കൽപറ്റ: വെള്ളാരംകുന്നിൽ സ്വകാര്യ ബസും വാനും കൂട്ടിയിടിച്ച് 9 പേർക്ക് പരുക്കേറ്റു. പരുക്കേറ്റവരെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഉരുൾപൊട്ടൽ ദുരന്തത്തിൽ ഉറ്റവരെയെല്ലാം നഷ്ടപ്പെട്ട ശ്രുതിയും പ്രതിശ്രുത വരൻ ജെൻസണും സഞ്ചരിച്ച വാനാണ് അപകടത്തിൽപ്പെട്ടത്. തലയ്ക്ക് പരുക്കേറ്റ ജെൻസണെ മൂപ്പൻസ് മെഡിക്കൽ കോളജ് ആശുപത്രിയിലേക്ക് മാറ്റി. ശ്രുതിയുടെ അച്ഛൻ ശിവണ്ണൻ, അമ്മ സബിത, സഹോദരി ശ്രേയ എന്നിവരാണ് ഉരുൾപൊട്ടലിൽ മരിച്ചത്
കണിയാമ്പറ്റ: കണിയാമ്പറ്റ പച്ചിലക്കാട് ആണ് സംഭവം. അരിഞ്ചർ മല സ്വദേശി ആലിഞ്ചുവട്ടിൽ വിജയൻ (40) മരണപ്പെട്ടത്. കാട് വെട്ടുന്നതിനിടെ അബദ്ധത്തിൽ ഷോക്കേറ്റാണ് യുവാവ് മരിച്ചത്. ചുണ്ടക്കുന്ന് സ്വകാര്യ വ്യക്തിയുടെ തോട്ടത്തിൽ കാടുകൾ വെട്ടുന്നതിനിടെ കെഎസ്ഇബിയുടെ പോസ്റ്റിൽ നിന്നും വീട്ടിലേക്കുള്ള സർവീസ് വയറിൽ കത്തികൊണ്ട് വെട്ടിയതിനെ തുടർന്നാണ് വിജയന് ഷോക്കേറ്റത്. പനമരം പോലീസ് തുടർനടപടികൾ സ്വീകരിച്ചു വരുന്നു… മൃതദേഹം കൽപ്പറ്റ സ്വകാര്യ ആശുപത്രിയിൽ.
ബത്തേരി: സുൽത്താൻ ബത്തേരി-താളൂർ അന്തർ സംസ്ഥാന റോഡ് നിർമ്മാണത്തിന്റെ ഭാഗമായി കോളിയാടി അച്ഛൻ പടി ഭാഗത്ത് ഡ്രൈനേജ് എടുക്കുന്നതിനിടയിൽ വീടിന്റെ മതിൽ ഇടിഞ്ഞുവീണ് ഒരു അന്യസംസ്ഥാന തൊഴിലാളി മരിച്ചു.ഇരിക്കൂർ കൺസ്ട്രക്ഷൻ കമ്പനി യുടെ തൊഴിലാളി ആസ്സാം സ്വദേശി NILAKANTA MANDAL ആണ് മരണപ്പെട്ടത് മൃതദേഹം കോഴിക്കോട് മെഡിക്കൽ കോളേജിൽ
തേറ്റമല വയോധികയുടെ മരണം കൊലപാതകം; അയൽവാസിയെ കസ്റ്റഡിയിലെടുത്തതായി സൂചന.* മാനന്തവാടി :തേറ്റമല കുഞ്ഞാമിയുടെ മരണം കൊലപാതകം. ബുധനാഴ്ചയാണ് 72 കാരിയായ കുഞ്ഞാമിയെ കാണാതായത്. വ്യാഴാഴ്ച രാവിലെ വീട്ടിൽ നിന്നും മുക്കാൽ കിലോമീറ്റർ അകലെയുള്ള ഉപയോഗശൂന്യമായ വെള്ളമില്ലാത്ത കിണറ്റിൽ നിന്നാണ് മൃതദേഹം കണ്ടെത്തിയത്. സ്വർണാഭരണങ്ങൾ നഷ്ടപ്പെട്ടിരുന്നു .സംഭവവുമായി ബന്ധപ്പെട്ട് അയൽവാസി ചോലയിൽ സി.സി ഹക്കീം (42)നെ പോലീസ് കസ്റ്റഡിയിലെടുത്തതായി സൂചനയുണ്ട്. സ്വർണാഭരണങ്ങൾ കവരാൻ വേണ്ടി ഹക്കീം കുഞ്ഞാമിയെ കഴുത്ത് ഞെരിച്ച് കൊലപ്പെടുത്തിയതായാണ് അന്വേഷണത്തിൽ തെളിഞ്ഞതെന്നാണ് വിവരം….
തേറ്റമല : വയോധികയെ പൊട്ട കിണറ്റിൽ മരിച്ച നിലയിൽ കണ്ടെത്തി.ഇന്നലെ വൈകിട്ട് മുതൽ കാണാതായ വയോധികയുടെ മൃതദേഹം ഉപയോഗ ശൂന്യമായ കിണറ്റിൽ കണ്ടെത്തി. തേറ്റമല പരേതനായ വിലങ്ങിൽ മുഹമ്മദിന്റെ ഭാര്യ കുഞ്ഞാമി(70)യുടെ മൃതദേഹമാണ് കാണാതായ വീട്ടിൽ നിന്നും അര കിലോമീറ്ററോളം മാറി സ്വകാര്യ വ്യക്തിയുടെ തോട്ടത്തിലെ കിണറ്റിൽ കണ്ടെത്തിയത്. തൊണ്ടർനാട് പോലീസും ഫയർഫോഴ്സും സ്ഥലത്തെത്തി മൃതദേഹം പുറത്തെടുത്തു. ഇൻക്വസ്റ്റ് നടപടികൾ പുരോഗമിക്കുന്നു.
ആലപ്പുഴ: ആലപ്പുഴയിലുണ്ടായ വാഹനാപകടത്തിൽ മാനന്തവാടി ജില്ലാ ആശുപത്രിയിലെ മുൻ നഴ്സിങ് ജീവനക്കാരൻ പുറക്കാട് പുത്തൻ നട പുത്തൻപറമ്പിൽ നിപുൺ ഗോപാലകൃഷ്ണൻ [35] ആണ് മരിച്ചത്. ഡിവൈഡറിൽ തട്ടിമറിഞ്ഞ ബൈക്കിൽ നിന്നും തെറിച്ചുവീണ യുവാവിനെ പിന്നാലെയെത്തിയ ലോറി യിടിക്കുകയായിരുന്നു. ആലപ്പുഴ പുന്നപ്ര കുറവന്തോടിനു സമീപം വെച്ചായിരുന്നു അപകടം. മാനന്തവാടി ജില്ലാ ആശു പത്രിയിൽ ഏഴ് വർഷം ജോലി ചെയ്ത ശേഷം രണ്ട് വർഷം മുൻപാണ് നിപുൺ സ്ഥലം മാറി പോയത്. നിലവിൽ ആലപ്പുഴ ജനറൽ ആശുപത്രിയിലെ നഴ്സിങ് ജീവനക്കാരനായിരുന്നു….
ചേകാടി: കാട്ടാനയുടെ മുന്നിൽപ്പെട്ട ബൈക്ക് യാത്രികൻ രക്ഷപ്പെടാനുള്ള ശ്രമത്തിനിടെ ബൈക്ക് മറിഞ്ഞു വീണ് പരിക്കേറ്റു. പനമരം പോലീസ് സ്റ്റേഷനിലെ സിവിൽ പോലീസ് ഓഫീസർ കുറുവാ ചെറിയാമല ഉന്നതിയിലെ അജേഷിനാണ് പരിക്കേറ്റത്. ഇന്ന് രാവിലെ ജോലിക്ക് പോകവേ ചേകാടി – പാക്കം റോഡിൽ കുറുവാ ജംഗ്ഷനിൽ വെച്ചായിരുന്നു സംഭവം. അപ്രതീക്ഷിതമായി തൊട്ടു മുന്നിൽ കാട്ടാനയെ കണ്ടപ്പോൾ ബൈക്ക് നിർത്താൻ ശ്രമിക്കവെ മറിഞ്ഞു വീണതിനെ തുടർന്നാണ് പരിക്കേറ്റത്. പുറകിലായി വന്ന ഓട്ടോറിക്ഷ ഡ്രൈവർ സുരേഷിന്റെ നേതൃത്വത്തിൽ അജേഷിനെ പുൽപ്പള്ളിയിലെ സ്വകാര്യ…
പുൽപ്പള്ളി: കാര്യമ്പാതിക്കുന്ന് മാവിള വീട്ടിൽ സനന്ദു {24} ആണ് മരണപ്പെട്ടത്. ഞായറാഴ്ച വൈകുന്നേരം അഞ്ചുമണിയോടെ പുതിയ ഗ്രാമപഞ്ചായത്ത് ഓഫീസ് കെട്ടിടത്തിന് സമീപത്താണ് വാഹന അപകടം ഉണ്ടായത്. പുൽപ്പള്ളിയിൽ നിന്നും കാര്യംപാതിക്കുന്നിലേക്ക് പോവുകയായിരുന്നസനന്ദുവിന്റെ ബൈക്ക് ജീപ്പു മായി കൂട്ടിയിടിച്ചാണ് അപകടമുണ്ടായത് അലൂമിനിയം ഫാബ്രിക്കേഷൻ ജോലിക്കാരനായിരുന്നു സനന്ദു. പോലീസ് സ്ഥലത്തെത്തി തുടർ നടപടികള് സ്വീകരിച്ചു.മൃതദേഹം സുൽത്താന് ബത്തേരി താലൂക്കാശുപത്രിയില്, അച്ഛന് സന്തോഷ് അമ്മ ബിന്ദു.
ബത്തേരി : നായ്ക്കട്ടി പാമ്പുംകൊല്ലി ഊരിലെ രവി (40) യെയാണ് സമീപത്തെ തോട്ടിൽ മരിച്ച നിലയിൽ കണ്ടെത്തിയത്. ഇന്നലെ രാത്രി മുതൽ കാണാനില്ലായിരുന്നു. തിരച്ചിലിനിടെ ഇന്ന് രാവിലെ സമീപത്തെ തോട്ടിൽ മരിച്ച നിലയിൽ കണ്ടെത്തുകയായിരുന്നു. ബത്തേരി പൊലീസ് സ്ഥലത്തെത്തി തുടർ നടപടികൾ സ്വീകരിച്ചു. മൃതദേഹം പോസ്റ്റ്മോർട്ടം നടപടികൾക്കായി ബത്തേരി താലൂക്ക് ആശുപത്രിലേക്ക് മാറ്റി.
സുൽത്താൻ ബത്തേരി: നെന്മേനി പഞ്ചായത്തിലെ റഹ്മത്ത് നഗർ മനക്കത്തൊടി ആബിദയുടെ വീടാണ് ഇന്ന് പുലർച്ചെ ഒരു മണിയോടെ തകർന്നുവീണത്. അഞ്ചംഗ കുടുംബത്തെ സമീപവാസികൾ അത്ഭുതകരമായി രക്ഷപ്പെടുത്തി. നിസ്സാര പരിക്കേറ്റ മൂന്നുവയസ്സുകാരൻ അടക്കം അഞ്ചുപേർ ചികിത്സയിലാണ്. ഉറങ്ങിക്കിടക്കുകയായിരുന്നു കുടുംബാംഗങ്ങളുടെ ദേഹത്തേക്കാണ് വീടിന്റെ മേൽക്കൂരയും ഭിത്തികളും പതിച്ചത്.
