മാനന്തവാടി: പയ്യമ്പള്ളി കൂടൽക്കടവിൽ ആദിവാസി മധ്യവയസ്‌കനെ കാറിൽ റോഡിലൂടെ വലിച്ചിഴച്ച സംഭവത്തിലെ കാർ പോലീസ് കണ്ടെ ത്തി. പ്രതികൾ സഞ്ചരിച്ച കെ എൽ 52 എച്ച് 8733 നമ്പർ മാരുതി സെലേറിയോ കാറാണ് മാനന്തവാടി കണിയാമ്പറ്റ ഭാഗത്ത് നിന്നും കസ്റ്റഡിയിലെടുത്തത്. പ്രതികളെ പിടികൂടാനുള്ള ഊർജ്ജിത ശ്രമം നടന്നുവരികയാണ്. ഇവർ പച്ചിലക്കാട് സ്വദേശികളാണെന്നാണ് സൂചന.

അമ്പലവയൽ: 2025 തദ്ദേശ തിരഞ്ഞെടുപ്പ് പ്രചാരണത്തിന് തുടക്കം കുറിച്ചു ആം ആദ്മി പാർട്ടി. ജനക്ഷേമ മുന്നേറ്റം വയനാട് ജില്ലാ തല ഉദ്ഘാടനം സംസ്ഥാന പ്രസിഡൻ്റ് അഡ്വ വിനോദ് മാത്യു വിൽസൺ ഉദ്ഘാടനം ചെയ്തു. വയനാടിൻ്റെ പ്രാദേശിക പ്രശ്നങ്ങൾക്ക് ശാശ്വത പരിഹാരം കാണാൻ സാധിക്കാത്ത കേരളം മാറി മാറി ഭരിച്ചവരെയും കേന്ദ്രം ഭരിക്കുന്നവരെയും തിരിച്ചറിയണമെന്നും അവർക്ക് തക്കതായ മറുപടി നൽകാൻ വയനാട്ടുകാർ തയ്യാറാകണമെന്നും അദ്ദേഹം ആവശ്യപ്പെട്ടു.വയനാട് ജില്ല അഭിമുഖീകരിക്കുന്ന രാത്രിയാത്രാ നിരോധനം, ചുരം ഗതാഗത കുരുക്ക്, വന്യമൃഗ ശല്യം,…

മാനന്തവാടി:ഊഞ്ഞാലിൽ കഴുത്ത് കുരുങ്ങി 12 കാരൻ മരിച്ചു. മാനന്തവാടി മിൽക്ക് സൊസൈറ്റി ജീവനക്കാരൻ വട്ടക്കളത്തിൽ ഷിജുവിൻ്റെ മകൻ അശ്വിൻ (12) ആണ് മരിച്ചത്. ഞായർ വൈകീട്ട് ആറോടെയാണ് സംഭവം. വീടിനോട് ചേർന്ന ഷെഡിൽ കെട്ടിയിരുന്ന ചെറിയ പ്ലാസ്റ്റിക് ഊഞ്ഞാലിൽ അബദ്ധത്തിൽ കഴുത്ത് കുരുങ്ങി മരിച്ചതാണെന്നാന്ന് പ്രാഥമിക നിഗമനം. വയനാട് ഗവ.മെഡിക്കൽ കോളേജിൽ കുട്ടിയെ എത്തിച്ചെങ്കിലും ജീവൻ രക്ഷിക്കാനായില്ല. പയ്യംമ്പള്ളി സെൻ്റ് കാതറിൻസ് ഹയർസെക്കൻഡറി സ്കൂളിലെ ഏഴാം ക്ലാസ് വിദ്യാർഥിയാണ്. മാതാവ്: ശാരി. അംഗീത് സഹോദരനാണ്.

മാനന്തവാടി: കുട്ടിയെ തട്ടിക്കൊണ്ടുപോകാൻ ശ്രമിച്ച യുവതിയെ പിടികൂടി. വാളാട് പുത്തൂരിൽ ഇന്ന് രാവിലെ 10 മണിയോടെയായിരുന്നു സംഭവം..മദ്രസ കഴിഞ്ഞ് മടങ്ങിയ കുട്ടിയുടെ പുറകെ നടന്നു ചെല്ലുകയും, തുണിയും സഹായവും ആവശ്യപ്പെട്ട് വീട്ടിലെത്തി മറ്റൊരു കുട്ടിയെ ഭയപ്പെടുത്തുന്ന വിധം കൈക്ക് പിടിക്കുകയും ആണത്രേ ചെയ്‌തത്. ഭയന്നുവിറച്ച കുട്ടി ഉമ്മയെ വിവരം അറിയിക്കുകയും നാട്ടുകാർ ചോദ്യം ചെയ്യുകയും ചെയ്‌തു. പരസ്‌പര വിരുദ്ധമായും പ്രകോപനപരമായും സംസാരിച്ചതിനെ തുടർന്ന് പോലീസിൽ വിവരം അറിയിക്കുകയും തുടർന്ന് പോലീസ് എത്തി ഇവരെ സ്റ്റേഷനിലേക്ക് കൊണ്ടുപോവുകയുമാണ് ചെയ്തത്.

എടവക : എസ്. ഡി. പി. ഐ. എടവക പഞ്ചായത്ത് കമ്മിറ്റിയുടെ ആഭിമുഖ്യത്തിൽ ഷാൻ അനുസ്മരണവും പ്രവർത്തക സംഗമവും സംഘടിപ്പിച്ചു. യോഗത്തിൽ എസ്ഡിപിഐ പഞ്ചായത്ത് സെക്രട്ടറി അബ്ദുൽ ഷുക്കൂർ ടി സ്വാഗതംപറഞ്ഞു. പഞ്ചായത്ത് പ്രസിഡണ്ട് മുഹമ്മദ് ടി അധ്യക്ഷനായ യോഗം എസ്ഡിപിഐ ജില്ലാ കമ്മിറ്റി അംഗം എ യൂസഫ് ഉദ്ഘാടനം ചെയ്ത് സംസാരിച്ചു. മാനന്തവാടി മണ്ഡലം പ്രസിഡന്റ് വി സുലൈമാൻ, വിമന്‍ ഇന്ത്യ മൂവ്മെന്റ് രണ്ടേ നാൽ ബ്രാഞ്ച് ജോയിന്റ് സെക്രട്ടറി നാജിയ പി വി എന്നിവർ…