഷിപ് നൽകി ഉദ്ഘാടനം ചെയ്തു.മുനിസിപ്പൽ കമ്മിറ്റി പ്രസിഡന്റ്‌ സി.കെ നൗഷാദ് അദ്ധ്യക്ഷത വഹിച്ച യോഗത്തിൽ രാഷ്ട്രീയ യുവജനതാദൾ ജില്ലാ പ്രസിഡന്റ്‌ പിപി ഷൈജൽ, മുനിസിപ്പൽ ജനറൽ സെക്രട്ടറി നാസർ കുരുണിയൻ, ഷൈജൽ കൈപ്പ,സനൂഷ് പുലിയാർമല,ബിജു കെ.കെ എന്നിവർ പങ്കെടുത്തു.

കൽപ്പറ്റ: ഡിസിസി ട്രഷററർ എൻ എം വിജയന്റെയും മകൻ ജിജേഷിന്റെയും മരണത്തിന്‌ ഉത്തരവാദികളായ ഐ സി ബാലകൃഷ്‌ണൻ എംഎൽഎ, ഡിസിസി പ്രസിഡന്റ്‌ എൻ ഡി അപ്പച്ചൻ എന്നിവരുൾപ്പെടെയുള്ള നേതാക്കൾക്കെതിരെ ആത്മഹത്യാ പ്രേരണയ്‌ക്ക്‌ കേസ്‌ എടുത്ത്‌ അറസ്‌റ്റ്‌ ചെയ്യണമെന്ന്‌ സിപിഐ എം ജില്ലാ കമ്മിറ്റി ആവശ്യപ്പെട്ടു. ഐ സി ബാലകൃഷ്‌ണൻ എംഎൽഎ സ്ഥാനം രാജിവയ്‌ക്കണം. ഒരുനിമിഷം ജനപ്രതിനിധിയായി തുടരാൻ അദ്ദേഹത്തിന്‌ അർഹതയില്ല. മരണവുമായി ബന്ധപ്പെട്ട്‌ സിപിഐ എം ഉന്നയിച്ച കാര്യങ്ങളെല്ലാം നൂറ്‌ ശതമാനം ശരിയാണെന്ന്‌ വിജയന്റെ മരണക്കുറിപ്പ്‌ പുറത്തുവന്നതിലൂടെ…

ബത്തേരി : ഇവിടെ തോക്കുണ്ട്, ഗ്രനൈഡുണ്ട്, വയര്‍ലെസുണ്ട്, വനിതകള്‍ക്ക് സ്വയം പ്രതിരോധ പരിശീലനമുണ്ട്, വിവിധ പോലീസ് പദ്ധതികളെപ്പറ്റി കുട്ടി പോലീസിന്റെ പരിചയപ്പെടുത്തലുണ്ട്, ജനമൈത്രി പ്രവര്‍ത്തനങ്ങളെ കുറിച്ചുള്ള അവബോധമുണ്ട്. സോഷ്യല്‍ പോലീസിങ്ങിന് കീഴിലുള്ള എല്ലാ പദ്ധതികളും ഉള്‍ക്കൊള്ളിച്ചുള്ള പോലീസ് സ്റ്റാള്‍ ശ്രദ്ധേയമായി. ബത്തേരി ടെക്‌നിക്കല്‍ ഹൈസ്‌കൂളില്‍ നടക്കുന്ന അഖില കേരള ടെക്‌നിക്കല്‍ ഹൈസ്‌കൂള്‍ ആറാമത് ശാസ്ത്ര സാങ്കേതിക മേളയിലാണ് കേരളാ പോലീസിന്റെ സ്റ്റാള്‍ മികച്ചു നിന്നത്. എ.കെ 47 മുതല്‍ റിവോള്‍വര്‍ വരെയുള്ള ആയുധങ്ങളുടെയും തിരകളുടെയും ശേഖരം ഇവിടെ…

മാനന്തവാടി : മലയോര ഹൈവേ വികസനത്തിന് സ്ഥലം വിട്ടു നൽകുന്നതുമായി ബന്ധപ്പെട്ട് ഉണ്ടായ വിവാദങ്ങൾ പള്ളിയെ മോശമായി ചിത്രീകരിക്കുന്നതിനായുള്ള ഗൂഡാലോചനയുടെ ഭാഗം. മാനന്തവാടി അമലോത്ഭവ മാതാ വികാരി വില്യം രാജൻ. നഗരസഭ അധികൃതർ പള്ളി കമ്മിറ്റിയുമായി നടത്തിയ ചർച്ചയിൽ പ്രശ്നത്തിന് പരിഹാരമായി മാസങ്ങൾക്ക് മുമ്പ് നിയോജക മണ്ഡലം എം എൽ എ കൂടിയായ മന്ത്രി ഒ ആർ കേളുവുമായി ചർച്ച നടത്തുകയും സ്ഥലം വിട്ട് നൽകുന്നതിനുള്ള പാരിഷ് കൗൺസിലിൻ്റെ സമ്മതം അറിയിക്കുകയും, ചെയ്തിരുന്നു. വിട്ട് നൽകാൻ തയ്യാറായ…