മാനന്തവാടി : വയനാട് പുൽപ്പള്ളിയിൽ കൂമൻ എന്ന വയോധികനെ കടുവ പിടിച്ചു കൊന്ന സംഭവം അങ്ങേയറ്റം പ്രതിഷേധാർഹമാണ്. സ്വന്തം നാട്ടിൽ ഭയമില്ലാതെ ജീവിക്കാനുള്ള മനുഷ്യന്റെ മൗലികാവകാശം ഇവിടെ പരസ്യമായി ലംഘിക്കപ്പെടുകയാണെന്ന് രൂപത പ്രസിഡൻ്റ് ബിബിൻ പിലാപ്പിള്ളിൽ പറഞ്ഞു. വന്യമൃഗ ആക്രമണത്തിൽ കൊല്ലപ്പെടുന്നവരുടെ കുടുംബങ്ങൾക്ക് കുറഞ്ഞത് 50 ലക്ഷം രൂപയെങ്കിലും നഷ്ടപരിഹാരം നൽകാൻ സർക്കാർ തയ്യാറാകണം. നിലവിൽ നൽകുന്ന തുച്ഛമായ തുക സർക്കാരിനെ സാമ്പത്തികമായി ഒരു തരത്തിലും ബാധിക്കാത്തതുകൊണ്ടാണ് വന്യമൃഗ ശല്യം തടയാൻ ഭരണകർത്താക്കൾ ആത്മാർത്ഥമായി ഇടപെടാത്തതെന്ന് രൂപത…

പുൽപ്പള്ളി: വയനാട്ടിൽ ഒരിടവേളക്ക് ശേഷം വന്യമൃഗ ആക്രമണം തുടർക്കഥയാവുന്ന സാഹചര്യത്തിൽ അധികൃതർ ഉണർന്നു പ്രവർത്തിക്കണമെന്ന് നിയുക്ത ജില്ലാപഞ്ചായത്ത് അംഗം അമൽ ജോയ് ആവശ്യപ്പെട്ടു. വന്യമൃഗ ആക്രമണങ്ങളിൽ നിന്നും മനുഷ്യരുടെ സ്വത്തിനും ജീവനും സംരക്ഷണം നൽകണമെന്ന കാലങ്ങളായുള്ള വയനാട്ടുകാരുടെ ആവശ്യത്തിന് മുന്നിൽ അധികൃതർ മുഖം തിരിച്ചു നിൽക്കുന്നതിന്റെ മറ്റൊരു ഇരയാണ് ദേവർഗദ്ദയിൽ കടുവയുടെ ആക്രമണത്തിൽ കൊല്ലപ്പെട്ട കൂമൻ. കാപ്പിസെറ്റ് ചെട്ടിമറ്റം പ്രദേശത്ത് ഇറങ്ങിയ കടുവ കൂമനെ പുഴക്കരയിൽ നിന്നും കാട്ടിലേക്ക് വലിച്ചുകൊണ്ടുപോയാണ് കൊലപ്പെടുത്തിയത്. ഇത്തരം സംഭവങ്ങൾ ആവർത്തിക്കുമ്പോൾ മനസിലാകുന്നത്…

സാർവത്രിക പാലിയേറ്റീവ് പരിചരണ പരിപാടിയുടെ ഭാഗമായി ആരോഗ്യ വകുപ്പിൻ്റെയും ആരോഗ്യ കേരളത്തിൻ്റെയും ആഭിമുഖ്യത്തിൽ കൊളോസ്‌റ്റമി രോഗികളുടെ ആരോഗ്യ- ആനന്ദ സംഗമം സംഘടിപ്പിച്ചു. രോഗികളുടെ ശാരീരികവും മാനസികവുമായ ഉല്ലാസത്തിന് അവസരമൊരുക്കുകയും പരസ്പര ബന്ധങ്ങളിലൂടെയും കൂട്ടായ്മകളിലൂടെയും രോഗം മൂലമുള്ള ബുദ്ധിമുട്ടുകൾ പരിഹരിക്കുകയുമാണ് ലക്ഷ്യം.   കൽപ്പറ്റ സമസ്‌ത ഹാളിൽ വച്ച് നടന്ന പരിപാടി ആരോഗ്യ കേരളം പ്രോഗ്രാം മാനേജർ ഡോ സമീഹ സൈതലവി ഉദ്ഘാടനം ചെയ്തു. ജില്ലാ എൻ.പി.എൻ.സി.ഡി നോഡൽ ഓഫീസർ ഡോ. കെ.ആർ ദീപ അദ്ധ്യക്ഷയായ ചടങ്ങിൽ ജില്ലാ…

പടിഞ്ഞാറത്തറ: 11 വര്‍ഷങ്ങളായി കണ്ടുകിട്ടാത്ത യുവതിക്കായി തിരച്ചില്‍ വീണ്ടും ഊര്‍ജിതമാക്കി പോലീസ്. 2014 ഫെബ്രുവരിയില്‍ വീട്ടില്‍ നിന്നും കാണാതായ പടിഞ്ഞാറത്തറ, പന്തിപ്പൊയില്‍, ബപ്പനംമല, കൊല്ലരുതൊടിയില്‍ വീട്, കെ.ടി. റഹിയാനത്ത്(34)നെ കണ്ടെത്തുന്നതിനായാണ് തിരച്ചില്‍ ഊര്‍ജിതമാക്കിയത്. 2015 ജൂണിലാണ് വീട്ടുകാര്‍ നല്‍കിയ പരാതി പ്രകാരം പടിഞ്ഞാറത്തറ പോലീസ് മിസിങ് കേസ് രജിസ്റ്റര്‍ ചെയ്തത്. തുടര്‍ന്ന്, ലുക്ക്ഔട്ട് നോട്ടീസ് ഉള്‍പ്പെടെ പുറത്തിറക്കി പോലീസ് കൃത്യമായ അന്വേഷണം നടത്തിയെങ്കിലും യുവതിയെ കണ്ടെത്താനായില്ല. യുവതിയെപ്പറ്റി എന്തെങ്കിലും വിവരം ലഭിക്കുന്നവര്‍ അടുത്തുള്ള പോലീസ് സ്‌റ്റേഷനിലോ താഴെ…

നടവയൽ : നാഷണൽ സർവീസ് സ്കീം വയനാട് ജില്ല അലുംനി അസോസിയേഷൻ നേതൃത്വത്തിൽ സി എം കോളേജ് ഓഫ് ആർട്സ് ആൻഡ് സയൻസ്- കോളേജിൽ ൽ എൻ എസ് എസ് സപ്തദിന സഹവാസ ക്യാമ്പിനോടനുബന്ധിച്ചും നാഷണൽ സർവീസ് സ്കീം ന്റെ തുടർ പ്രവർത്തങ്ങൾക്കും വേണ്ടിയുള്ള നേതൃതപരിശീലന ക്യാമ്പ് നടത്തി. വയനാട് ജില്ലയിലെ വിവിധ കോളേജുകളിൽ നിന്നായി 50 ലേറെ നാഷണൽ സർവീസ് സ്കീം വളണ്ടിയർ ലീഡേഴ്സ് പങ്കെടുത്തു. സിഎം കോളേജ് പ്രിൻസിപ്പൽ ഷാഫി പുൽപ്പാറ എൻഎസ്എസ് അലുംനി…

തിരുവനന്തപുരം: അവധിക്കാലത്ത് ക്ലാസുകൾ നടത്തുന്നതിനെതിരെ കർശന നിലപാട് വ്യക്തമാക്കി വിദ്യാഭ്യാസ മന്ത്രി വി ശിവൻകുട്ടി. അവധിക്കാലത്ത് ആരെയും ക്ലാസുകൾ നടത്താൻ അനുവദിക്കില്ലെന്നും മന്ത്രി വ്യക്തമാക്കി. അവധിക്കാല ക്ലാസുകൾ സംബന്ധിച്ച് നിരവധി പരാതികൾ ലഭിച്ചതായും ഇത്തരം ക്ലാസുകൾ ഇനി അനുവദിക്കില്ലെന്നും മന്ത്രി അറിയിച്ചു. അവധിക്കാലം കുട്ടികൾ ആഘോഷിക്കാനുള്ളതാണെന്നും മാനസിക സമ്മർദ്ദങ്ങൾ ഇല്ലാതെ ആസ്വദിക്കാനുമുള്ള സമയമാണ് ഇതെന്നും അദ്ദേഹം കൂട്ടിച്ചേർത്തു. സംസ്ഥാന സ്കൂൾ കലോത്സവത്തിന്‍റെ ഷെഡ്യൂൾ പ്രകാശന ചടങ്ങിലായിരുന്നു മന്ത്രി ഇക്കാര്യം വ്യക്തമാക്കിയത്.   കലോത്സവം തൃശൂരിൽ അറുപത്തി നാലാമത്…

പാലക്കാട് :വാളയാര്‍ അട്ടപ്പള്ളത്ത് ഇതരസംസ്ഥാന തൊഴിലാളിയെ ആള്‍ക്കൂട്ടം മര്‍ദിച്ചുകൊന്ന സംഭവത്തിലെ അന്വേഷണം ക്രൈംബ്രാഞ്ചിന്. ഡിവൈഎസ്പിയുടെ നേതൃത്വത്തിലുള്ള ജില്ലാ ക്രൈംബ്രാഞ്ച് സംഘം കേസ് അന്വേഷിക്കും. ഛത്തിസ്ഗഢ് സ്വദേശി രാംമനോഹര്‍ വയ്യാറാണ് (31) കൊല്ലപ്പെട്ട സംഭവത്തില്‍ ഇതുവരെ അഞ്ച് പേരാണ് പിടിയിലായിട്ടുള്ളത്. അട്ടപ്പള്ളം സ്വദേശികളായ അനു, പ്രസാദ്, മുരളി, അനന്തന്‍, വിബിന്‍ എന്നിവരാണ് അറസ്റ്റിലായത്.   ബുധനാഴ്ച വൈകീട്ടായിരുന്നു സംസ്ഥാനത്തെ ഞെട്ടിച്ച അരുംകൊല അരങ്ങേറിയത്. മോഷണക്കുറ്റം ആരോപിച്ച് രാംമനോഹറിനെ ആള്‍ക്കൂട്ടം തടഞ്ഞുവച്ച് മര്‍ദിക്കുകയായിരുന്നു. മര്‍ദനമേറ്റ് ചോര ഛര്‍ദിച്ച് രാംമനോഹര്‍ കുഴഞ്ഞു…

 മാനന്തവാടി : അപ്പോസ്തലിക സഭകളുടെ കൂട്ടായ്മയായ എക്യുമെനിക്കൽ ക്രിസ്ത്യൻ ഫോറം മാനന്തവാടിയുടെ നേതൃത്വത്തിൽ സംയുക്ത ക്രിസ്മസ് ആഘോഷം വിപുലമായ പരിപാടികളോടെ നടത്തി. മാനന്തവാടിയിലെ 8 അപ്പോസ്തലിക സഭകളിൽ പെട്ട 9 ദേവാലയങ്ങളിൽ നിന്ന് വൈകിട്ട് 5ന് റാലികൾ ആരംഭിച്ചു. കണിയാരം സെൻ്റ് ജോസഫ്സ് കത്തീഡ്രലിൽ നിന്നും മാനന്തവാടി സെൻ്റ് ജോർജ് യാക്കോബായ സുറിയാനി പള്ളിയിൽ നിന്നും ആരംഭിച്ച റാലികളുമായി മറ്റ് ദേവാലയങ്ങളിൽ നിന്ന് ആരംഭിച്ച റാലികളും ചേർന്ന് ഗാന്ധി പാർക്കിൽ സംഗമിച്ചു. തുടർന്ന് നഗര പ്രദക്ഷണം നടത്തി…

കൽപ്പറ്റ: വണ്ടിക്കടവ് ഉന്നതികാര്‍ക്ക് വീടും സ്ഥലവും ഉറപ്പാക്കുമെന്ന് പട്ടികജാതി-പട്ടികവര്‍ഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആര്‍ കേളു. ജില്ലയിലെ ഗോത്ര മേഖലയിലെ വികസന പ്രവര്‍ത്തന വിടവുകള്‍ പരിഹരിക്കാന്‍ ജില്ലാ ഭരണകൂടത്തിന്റെ നേതൃത്വത്തില്‍ നടപ്പാക്കുന്ന ട്രൈബല്‍ ഡെവലപ്‌മെന്റ് കമ്മിറ്റി യോഗത്തില്‍ സംസാരിക്കുകയായിരുന്നു മന്ത്രി. സുല്‍ത്താന്‍ ബത്തേരി താലൂക്കില്‍ പുല്‍പ്പള്ളി ഗ്രാമപഞ്ചായത്തിലെ വണ്ടിക്കടവ് ഉന്നതിയില്‍ 60 സെന്റ് ഭൂമിയില്‍ താമസിക്കുന്ന 26 കുടുംബങ്ങളിലെ 93 പേര്‍ക്ക് ആവശ്യമായ അടിസ്ഥാന-പശ്ചാത്തല സൗകര്യം വകുപ്പ് ഒരുക്കുമെന്ന് യോഗത്തില്‍ മന്ത്രി അറിയിച്ചു.   ഉന്നതിയിലെ ഭൂരഹിത കുടുംബത്തിന് ഭൂമി…

പനമരം. വയനാട് ജില്ലനെറ്റ്ബോൾ അസോസിയേഷൻറെ ആഭിമുഖ്യത്തിൽ നടന്ന ജില്ലാ സബ് ജൂനിയർ നെറ്റ്ബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ ജിഎച്ച്എസ്എസ് പനമരം ജേതാക്കളായി .ഫൈനൽ മത്സരത്തിൽ ജിവി എച്ച്എസ് മുണ്ടേരിയെയാണ് പരാജയപ്പെടുത്തിയത്. എംഇ എം സ്കൂൾ നാലാംമൈൽ മൂന്നാം സ്ഥാനവും നേടി. വിജയികൾക്ക് അസോസിയേഷൻ ജില്ലാ സീനിയർ വൈസ് പ്രസിഡണ്ട് ശ്രീ ജോയ് സമ്മാനദാനം നടത്തി. ചടങ്ങിൽ ജില്ലാ നെറ്റ് ബോൾ അസോസിയേഷൻ ഭാരവാഹികളായ ദീപ്തി കെശോഭ കെ എന്നിവർ പങ്കെടുത്തു.