കൽപ്പറ്റ: നൈപുണി വികസനത്തിലൂടെ കേരളത്തെ വിജ്ഞാന സമൂഹമാക്കണമെന്ന് മുൻ ധനമന്ത്രിയും സാമ്പത്തിക വിദഗ്ധനുമായ ഡോ. തോമസ് ഐസക്ക്‌. കൽപ്പറ്റ എൻഎംഎസ്എം ഗവ. കോളജിൽ സംഘടിപ്പിച്ച വിജ്ഞാനകേരളം ഏകദിന ശില്പശാലയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. കാലഘട്ടത്തിന്റെ ആവശ്യങ്ങൾക്കനുസരിച്ച് വിദ്യാർത്ഥികളെ സജ്ജരാക്കുന്ന നൈപുണി വികസന കേന്ദ്രങ്ങൾ ഉന്നതവിദ്യാഭ്യാസ സ്ഥാപനങ്ങളുടെ അവിഭാജ്യ ഘടകമായി മാറണം. അക്കാദമിക പരിജ്ഞാനത്തിനൊപ്പം നൂതന തൊഴിൽ നൈപുണ്യങ്ങൾ കൂടി നൽകി സംസ്ഥാനത്തെ ഒരു വിജ്ഞാന സമൂഹമാക്കി മാറ്റുകയാണ് സർക്കാരിന്റെ ലക്ഷ്യം. മാറുന്ന കാലത്തിനനുസരിച്ച് സർവകലാശാലകളും പാഠ്യപദ്ധതികളും നവീകരിക്കേണ്ടത് അനിവാര്യമാണെന്നും…

കൽപ്പറ്റ: കൽപ്പറ്റ ഖാദി ഗ്രാമ സൗഭാഗ്യയിൽ ഓണം ഖാദി മേളയ്ക്ക് തുടക്കമായി. കൽപ്പറ്റ നഗരസഭ ചെയർമാൻ ടി ജെ ഐസക്ക് ഉദ്ഘാടനം ചെയ്തു. ഖാദി ഓണം മേള സമ്മാന പദ്ധതിയുടെ ആദ്യ വാര നറുക്കെടുപ്പും ചെയർമാൻ നിർവഹിച്ചു. ഖാദി ബോർഡ്‌ വയനാട് പ്രൊജക്റ്റ്‌ ഓഫീസർ കെ വിനോദ്, ഖാദി ഗ്രാമ സൗഭാഗ്യ മാനേജർ ഷൈജു എബ്രഹാം എന്നിവർ സംസാരിച്ചു.

വന്യമൃഗ ശല്യം രൂക്ഷമായ പൊഴുതന ഗ്രാമപഞ്ചായത്തിന് വനം വകുപ്പ് തെരുവ് വിളക്കുകൾ കൈമാറി. കൽപ്പറ്റ റേഞ്ച് പരിധിയിൽ വരുന്ന പൊഴുത ഗ്രാമപഞ്ചായത്തിലെ കറുവന്തോട്, സേട്ട്ക്കുന്ന് – മേൽമുറി ഭാഗങ്ങളിൽ സ്ഥാപിക്കാനായി ഒരു ലക്ഷം രൂപ ചെലവിട്ട് വാങ്ങി നൽകിയ 14 തെരുവു വിളക്കുകൾ ഗ്രാമപഞ്ചായത്ത് പ്രസിഡന്റ് അനസ് റോസ്ന സ്റ്റെഫിയുടെ നേതൃത്വത്തിൽ ഏറ്റുവാങ്ങി. ആയിരത്തിലധികം ആളുകൾ താമസിക്കുന്ന പ്രദേശത്ത് ദീര്‍ഘനാളായി അനുഭവിക്കുന്ന വന്യമൃഗ ശല്യത്തിന് തെരുവുവിളക്കുകൾ ഒരു പരിധിവരെ ആശ്വാസമേകുമെന്നാണ് പ്രതീക്ഷ. ദീർഘനാളത്തെ ജനകീയ ഇടപെടലിനൊടുവിലാണ് ഇത്…

വെള്ളമുണ്ട: വയനാട് ജില്ലാ പഞ്ചായത്ത്‌ വെള്ളമുണ്ട ഡിവിഷൻ പരിധിയിലെ മുഴുവൻ ആധാരം എഴുത്തുകാർക്കും ഡിവിഷന്റെ ഗ്രാമാദരപത്രവും ഉപഹാരവും വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി കൈമാറി. ഓൾ കേരള ഡോക്യുമെന്റ് റൈറ്റേഴ്സ് ആൻഡ് സ്ക്രൈബ്സ് അസോസിയേഷൻ വെള്ളമുണ്ട യൂണിറ്റ് പ്രസിഡന്റ്‌ എ.ജി പുഷ്പ്പൻ അധ്യക്ഷത വഹിച്ചു. ശോഭന എ, ചിത്രലേഖ,എ. ജി രാധാകൃഷ്ണൻ തുടങ്ങിയവർ സംസാരിച്ചു.

കൽപ്പറ്റ: സീസൺ സമയങ്ങളിൽ ജി.എസ്.ടിയും മറ്റ് സ്ക്വാഡുകളും നടത്തുന്ന കടപരിശോധനകൾ അവസാനിപ്പിക്കണമെന്ന്കേരള വ്യാപാരി വ്യവസായി ഏകോപന സമിതി യൂത്ത് വിംഗ് ജില്ലാ കമ്മിറ്റി ആവശ്യപ്പെട്ടു. കുറെ വർഷങ്ങളിലായി പ്രതിസന്ധിയിലായിരുന്ന വ്യാപാര സമൂഹത്തിന് ആകെയുളള പ്രതീക്ഷ ഓണം സീസൺ ആണ്. ഇതിനിടയിലാണ് കടയുടെ പ്രവർത്തനം തടസപ്പെടുന്ന തരത്തിലുള്ള കടപരിശോധനകൾ . ഇത് വ്യാപാര മേഖലയിൽ വലിയ പ്രതിസന്ധിയാണ് ഉണ്ടാക്കുന്നത്. ഇത്തരം കടപരിശോധനകളിൽ നിന്നും ഉദ്യോഗസ്ഥർ പിൻമാറണമെന്നും ഇല്ലെങ്കിൽ ശക്തമായി നേരിടുന്നതിനും യൂത്ത് വിംഗ് വാർഷിക ജനറൽ ബോഡിയോഗം തീരുമാനിച്ചു….

തൊണ്ടർനാട്: സാമ്പത്തിക അഴിമതിയിലും സ്വജനപക്ഷപാതത്തിലും മുങ്ങിയ തൊണ്ടർനാട് പഞ്ചായത്തിലെ ഇടത്-വലത്-ബി.ജെ.പി സംയുക്ത ഭരണസമിതിക്കെതിരെ എസ്‌ഡിപിഐ ജനജാഗ്രതാ യാത്ര സംഘടിപ്പിക്കുമെന്ന് എസ്ഡിപിഐ ജില്ലാ ജനറൽ സെക്രട്ടറി പി ടി സിദ്ദീഖ്. എസ്ഡിപിഐ തൊണ്ടർനാട് പഞ്ചായത്ത് കമ്മിറ്റി യോഗത്തിൽ സംസാരിക്കുകയായി രുന്നു അദ്ദേഹം. ജന ജാഗ്രത യാത്ര അഴിമതി വീരൻമാർക്കെതിരെയുള്ള ശക്തമായ പ്രതിഷേധമായി മാറുമെന്ന് അദ്ദേഹം കൂട്ടിച്ചേർത്തു. യോഗത്തിൽ പഞ്ചായത്ത് പ്രസിഡൻ്റ് ഇബ്രാഹീം സി അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് അബ്ദു റഹ്മാൻ, സെക്രട്ടറി സി.കെ അബു, ജോയിന്റ് സെക്രട്ടറി മുഹമ്മദലി…