ചെറുകര: റിനൈസൻസ് ലൈബ്രറി ചെറുകരക്ക് ജില്ലാ പഞ്ചായത്ത്‌ അനുവദിച്ച പത്ത് ലക്ഷം രൂപ ഉപയോഗിച്ച് നിർമ്മാണം പൂർത്തീകരിച്ച ടോയ്ലറ്റ് ബ്ലോക്കും സ്റ്റേജും വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.ലൈബ്രറി പ്രസിഡന്റ്‌ കെ പ്രേമരാജ് അധ്യക്ഷത വഹിച്ചു. മംഗലശ്ശേരി മാധവൻ മാസ്റ്റർ,എം.ജെ ഷിബി, സി. ജി പ്രത്യുഷ്,അഡ്വ. കെ രാജേഷ്, പത്മനാഭൻ മാസ്റ്റർ,വി.പി പ്രേം പ്രകാശ്, എം. ഷൈബി,കെ സാജിഷ്, സ്വപ്ന എം തുടങ്ങിയവർ പ്രസംഗിച്ചു.

കൽപ്പറ്റ: ലോക മാനസികാരോഗ്യദിനാചരണത്തിൻ്റെ ഭാഗമായി കൽപ്പറ്റ എസ് കെ എം ജെ ഹയർ സെക്കൻഡറി സ്കൂൾ സൗഹൃദ ക്ലബ്ബിൻ്റെ ബാനറിൽ മനസ്സിലേക്ക് മടങ്ങുക എന്ന പേരിൽ ഹ്രസ്വചിത്രം തയ്യാറാക്കി. സൗഹൃദ ക്ലബ്ബ് അംഗങ്ങളായ ശ്രീനിഷ.എസ്, കൃഷ്ണേന്ദു എം.എസ് എന്നിവർ പ്രധാന വേഷം ചെയ്തു.കെ.മുഹമ്മദ് സഫ് വാൻ ചിത്രീകരണവും എഡിറ്റിങ്ങും നിർവഹിച്ചു. സൗഹൃദ ക്ലബ്ബ് കോർഡിനേറ്ററും മലയാളം അധ്യാപകനുമായ ഷാജി മട്ടന്നൂർ രചനയും ഏകോപനവും നിർവഹിച്ച ഹ്രസ്വചിത്രത്തിൻ്റെ സംഗീതം ഒരുക്കിയത് നിർമ്മിത ബുദ്ധിയുടെ സഹായത്തോടെയാണ് .

മീനങ്ങാടി : ഒക്കിനാവാ ഷൊറിൻ റ്യൂ കരാട്ടെ ഫെഡറേഷൻ സംഘടിപ്പിക്കുന്ന ഷിമ കപ്പിനു വേണ്ടിയുള്ള മൂന്നാമത് ഇൻ്റർനാഷണൽ കരാട്ടെ ചാമ്പ്യൻഷിപ്പ് മീനങ്ങാടിയിൽ വച്ച് നടത്തി. വയസ് അടിസ്ഥാനത്തിലുള്ള വിവിധ ഗ്രൂപ്പുകളിലായിരുന്നു മൽസരങ്ങൾ നടന്നത്. ആൺകുട്ടികൾക്കും പെൺകുട്ടികൾക്കും പുരുഷൻമാർക്കും സ്ത്രീകൾക്കും വ്യക്തിഗത ഇനങ്ങളിലും ഗ്രൂപ്പിനങ്ങളിലും പ്രത്യേക മൽസരങ്ങൾ നടന്നു. പഞ്ചായത്ത് കമ്മ്യൂണിറ്റി ഹാളിൽ പ്രത്യേകം തയ്യാറാക്കിയ വേദികളിലായിരുന്നു ടൂർണ്ണമെൻ്റ് നടന്നത്. ബ്ലാക്ക് ബെൽറ്റ് വിതരണവും വിവിധ മേഖലകളിലെ പ്രതിഭകളെ ആദരിക്കലും ചടങ്ങിൽ വച്ചു നടന്നു. എടപ്പെട്ടി ഗവ. എൽ…

വയനാട്:- വനിതാ – ശിശു വികസന വകുപ്പിന്റെ നേതൃത്വത്തിൽ അന്താരാഷ്ട്ര ബാലികാ ദിനം ആഘോഷിച്ചു. ജില്ലാ വനിതാ ശിശു വികസന ഓഫീസ് ഹബ് ഫോർ എംപവർമെന്റ് ഓഫ് വുമൺ- ബേട്ടി ബാചാവോ ബേട്ടി പഠാവോ 2025 സ്കീമിന്റെ ഭാഗമായി ജില്ലാ ശിശു സംരക്ഷണ യൂണിറ്റ്, ജില്ലാ വനിതാ സംരക്ഷണ ഓഫീസ്, എന്നിവയുടെ സംയുക്ത ആഭിമുഖ്യത്തിൽ എൻട്രി ഫോം ഫോർ ഗേൾസ്, സഖി വൺ സ്റ്റോപ്പ് സെന്റർ എന്നിവിടങ്ങളിലെ കുട്ടികൾക്കും സ്ത്രീ കൾക്കും വേണ്ടി വിവിധ പരിപാടികൾ, ബോധവൽക്കരണ…