പനമരം : ഹയർ സെക്കൻഡറി സോഷ്യോളജി പരീക്ഷയിൽ മുഴുവൻ മാർക്കും നേടിയ വിദ്യാർഥികളെ വയനാട് ജില്ലാ സോഷ്യോളജി അധ്യാപക അസോസിയേഷന്റെ നേതൃത്വത്തിൽ അനുമോദിച്ചു. പനമരം ബ്ലോക്ക് പഞ്ചായത്ത് പ്രസിഡൻ്റ് എസ്. ദിലീപ്കുമാർ ഉദ്ഘാടനം ചെയ്തു. സോണിയ മാത്യു, സുദർശൻ കെ, ഡി പ്രദീപ്കുമാർ, ലിജി ടീച്ചർ എന്നിവർ സംസാരിച്ചു. വയനാട്ടിലെ വിവിധ സ്കൂളുകളിലെ 22 വിദ്യാർഥികളാണ് സോഷ്യോളജിക്ക് മുഴുവൻ മാർക്കും നേടിയത്.
സുല്‍ത്താൻ ബത്തേരി കോട്ടക്കുന്നിലെ പൊതുശൗചലായം അടഞ്ഞുതന്നെ വൃത്തിയുടെ സുല്‍ത്താനായ ബത്തേരി കോട്ടക്കുന്നിലെ പൊതുശൗചാലയം അടഞ്ഞിട്ട് ആഴ്ചകള്‍ പിന്നിട്ടു. ദിനംപ്രതി നൂറ് കണക്കിന് യാത്രക്കാരും വ്യാപാരികളും ഓട്ടോ ടാക്സി ഡ്രൈവർമാരും ആശ്രയിച്ചിരുന്ന ശൗചാലയമടഞ്ഞതോടെ പ്രാഥമിക ആവശ്യങ്ങള്‍ നിറവേറ്റാൻ പെടാപാട് പെടുകയാണ് ഇവിടെയെത്തുന്നവർ. പലരും സ്വകാര്യ സ്ഥാപനങ്ങളെയാണ് ആശ്രയിക്കുന്നത്. സെപ്റ്റിക് ടാങ്ക് നിറഞ്ഞ് പുറത്തേക്ക് ഒലിക്കാൻ തുടങ്ങിയതാണ് ശൗചാലയം പൂട്ടിയിടാൻ കാരണമെന്നാണ് സമീപവാസികള്‍ പറയുന്നത്. എന്നാല്‍ ഒരാഴ്ച കഴിഞ്ഞിട്ടും ഇത് നന്നാക്കാൻ അധികൃതർ തയ്യാറാകുന്നില്ലെന്നാണ് ആരോപണം. കോട്ടക്കുന്നിലെ വ്യാപാരികളും ഓട്ടോ…
സുല്‍ത്താന്‍ ബത്തേരി: കുടുംബശ്രീ മിഷന്റെ നേതൃത്വത്തില്‍ നൂല്‍പ്പുഴ സിഡിഎസിലുള്ള വിദ്യാര്‍ഥികള്‍ക്ക് പഠനോപകരണങ്ങള്‍ വിതരണം ചെയ്തു. സാമ്പത്തികമായി പിന്നാക്കം നില്‍ക്കുന്ന കുടുംബങ്ങളിലെ വിദ്യാര്‍ഥികള്‍ക്ക് പഠനത്തില്‍ പ്രോത്സാഹനവും പിന്തുണയും നല്‍കുന്നതിനാണ് പരിപാടി സംഘടിപ്പിച്ചത്. കനറ ബാങ്ക് നൂല്‍പ്പുഴ ശാഖ സ്‌പോണ്‍സര്‍ ചെയ്ത നോട്ടുപുസ്തകങ്ങള്‍, പേനകള്‍ ഉള്‍പ്പെടെ സാമഗ്രികളാണ് വിതരണം ചെയ്തത്. നൂല്‍പ്പുഴ പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ നസീറ ഇസ്മയില്‍ ഉദ്ഘാടനം ചെയ്തു. സിഡിഎസ് ചെയര്‍പേഴ്‌സണ്‍ അഖില എബി അധ്യക്ഷത വഹിച്ചു. വാര്‍ഡ് അംഗങ്ങള്‍, സിഡിഎസ് എക്‌സിക്യൂട്ടീവ് അംഗങ്ങള്‍…
കോഴിക്കോട്: റേഷൻ വിഹിതംവെട്ടിക്കുറയ്ക്കാനുള്ള കേന്ദ്ര സർക്കാർ നീക്കം കേരളത്തിന് കനത്ത തിരിച്ചടിയാകുന്നു. മഞ്ഞ കാർഡുടമകളുടെ പ്രതിമാസ ധാന്യവിഹിതം വെട്ടിച്ചുരുക്കാനാണ് ഭക്ഷ്യഭദ്രത നിയമ ഭേദഗതിയിലൂടെ ലക്ഷ്യമിടുന്നത്. ഇത് നടപ്പിലായാൽ സംസ്ഥാനത്തിന് പ്രതിവർഷം ഒരു ലക്ഷം ടൺ വരെ അരി നഷ്ടമാകും. സംസ്ഥാനത്തെ ലക്ഷക്കണക്കിന് വരുന്ന സാധാരണക്കാരുടെ വയറ്റത്തടിക്കുന്നതാണ് കേന്ദ്രത്തിന്റെ പുതിയ പരിഷ്‌കാരം. നിലവിൽ ഒരു മഞ്ഞ കാർഡിന് പ്രതിമാസം 35 കിലോ ഭക്ഷ്യധാന്യമാണ് ലഭിക്കുന്നത്. എന്നാൽ പുതിയ നീക്കമനുസരിച്ച് വ്യക്തിക്ക് ഏഴ് കിലോ അരി എന്ന നിലയിലേക്ക് കാര്യങ്ങൾ…
കിണർ വൃത്തിയാക്കുന്നതിനിടെ കാൽ വഴുതി വീണ് മധ്യവയസ്കൻ മരിച്ചു. കേണിച്ചിറ ആശാൻ കവല ചുണ്ടൻ മാക്കിൽ സത്യൻ (55) ആണ് മരണപ്പെട്ടത്. ഇന്ന് രാവിലെ 11 മണിയോടെ അണ്ണാംവയൽ ചെള്ളിച്ചിറയിലുള്ള വീട്ടുമുറ്റത്തെ കിണർ വൃത്തിയാക്കുന്നതിനിടെയായിരുന്നു അപകടം സംഭവിച്ചത്. ഫയർഫോഴ്‌സ് സംഘം സ്ഥലത്തെത്തിയാണ് മൃതദേഹം പുറത്തെടുത്തത്
മുട്ടിൽ: WOVHSS മുട്ടിൽ NSS യൂണിറ്റിൻ്റെ ആഭിമുഖ്യത്തിൽ സംഘടിപ്പിച്ച എവറസ്റ്റ് വിശേഷങ്ങൾ എന്ന പരിപാടി വിദ്യാർത്ഥികൾക്ക് നവ്യാനുഭവമായി. എവറസ്റ്റ് കീഴടക്കിയ വയനാടിൻ്റെ അഭിമാനം സുഹ്റ സിറാജാണ് വിദ്യാർത്ഥികൾക്ക് എവറസ്റ്റ് അനുഭവങ്ങൾ പകർന്ന് നൽകിയത്. മഞ്ചേരി സ്വദേശിനിയും വയനാടിൻ്റെ മരുമകളുമായ സുഹ്റ എവറസ്റ്റ് കീഴടക്കുന്ന മൂന്നാമത്തെ മലയാളി വനിതയാണ്. പ്രതികൂല കാലാവസ്ഥയടക്കം നിരവധി വെല്ലുവിളികളെ അതിജീവിച്ചാണ് രണ്ട് കുട്ടികളുടെ അമ്മയായ ഈ നാൽപ്പതുകാരി തൻ്റെ സ്വപ്ന നേട്ടം കൈവരിച്ചത്. തീവ്രമായ ആഗ്രഹവും കഠിനമായ പരിശ്രമവും കൂടെയുണ്ടായാൽ ഒരു സ്വപ്നവും…
അമ്പലവയല്‍: പഞ്ചായത്തിലെ പെരുമ്പാടിക്കുന്ന് സ്മാര്‍ട്ട് അങ്കണവാടി പ്രിയങ്ക ഗാന്ധി എംപി ഉദ്ഘാടനം ചെയ്തു. കൃഷി മന്ത്രി ടി. സിദ്ദിഖ്, ഐ.സി. ബാലകൃഷ്ണന്‍ എംഎല്‍എ, പഞ്ചായത്ത് പ്രസിഡന്റ് എന്‍.സി. കൃഷ്ണകുമാര്‍, ജനപ്രതിനിധി-പൊതുപ്രവര്‍ത്തകരായ വി.എന്‍. ശശിന്ദ്രന്‍, ബീന അബു, കെ.കെ. ബാബു, പി. ഷഫീഖ്, സനില്‍ ജോണ്‍, സിജി യെല്‍ദോ, പി.എം. സുരേന്ദ്രന്‍, എം. ജിന്‍സി, പി.ടി ആമിന, എ.ആര്‍. മോഹനന്‍, പി.യു. ജോസ്, കെ.സി. ജിന്‍സി, അബ്ദുള്‍ഹക്കിം, ബാലസുബ്രഹ്മണ്യന്‍, റഷീദ്, സുരേഷ്, നിഷ സജി, ടി.ടി. സിന്ധു, ശ്രീകല,…
കൽപ്പറ്റ : കേരള-കർണ്ണാടക സർക്കാരുകളുടെ ഏകോപനത്തോടെ ബൈരക്കുപ്പ പാലത്തിനായുള്ള സാധ്യതകൾ പരിശോധിച്ചതായും സെൻട്രൽ റോഡ് ഇൻഫ്രാസ്ട്രക്ചർ ഫണ്ട് ഉപയോഗപ്പെടുത്തി പദ്ധതി വേഗത്തിൽ യാഥാർത്ഥ്യമാകുമെന്നും എം.പി പ്രിയങ്ക ഗാന്ധി വാദ്ര പറഞ്ഞു. കളക്ട്രേറ്റ് മിനി കോൺഫറൻസ് ഹാളിൽ ചേർന്ന ദിശ യോഗത്തിൽ സംസാരിക്കുകയായിരുന്നു എം.പി. ബൈരക്കുപ്പ പാലവുമായി ബന്ധപ്പെട്ട് വിഷയത്തിൽ കർണ്ണാടക മുഖ്യമന്ത്രിക്ക് കത്തയക്കുകയും പദ്ധതി പ്രദേശം നേരിട്ട് സന്ദർശിക്കുകയും ചെയ്തു. കർണ്ണാടക ഭാഗത്ത് നിന്നുള്ള വന ഭൂമിയിലൂടെയുള്ള വഴിക്ക് പകരമായി റവന്യൂ ഭൂമിയിലൂടെയുള്ള പാത കണ്ടെത്തിയതായും പദ്ധതിയ്ക്കായി…
വൈത്തിരി :-ജില്ലയിലെ സ്വകാര്യ ബസ് മേഖല നേരിടുന്ന കടുത്ത സാമ്പത്തിക പ്രതിസന്ധിക്ക് പരിഹാരം കാണാൻ സർക്കാർ അടിയന്തരമായി ഇടപെടണമെന്നാവശ്യപ്പെട്ട് നാളെ (ജൂൺ 29, തിങ്കളാഴ്ച) വയനാട് ജില്ലയിൽ സ്വകാര്യ ബസ് ഉടമകളും തൊഴിലാളി യൂണിയനുകളും ചേർന്ന് സൂചനാ പണിമുടക്ക് നടത്തും. പണിമുടക്കിന്റെ ഭാഗമായി രാവിലെ 10 മണിക്ക് ബസുടമകളും തൊഴിലാളികളും കൽപറ്റ കലക്ടറേറ്റിലേക്ക് മാർച്ചും ധർണ്ണയും നടത്തും. സംസ്ഥാന സർക്കാർ നടപ്പിലാക്കിയ ‘പ്രിയദർശിനി സ്ത്രീ സൗജന്യ യാത്രാ പദ്ധതി’ക്ക് ശേഷം ജില്ലയിലെ പ്രധാന റൂട്ടുകളിലെല്ലാം കെ.എസ്.ആർ.ടി.സി വലിയ…
മാനന്തവാടി: വയനാട് ഗവ. മെഡിക്കല്‍ കോളേജില്‍ ചികിത്സ തേടിയെത്തുന്നവരെ അധികൃതര്‍ പ്രയാസത്തിലാക്കുന്നതായി ആരോപിച്ച് സിപിഐ എം പ്രതിഷേധം. ബില്ലിങ് കൗണ്ടറില്‍ കൂടുതല്‍പെരെ വിന്യസിച്ച് തിരക്കൊഴിവാക്കണമെന്നാവശ്യപ്പെട്ടാണ് സിപിഐ എം പ്രവര്‍ത്തകര്‍ പ്രതിഷേധിച്ചത്. എല്ലാ ദിവസവും ബില്ലിങ് കൗണ്ടറിനുമുന്നില്‍ നീണ്ട നിരയാണ്. ശനിയാഴ്ച സര്‍വര്‍കൂടി പണിമുടക്കിയതോടെ ചികിത്സ തേടിയെത്തിയവര്‍ക്കും കൂടെവന്നവര്‍ക്കും ഇരട്ടി ദുരിതമായി. സര്‍വര്‍ തകരാറിലായതുകാരണം മാത്രം വിവിധ പരിശോധനകള്‍ക്കുള്ള പണമടക്കാന്‍ രണ്ടു മണിക്കൂറിലധികം വരി നില്‍ക്കേണ്ടി വന്നു. ആശുപത്രിയുമായി ബന്ധപ്പെട്ട മുഴുവന്‍ പണമിടപാടുകളും ഒരു കൗണ്ടറില്‍ മാത്രമായതിനാല്‍ മണിക്കൂറുകളോളമാണ്…
