മാനന്തവാടി ഉപജില്ല കലോത്സവം; മുഖശ്രീ പ്രകാശനം ചെയ്തു

മാനന്തവാടി: മാനന്തവാടി ഉപജില്ല സ്‌കൂള്‍ കലോത്സവത്തിന്റെ മുഖശ്രീ പ്രകാശനം മാനന്തവാടി എ.ഇ.ഒയ്ക്ക് നല്‍കി റവ.ഫാദര്‍ സെബാസ്റ്റ്യന്‍ ഏലംകുന്നേല്‍ നിര്‍വഹിച്ചു. നവംബര്‍ 4,5,6,7,8 തീയതികളില്‍ പയ്യമ്പള്ളി സെന്റ് കാതറിന്‍സ് ഹയര്‍സെക്കന്‍ഡറി സ്‌കൂളിലാണ് ഉപജില്ലാ കലോത്സവം നടക്കുന്നത്. ചീരാൽ ഗവൺമെന്റ് മോഡൽ എച്ച്.എസ്.എസ്.ലാബ് അസിസ്റ്റന്റ് കൃഷ്ണണൻ കുമ്പളേരിയാണ് കലോത്സവത്തിൻ്റെ മുഖശ്രീ രൂപകൽപ്പന ചെയ്തത്. എം.എ മാത്യു, ഫിലിപ്പ് ജോസഫ്, ബി.പി.സി സുരേഷ് കെ.കെ സുബൈർ ഗദ്ദാഫി ,എൻ.പ്രശാന്ത്, സനിൽ കെ.ആർ എന്നിവർ സംസാരിച്ചു.