തിരുനെല്ലി :തിരുനെല്ലി പഞ്ചായത്തിലെ അപ്പപ്പാറയിലെ എളമ്പിലാശ്ശേരി ഇ. എസ്.സുധാകരൻ ആണ് വിഷം കഴിച്ചതിന് ശേഷം വീട്ടിനകത്ത് തൂങ്ങി മരിച്ചത്.ഭാര്യ മീനാക്ഷിയുടെ മരണ ശേഷം തറവാട്ടിൽ തനിച്ചായിരുന്നു സുധാകരൻ്റെ താമസം. സ്ഥലത്തെ സഹകരണ ബാങ്കിൽ ഇയാൾക്ക് അഞ്ചരലക്ഷം രൂപയുടെ വായ്പയുണ്ടായിരുന്നു. അതിൽ കാർഷികകടാശ്വാസത്തിൽ രണ്ടു ലക്ഷം രൂ പ എഴുതിത്തള്ളിയിരുന്നു. ബാക്കിയുളള മൂന്നര ലക്ഷം രൂപ ജനുവരിയിൽ അടയ്ക്കണമെന്നും തുക അടച്ചില്ലെങ്കിൽ വീണ്ടും അത് അഞ്ചര ലക്ഷം രൂപയായി മാറുമെന്നും ബാങ്ക് അധികൃതർ ഇദ്ദേഹത്തെ അറിയിച്ചിരുന്നു. ഈ തുക…

പുൽപ്പള്ളി. പുൽപ്പള്ളി പഴശ്ശിരാജാ കോളേജിലെ ഇംഗ്ലീഷ് ഡിപ്പാർട്ട്മെന്റ് അസോസിയേഷൻ “ലിറ്ററാറ്റി 2023” ഗോത്ര കവി സുകുമാരൻ ചാലിഗദ്ദ ഉദ്ഘാടനം ചെയ്തു. ഗോത്ര സാഹിത്യത്തിന്റെ വളർച്ചയ്ക്ക് ഊര് ഉത്സവങ്ങളുടെ പ്രാധാന്യത്തെക്കുറിച്ചും ഗോത്രവിഭാഗങ്ങളുടെ അഭ്യസന – സംവേദന രീതികളെക്കുറിച്ചും ഉദ്ഘാടന പ്രസംഗത്തിൽ സംസാരിച്ചു. ഡിപ്പാർട്ട്മെന്റ് മേധാവി ജോസ് ന കെ ജോസഫ് യോഗത്തിന് അദ്ധ്യക്ഷത വഹിച്ചു. ഫാ.ഡോ. കുര്യാക്കോസ് വി.സി., തെരേസ് ദിവ്യ സെബാസ്റ്റ്യൻ, ഡോ. സന്തോഷ് പി.സി, അലീജ ജോസഫ്, റ്റ്വിങ്കിൾ, മുഹമ്മദ് ഷമീം, അക്ഷയ തുടങ്ങിയവർ പ്രസംഗിച്ചു.

അമ്പലവയൽ : അമ്പലവയൽ ഗ്രാമപഞ്ചായത്ത് 5-ാം വാർഡിൽ ആയിരംകൊല്ലി പ്രദേശത്ത് 2023-24 വാർഷിക പദ്ധതിയിൽ ഉൾപ്പെടുത്തി കോൺക്രീറ്റ് ചെയ്ത അയ്യപ്പനാശാരി മെമ്മോറിയൽ റോഡ് പൊതുജനങ്ങൾക്ക് തുറന്ന് കൊടുത്തു. ഗ്രാമ പഞ്ചായത്ത് വൈ: പ്രസിഡണ്ട് കെ ഷമീർ ഉൽഘാടനംചെയ്തു.വാർഡ് വികസന സമിതി കൺവീനർ മോളി അശോക് അദ്ധ്യക്ഷത വഹിച്ചു. വി ശശിധരൻ, കെ കുഞ്ഞുമുഹമ്മദ് എന്നിവർ സംസാരിച്ചു. സുലൈഖ ഇബ്രാഹീം സ്വാഗതം പറഞ്ഞു

ബത്തേരി :  സുല്‍ത്താന്‍ ബത്തേരി നഗരസഭയുടെ സന്തോഷസൂചിക ഉയര്‍ത്തുന്നതിന്റെ ഭാഗമായി ബീനാച്ചിയില്‍ ആരംഭിക്കുന്ന രണ്ടാമത് വെല്‍നസ് സെന്റർ നഗരസഭ ചെയര്‍മാന്‍ ടി.കെ.രമേശ് ഉദ്ഘാടനം ചെയ്തു. നഗരസഭ ഡെപ്യൂട്ടി ചെയര്‍പേഴ്‌സണ്‍ എല്‍സി പൗലോസ് അധ്യക്ഷത വഹിച്ചു. എല്ലാവര്‍ക്കും ആരോഗ്യം എന്ന ആശയം നടപ്പിലാക്കുന്നതിന്റെ ഭാഗമായിട്ടാണ് നഗരസഭയുടെ കീഴിൽ 3 വെല്‍നസ് സെന്ററുകൾ ആരംഭിക്കുന്നത്. സ്റ്റാന്റിംഗ് കമ്മിറ്റി ഭാരവാഹികളായ ഷാമില ജുനൈസ്, പി.എസ് ലിഷ, ടോം ജോസ്, എന്‍.എച്ച്.എം കോര്‍ഡിനേറ്റര്‍ ഡിജോ ജോയ്, നഗരസഭാ സെക്രട്ടറി കെ.എം സൈനുദ്ദീന്‍, ഡോ…

മാനന്തവാടി: ജീവ കാരുണ്യ പ്രവര്‍ത്തകന്‍ ബഷീര്‍ കാരക്കുനിയുടെ 304 ആമത്തെ റേഡിയോ വിതരണം പാണ്ടിക്കടവ് പഴശ്ശിരാജ എയുപി സ്‌കൂളില്‍ നടത്തി. ബ്ലോക്ക് പഞ്ചായത്ത് പ്രസിഡന്റ് ജെസ്റ്റിന്‍ ബേബി ചടങ്ങ് ഉദ്ഘാടനം ചെയ്തു. പി.വി.എസ് മൂസ ചടങ്ങിന് അധ്യക്ഷത വഹിച്ചു. പഴശ്ശിരാജ സ്‌കൂളിലെ കുട്ടികള്‍ മറ്റുള്ളവര്‍ക്ക് വലിയൊരു മാതൃകയാണെന്നും അവരുടെ ശ്രദ്ധയും ചിട്ടയും ഇന്നത്തെ വിദ്യാര്‍ത്ഥി സമൂഹത്തിനു പുതിയൊരു ഉണര്‍വ് നല്‍കുന്നുണ്ടെന്നും യോഗം വിലയിരുത്തി. ഓള്‍ കേരള വിഡോ അസോസിയേഷന്‍ സംസ്ഥാന പ്രസിഡന്റ് സ്വപ്ന ആന്റണി ആശംസകള്‍ അര്‍പ്പിച്ചു….