മേപ്പാടി : കാന്തൻപാറയിൽ ഓട്ടോറിക്ഷയ്ക്ക് നേരെ പാഞ്ഞടുത്ത് കാട്ടാനകൂട്ടം. കാന്തംപാറ സ്വദേശി ജമാലിൻ്റെ ഓട്ടോയ്ക്ക് നേരെയാണ് കാട്ടാനക്കൂട്ടം പാഞ്ഞടുത്തത്. ഇന്നുരാവിലെ ആറു മണിയോടെ ഓട്ടം പോകുന്നതിനിടയായിരുന്നു സംഭവം. ഓട്ടോയിൽ ഉണ്ടായിരുന്നവർ തലനാരിഴക്കാണ് രക്ഷപ്പെട്ടത്. മേപ്പാടിയിലും പരിസരത്തും കാട്ടാന ശല്യം അധികരിക്കുകയാണ്. കഴിഞ്ഞ ദിവസം രാത്രി 10 മണിയോടെ കാപ്പംകൊല്ലി പുഴമൂല സുരേഷിന്റെ വീട്ടുമുറ്റത്താണ് കാട്ടാന എത്തിയത്. ചെമ്പ്ര വനമേഖലയില്‍ നിന്നാണ് ആനയെത്തിയത്.

ബത്തേരി: നമ്പ്യാർകുന്നിൽ വീട്ടമ്മയെ വീടിനുള്ളിൽ മരിച്ച നിലയിൽ കണ്ടെത്തി.   നമ്പ്യാർകുന്ന് മേലത്തേതിൽ എലിസബത്ത് (51) നെയാണ് വീടിനുള്ളിൽ മരിച്ച നിലയിൽ കണ്ടെത്തിയത്. ഭർത്താവ് തോമസ് വർഗീസ് (56) നെ കൈ ഞരമ്പ് മുറിച്ച നിലയിലും കണ്ടെത്തി. ഞരമ്പ് മുറിച്ച നിലയിൽ കണ്ടെത്തിയ ഭർത്താവ് അത്യാസന്ന നിലയിൽ ചികിത്സയിലാണ് . ഇയാളെ സുൽത്താൻബത്തേരി സ്വകാര്യ ആശുപത്രിയിൽ പ്രവേശിപ്പിച്ചു. നൂൽപ്പുഴ പോലീസ് സ്ഥലത്തെത്തി. മരണത്തിലെ ദുരൂഹത പോലീസ് അന്വേഷിച്ചു വരുന്നു.

മാനന്തവാടി: കെട്ടിട ഉടമകൾ നേരിടുന്ന വിവിധങ്ങളായ പ്രശ്നങ്ങൾ ചർച്ച ചെയ്യുന്നതിന് ബിൽഡിംഗ് ഓണേഴ്സ് വെൽഫെയർ അസോസിയേഷൻ മാനന്തവാടി താലൂക്ക് കമ്മിറ്റി വയനാട് സ്‌ക്വയർ ഹോട്ടലിൽ യോഗം ചേർന്നു. പ്രസിഡണ്ട് എൻ.എ. ഫൗലാദ് അധ്യക്ഷത വഹിച്ചു. കെട്ടിട ഉടമകൾക്ക് ചെറിയ വാടക നൽകി വലിയ നിരക്കിൽ മേൽ വാടകയ്ക്ക് നൽകുന്ന വാടകക്കാർക്കെതിരെ നടപടി സ്വീകരിക്കാൻ യോഗം തീരുമാനിച്ചു. കെട്ടിട നികുതിയിൽ വർഷം തോറും 5% വർദ്ധനവ് ആണ് സർക്കാർ ഏർപ്പെടുത്തിയിരിക്കുന്നത്. കാലാനുസൃതമായ വാടക വർദ്ധനവ് ലഭിക്കാത്തത് കാരണം പല കെട്ടിട…

നൗഷാദ് അസോസിയേഷന്‍ വയനാട് ജില്ലാ കമ്മിറ്റിയുടെ ആഭിമുഖ്യത്തില്‍ നൗഷാദുമാരുടെ കുടുംബ സംഗമം സംഘടിപ്പിച്ചു.അംഗങ്ങളുടെ വിദ്യാര്‍ത്ഥികളില്‍ നിന്നും പൊതു പരീക്ഷകളില്‍ വിജയിച്ചവര്‍ക്ക് അനുമോദനവും നല്‍കി.സംസ്ഥാന ജനറല്‍ സെക്രട്ടറി നൗഷാദ് പോപ്‌സണ്‍ പരിപാടി ഉദ്ഘാടനം ചെയ്തു.വയനാട് ജില്ലാ പ്രസിഡന്റ് കെഇഎച് നൗഷാദ് അധ്യക്ഷനായിരുന്നു.ജിസിസി അംഗങ്ങളായ നൗഷാദ് കുളങ്ങരത്ത്,നൗഷാദ് കെ.കെ കോറോത്ത്,കണ്ണൂര്‍ ജില്ലാ എക്‌സിക്യൂട്ടീവ് മെമ്പര്‍ നൗഷാദ് ചൊക്ലി തുടങ്ങിയവര്‍ സംസാരിച്ചു.കെഇഎച് നൗഷാദ്(പ്രസിഡണ്ട്),നൗഷാദ് ഉസ്താദ് നെല്ലിയമ്പം(സെക്രട്ടറി),നൗഷാദ് മണിച്ചിറ(ട്രഷറര്‍) എന്നിവരുള്‍പ്പടെ 18 അംഗങ്ങളെ പുതിയ വയനാട് ജില്ലാ കമ്മിറ്റി ഭാരവാഹികളായി സംഗമത്തില്‍ തെരഞ്ഞെടുത്തു.

പുഴിത്തോട് – പടിഞ്ഞാറത്തറ ചുരമില്ലാ പാത എത്രയും പെട്ടെന്ന് പൂർത്തീകരിക്കാൻ എം.പി ശക്തമായി ഇടപെടണമെന്ന് ആവശ്യപ്പെട്ടുകൊണ്ട് ജനകീയ കർമ്മ സമിതി നിവേദനം നൽകി. വയനാട് അഭിമുഖീകരിക്കുന്നt ഗതാഗത പ്രശ്നങ്ങളും , അതിൽ ഈ പാതയുടെ പ്രാധാന്യവും എം പി യെ ബോധ്യപ്പെടുത്തുവാൻ കഴിഞ്ഞുവെന്ന് ഭാരവാഹികൾ ചൂണ്ടിക്കാട്ടി. കൽപ്പറ്റ MLA ടി.സിദ്ധിഖാണ് കൂടിക്കാഴ്ച്ചക്ക് മുൻക്കൈയ്യെടുത്തത്.ജില്ലാ പഞ്ചായത്തംഗവും കർമ്മ സമിതി എക്സിക്യൂട്ടീവംഗങ്ങളുമായ ജുനൈദ് കൈപ്പാണി. ബ്ലോക്ക് കോൺഗ്രസ് പ്രസിഡണ്ട് പോൾസൻ കൂവയ്ക്കൽ, കർമ്മ സമിതി ചെയർ പേഴ്സൺ ശകുന്തള ഷണ്മുഖൻ,…