ചെറിയ അശ്രദ്ധ വലിയ അപകടങ്ങൾക്ക് കാരണമാകും.   ട്രാഫിക് നിയമങ്ങൾ പാലിക്കാതെ വാഹനം ഓടിക്കുമ്പോഴുള്ള ചെറിയ അശ്രദ്ധ പോലും വലിയ അപകടങ്ങൾക്ക് കാരണമാകുമെന്ന് വയനാട് ജോ.ആർ.ടി.ഒ.ജയദേവ് പറഞ്ഞു.കാറുകളിൽ കുട്ടികളുടെ രക്ഷക്കായി ചൈൽഡ് റസിസ്റ്റൻ്റ് സിസ്റ്റമെന്ന നിലയിൽ കുട്ടികൾക്കായി പ്രത്യേക സീറ്റ് ക്രമീകരിക്കേണ്ടതാണെന്ന് എൻഫോഴ്സ്മെന്റ് എം.വി.ഐ.അജിൽകുമാർ പറഞ്ഞു.മോട്ടോർ വാഹന വകുപ്പിന്റെ കീഴിൽ പ്രവർത്തിക്കുന്ന റോഡ് സേഫ്റ്റി വളണ്ടിയർ ഗ്രൂപ്പിലേക്ക് പുതിയ അംഗങ്ങളെ ചേർത്ത് പരിശീലിപ്പിക്കുന്നതിനായി പുൽപ്പള്ളി വ്യാപാര ഭവനിൽ സംഘടിപ്പിച്ച ട്രെയിനിങ് പ്രോഗ്രാമിൽ ക്ലാസ് എടുക്കുകയായിരുന്നു അദ്ദേഹം.വ്യാപാരികൾ, ഓട്ടോറിക്ഷാ…

മാനന്തവാടി: വന്യജീവി വാരാഘോഷത്തിന്റെ ഭാഗമായി തലപ്പുഴ ഫോറസ്റ്റ് സ്റ്റേഷന്‍, മക്കിമല ആദിവാസി വനസംരക്ഷണ സമിതി എന്നിവയുടെ നേതൃത്വത്തില്‍ മക്കിമല മുതല്‍ മുനീശ്വരന്‍കുന്ന് വരെ റോഡില്‍ പ്ലാസ്റ്റിക് മാലിന്യ നിര്‍മാര്‍ജനം നടത്തി. ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ കെ. സുരേഷ്ബാബു, ആദിവാസി വനസംരക്ഷണ സമിതി പ്രസിഡന്റ് ഒ.എ. ബാബു തുടങ്ങിയവര്‍ നേതൃത്വം നല്‍കി.

പടിഞ്ഞാറത്തറ: പടിഞ്ഞാറത്തറ ഗ്രാമപഞ്ചായത്തിന്റെ സംഘടിപ്പിച്ച വികസന സദസ്സില്‍ പത്മശ്രീ ചെറുവയല്‍ രാമനെ ഭരണസമിതി ആദരിച്ചു. വിവിധയിനം നെൽ വിത്തുകൾ സംരക്ഷിച്ച് കാര്‍ഷിക മേഖലയില്‍ പരമ്പരാഗത രീതിയിലുള്ള ഇടപെടല്‍ നടത്തുന്നതിനാണ് പഞ്ചായത്തിന്റെ ആദരവ്. പ്രകൃതിയെ സംരക്ഷിക്കേണ്ട തനത് രീതികള്‍ സസൂക്ഷ്മം നിരീക്ഷിച്ച് നടപ്പാക്കുന്നതാണ് തന്റെ രീതികളെന്ന് ചെറുവയല്‍ രാമന്‍ പറഞ്ഞു.   കാലാവസ്ഥാ വ്യതിയാനത്താല്‍ കാര്‍ഷിക മേഖലയില്‍ പ്രതികൂല സാഹചരമുണ്ടാകുപ്പോള്‍ തദ്ദേശസ്വയം ഭരണ സ്ഥാപനങ്ങള്‍ ആവശ്യമായ ഇടപെടലുകള്‍ നടത്തണമെന്നും വളര്‍ന്നുവരുന്ന തലമുറയെ കാര്‍ഷിക പഠനത്തിലേക്ക് കൈപ്പിടിച്ച് നടത്താന്‍ രക്ഷിതാക്കള്‍ സന്നദ്ധരാവണമെന്നും…

കേണിച്ചിറ: യാക്കോബായ സഭ മലബാർ ഭദ്രാസനത്തിനു കീഴിൽ പ്രവർത്തിക്കുന്ന ‘കൂട് ‘ ഭവന പദ്ധതിയിൽ താഴമുണ്ടയിൽ ചേലപ്പുഴ എൽദോ തോമസ് സൗജന്യമായി നൽകിയ സ്ഥലത്ത് പുതുതായി നിർമിക്കുന്ന ഭവനങ്ങളുടെ ശിലാസ്ഥാപനം മലബാർ ഭദ്രാസനാധിപൻ ഗീവർഗീസ് മോർ സ്തേഫാനോസ് മെത്രാപ്പോലീത്ത നിർവഹിച്ചു. അർഹരായ രോഗികൾക്ക് സഹായം, മംഗല്യ സഹായം, വീടില്ലാത്തവർക്ക് സ്ഥലവും വീടും ഒരുക്കുക എന്നിങ്ങനെയുള്ള ചാരിറ്റി പ്രവർത്തനങ്ങളാണ് കൂട് പദ്ധതിയുടെ ലക്ഷ്യം. ഭദ്രാസന സെക്രട്ടറി ഫാ. ബേസിൽ കരനിലത്ത്, വൈദിക സെക്രട്ടറി ഫാ. മത്തായി കുഞ്ഞ് ചാത്തനാട്ട്കുടി,…