കൽപ്പറ്റ : ജില്ലാഭരണകൂടം, കുടുംബശ്രീ ജില്ലാ മിഷൻ, ഐ.ടി മിഷൻ എന്നിവരുടെ സംയുക്താഭിമുഖ്യത്തിൽ ഉരുൾപ്പൊട്ടൽ നാശംവിതച്ച ചൂരൽമല, മുണ്ടക്കൈ, അട്ടമല പ്രദേശങ്ങളിൽ മൈക്രോ പ്ലാൻ തയ്യാറാക്കുന്നതിനായുള്ള വിവര ശേഖരണ സർവ്വേ തുടങ്ങി. ക്യാമ്പുകളിൽ നിന്നും വിവിധ പ്രദേശങ്ങളിലേക്ക് താമസം മാറിയ വ്യക്തികളുടെ താമസ സ്ഥലത്തെത്തിയാണ് സർവ്വേ നടത്തുന്നത്. സർവ്വേയിലൂടെ നാശനഷ്ടങ്ങളുടെ കണക്കെടുക്കും. ആളുകളുടെ ഉപജീവന ആവശ്യകത കണ്ടെത്തി വ്യക്തിഗതമായും കുടുംബത്തിന്റെയും മൈക്രോ പ്ലാൻ തയ്യാറാക്കുകയുമാണ് സർവ്വേയുടെ ലക്ഷ്യം. ഇരുന്നൂറ്റി അമ്പതോളം കുടുംബശ്രീ പ്രവർത്തകരാണ് സർവ്വേയ്ക്ക് നേതൃത്വം നൽകുന്നത്….

മാനന്തവാടി: തൃശ്ശിലേരി ക്ഷീരോല്‍പാദക സഹകരണ സംഘത്തിലേക്ക് വ്യാഴാഴ്ച നടന്ന തിരെഞ്ഞെടുപ്പില്‍ സിപിഎം നേതൃത്വത്തിലുള്ള ക്ഷീര കര്‍ഷക സഹകരണ മുന്നണിയെ പരാജയപ്പെടുത്തി കോണ്‍ഗ്രസ് നേതൃത്വത്തിലുള്ള ഐക്യ ക്ഷീര കര്‍ഷക മുന്നണി ഭരണം നിലനിര്‍ത്തി. വി.വി.രാമകൃഷ്ണന്‍, ബിജു മാത്യു, എം.ജെ.ജിജി, കെ. പ്രവീണ്‍ കുമാര്‍, പി.ജെ.ലിസി, മിനി ആന്റോ എന്നിവരാണ് തിരഞ്ഞെടുക്കപ്പെട്ടത്. മലക്കാരി വരിനിലം, സി.ജെ. സിമി, അമല്‍ജിത്ത് എന്നിവര്‍ എതിരില്ലാതെ തിരഞ്ഞെടുക്കപ്പെട്ടിരുന്നു. പ്രസിഡണ്ടായി വിവി രാമകൃഷ്ണനെ യും. വൈസ് പ്രസിഡണ്ടായി ലിസി പിജെ യേയും തെരെഞ്ഞെടുത്തു. അനുമോദന യോഗത്തില്‍മണ്ഡലം…

കാട്ടിക്കുളം: അതിജീവനകാലഘട്ടത്തിലെ കവിതാ പാഠങ്ങളുമായി കാട്ടിക്കുളത്തിൻ്റെ കലോത്സവം മഞ്ജീരം 2K24 ൻ്റെ ഉദ്ഘാടനം കവിയും അധ്യാപകനും പു.ക.സ. വയനാട് ജില്ലാ പ്രസിഡണ്ടുമായ ശ്രീ.മുസ്തഫ ദ്വാരക നിർവഹിച്ചു. ആഗസ്റ്റ് 22, 23 തീയതികളിൽ നടക്കുന്ന കലോത്സവത്തിൻ്റെ ആദ്യദിന ഇനങ്ങളിലെല്ലാം അതിജീവനപ്രമേയം നിറഞ്ഞു നിന്നിരുന്നു. കലോത്സവത്തിന് മഞ്ജീരം എന്ന പേര് നിർദേശിച്ച ഇഷ മെഹറിൻ എന്ന ആറാം ക്ലാസ് വിദ്യാർഥിനിക്കുള്ള സമ്മാനദാനം, ലോഗോ പ്രകാശനം എന്നീ ചടങ്ങുകളും സംഘടിപ്പിച്ചു. പിടിഎ പ്രസിഡണ്ട് കെ സിജിത്ത്, മദർ പിടിഎ പ്രസിഡണ്ട് ശ്രീമതി…

മേപ്പാടി : മുണ്ടക്കൈ ചൂരൽമല ദുരന്തത്തിലെ ഇരകളുടെ താത്കാലിക പുനരധിവാസം വേഗത്തിലാക്കുക, ലോൺ തിരിച്ചടവിന്റെ പേരിൽ ഇരകളെ ബുദ്ധിമുട്ടിക്കുന്ന ധനകാര്യ സ്ഥാപനങ്ങളെ സർക്കാർ നിയന്ത്രിക്കുക എന്നീ ആവിശ്യങ്ങളുയർത്തി എസ്ഡിപിഐ കല്പറ്റ മണ്ഡലം കമ്മിറ്റി മേപ്പടിയിൽ പ്രതിഷേധം സംഘടിപ്പിച്ചു. പ്രതിഷേധം മണ്ഡലം സെക്രട്ടറി സുബൈർ കെ ഉദ്ഘാടനം ചെയ്തു. മണ്ഡലം ഓർഗനൈസിംഗ് സെക്രട്ടറി ജാഫർ, ജോയിന്റ് സെക്രട്ടറി ടിഎം അഷ്‌റഫ്‌ തുടങ്ങിയവർ സംസാരിച്ചു. എസ്ഡിപിഐ മേപ്പാടി പഞ്ചായത്ത് പ്രസിഡന്റ് ആഷിഖ് പി,മൂപൈനാട് പഞ്ചായത്ത്‌ സെക്രട്ടറി നൗഫൽ തുടങ്ങിയവർ പങ്കെടുത്തു.

മേപ്പാടി : ദുരന്തമേഖലയില്‍ ഒറ്റപ്പെട്ടതും അലഞ്ഞുതിരിഞ്ഞതുമായ കന്നുകാലികള്‍ക്കും അതിജീവനത്തിന് വഴിയൊരുങ്ങി. കന്നുകാലികള്‍ക്കുള്ള തീറ്റ, ആരോഗ്യപരിരക്ഷ എന്നിവയെല്ലാം മൃഗസംരക്ഷണവകുപ്പിന്റെയും ക്ഷീരവികസന വകുപ്പിന്റെയും മേല്‍നോട്ടത്തില്‍ നടക്കുന്നു. ദുരന്തത്തെതുടര്‍ന്ന് ഒറ്റപ്പെട്ട കന്നുകാലികള്‍ക്ക് ക്ഷീര വികസന വകുപ്പിന്റെ ഇടപെടലുകളെ തുടര്‍ന്ന് ആഗസ്റ്റ് ആദ്യം മുതല്‍ തീറ്റപുല്ലും വൈക്കോലും തീറ്റ വസ്തുക്കളും നല്‍കുന്നുണ്ട്. പശുക്കള്‍ക്കും കന്നുകാലികള്‍ക്കുമുള്ള താല്‍ക്കാലിക ക്യാമ്പ് ചൂരല്‍മലയില്‍ മുമ്പേ ഒരുക്കിയിരുന്നു. തൊഴുത്തില്‍ കെട്ടിയിട്ട് വളര്‍ത്തുന്ന കന്നുകാലികളേക്കാള്‍ കുന്നുകളിലും തേയിലത്തോട്ടങ്ങളുടെ ഒഴിഞ്ഞ ഭാഗങ്ങളിലും മേഞ്ഞു നടക്കുന്ന നാടന്‍ ഇനം കന്നുകാലികളാണ് ഇവിടെ ഏറെയുള്ളത്….

കൽപ്പറ്റ : മുണ്ടകൈ-ചൂരൽമല ഉരുൾപൊട്ടലിൻ്റ പശ്ചാത്തലത്തിൽ ദുരന്ത ബാധിതരുടെ അതിജീവനത്തിനായി ഉപജീവന പാക്കേജ് ഒരുക്കും. ഇതിൻ്റെ ഭാഗമായി ആസൂത്രണ ബോര്‍ഡ് വൈസ് ചെയര്‍മാന്‍ പ്രൊഫ. വി.കെ രാമചന്ദ്രൻ്റെ അധ്യക്ഷതയിൽ വിവിധ വകുപ്പുകളുടെ യോഗം ചേർന്നു. ദുരന്തത്തിൽ ഓരോ മേഖലയിലുമുണ്ടായ നഷ്ടങ്ങൾ, ഇവ പുന: സൃഷ്ടിക്കാനുള്ള മാർഗ്ഗങ്ങൾ, മെച്ചപ്പെട്ട രീതിയിലുള്ള ഉപജീവനം തുടങ്ങിയ കാര്യങ്ങൾ യോഗത്തിൽ ചർച്ച ചെയ്തു. പ്ലാനിങ്ങ് ബോർഡ് തലത്തിൽ ഉപജീവന പാക്കേജിൻ്റെ സാധ്യതകൾ ക്രോഡീകരിക്കുമെന്ന് ആസൂത്രണ സാമ്പത്തിക കാര്യവകുപ്പ് അഡീഷണല്‍ ചീഫ് സെക്രട്ടറി ശാരദാ…