“സ്വഛതാ ഹി സേവ-2026” ക്യാമ്പയിൻ്റെ ഭാഗമായി നെൻമേനി ഗവ. വനിതാ ഐ.ടി.ഐ യുടെ നേതൃത്വത്തിൽ ചുള്ളിയോട് ടൗണിലും കുടുംബാരോഗ്യ കേന്ദ്രത്തിലും സംഘടിപ്പിച്ച ശുചീകരണ പ്രവർത്തനങ്ങൾ സുൽത്താൻ ബത്തേരി ബ്ലോക്ക് പഞ്ചായത്ത് അംഗം ഷാജി കോട്ടയിൽ ഉദ്ഘാടനം ചെയ്തു. നെൻമേനി ഗ്രാമ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ രാജേഷ് നമ്പിച്ചാൻകുടി അധ്യക്ഷത വഹിച്ചു. ഗ്രാമ പഞ്ചായത്ത് അംഗം ഹനീഫ, പ്രിൻസിപ്പൽ ജീവൻ ജോൺസ് എന്നിവർ സംസാരിച്ചു.
മാനന്തവാടി: മാനന്തവാടി ഗവ. മെഡിക്കൽ കോളേജിലെ ആശുപത്രി സേവനങ്ങളും ഭരണസംവിധാനവും കൂടുതൽ കാര്യക്ഷമമാക്കണമെന്നാവശ്യപ്പെട്ട് യങ് ഡെമോക്രാറ്റ്സ് ജില്ലാ കൺവീനർ കെ എസ് മുഹമ്മദ് സകരിയ്യ മെഡിക്കൽ കോളേജ് പ്രിൻസിപ്പാളിന് നിവേദനം നൽകി. രോഗികൾക്ക് ആവശ്യമായ മരുന്നുകളും പരിശോധനകളും സമയബന്ധിതമായി ലഭ്യമാക്കുക, വിവിധ കൗണ്ടറുകളിലെ കാത്തിരിപ്പ് കുറയ്ക്കുക, ആവശ്യമായ ജീവനക്കാരുടെ സേവനം ഉറപ്പാക്കുക, ഒ.പി–വാർഡ് സംവിധാനങ്ങൾ കാര്യക്ഷമമാക്കുക, ശുചിത്വവും ശുചിമുറി–ചൂടുവെള്ള സൗകര്യങ്ങളും മെച്ചപ്പെടുത്തുക, ആവശ്യമായിടത്ത് വൺ-വിൻഡോ സംവിധാനം ഏർപ്പെടുത്തുക തുടങ്ങിയ ആവശ്യങ്ങളാണ് നിവേദനത്തിൽ ഉന്നയിച്ചത്. ആശുപത്രിയിലെ വിവിധ…
കൽപ്പറ്റ: കേരള തമിഴ്നാട് അതിർത്തി പ്രദേശമായ നമ്പ്യാർകുന്നിൽ ലോട്ടറി കടയുടമയായ യുവതിയെ കുത്തിപ്പരിക്കേൽപ്പിച്ച സംഭവത്തിൽ കേരള വ്യാപാരി വ്യവസായി ഏകോപന സമിതി വയനാട് ജില്ലാ കമ്മിറ്റി ശക്തമായി പ്രതിഷേധിച്ചു. കഴിഞ്ഞ ഞായറാഴ്ച ഉച്ചയ്ക്കാണ് പുങ്കാവനം ലോട്ടറി റീട്ടെയിലിൽ ഉടമ വിനീത രജീഷ് (32) ന് നേരെയാണ് ആക്രമണം ഉണ്ടായത്. പതിവായി ലോട്ടറി എടുത്തിട്ടും സമ്മാനം ലഭിച്ചില്ലെന്ന് ആരോപിച്ച് തമിഴ്നാട് പാട്ടവയൽ സ്വദേശിയായ ശിവകുമാർ (44) ആണ് കടയിൽ ഒറ്റയ്ക്കായിരുന്ന വിനീതയെ കത്തികൊണ്ട് ആക്രമിച്ചത്. തലയ്ക്കും കഴുത്തിനും ഗുരുതരമായി…
നല്ലൂർനാട് സര്‍വീസ് സഹകരണ ബാങ്കിലെ കവര്‍ച്ച: വയോധികന് തടവും പിഴയും 1988-ല്‍ നല്ലൂര്‍നാട് സര്‍വീസ് സഹകരണ ബാങ്കില്‍ അതിക്രമിച്ചു കയറി ആറംഗ സംഘം സ്വര്‍ണാഭരണങ്ങളും പണവും കവര്‍ന്ന കേസില്‍ വയോധികന് തടവും പിഴയും. കൊല്ലം, പള്ളിമുക്ക്, തെടിയഴിക്കത്ത് വീട്ടില്‍ അബ്ദുല്‍ സമദ്(76)നെയാണ് 13 വര്‍ഷം തടവിനും 16000 രൂപ പിഴയടക്കാനും അഡി. ജിസ്ട്രിക്ട് ആന്‍ഡ് സെഷന്‍സ് കോടതി ജഡ്ജ് എല്‍. ജയവന്ത് ശിക്ഷ വിധിച്ചത്. പിഴയടച്ചില്ലെങ്കില്‍ 10 മാസം കൂടി തടവ് അനുഭവിക്കണം. കേസില്‍ സുബൈര്‍, സുരേഷ്…
മേപ്പാടി/കൽപ്പറ്റ: ലോക ഹൃദയദിനാചരണത്തിന്റെ ഭാഗമായി ഡോ. മൂപ്പൻസ് മെഡിക്കൽ കോളേജും മൈജി ഫ്യൂച്ചറും ആസ്റ്റർ വോളന്റിയെഴ്‌സും ചേർന്ന് ഹൃദയാരോഗ്യ ബോധവത്കരണം ലക്ഷ്യമിട്ട് ‘ഹൃദയതാളം – റൺ ഫോർ ഹാർട്ട്‌ ’ എന്ന പേരിൽ സംഘടിപ്പിച്ച മിനി മാരത്തോൺ വയനാട് ജില്ലാ പോലീസ് മേധാവി ശ്രീ. എസ്. ദേവ മനോഹർ ഐപിഎസ് ഫ്ലാഗ് ഓഫ് ചെയ്തു. രാവിലെ 7.30ന് കൽപ്പറ്റ മൈജി ഫ്യൂച്ചറിൽ നിന്ന് ആരംഭിച്ച ആറു കിലോമീറ്റർ ദൈർഘ്യമുള്ള മാരത്തോൺ ടൗൺ കടന്ന് ബൈപാസ് വഴി മൈജിയിൽ…
സി പി ഐ എം വിപുലീകൃത ജില്ലാ കമ്മിറ്റി പ്രമേയങ്ങൾ തുരങ്കപാത നിർമാണം പുനരാരംഭിക്കണം വയനാടിന്റെ യാത്രാപ്രശ്‌നത്തിന്‌ ശാശ്വത പരിഹാരമായ കള്ളാടി–ആനക്കാംപൊയിൽ തുരങ്കപാത നിർമാണം പുനരാരംഭിക്കണം. മണ്ണിടിച്ചിലിനെ തുടർന്ന് നിർത്തിവച്ച നിർമാണം അനിശ്ചിതമായി ന‍ീട്ടിക്കൊണ്ടുപോകുന്നത്‌ പദ്ധതി അട്ടിമറിക്കാനാണോയെന്ന സംശയം ബലപ്പെടുത്തുന്നതാണ്‌. മണ്ണിടിച്ചിലുണ്ടായപ്പോൾ പഠനം നടത്തണമെന്ന്‌ പറഞ്ഞ്‌ നിർമാണം നിർത്തിയതാണ്‌. ഒരുമാസത്തിനകം റിപ്പോർട്ട്‌ ലഭിക്കുമെന്നാണ്‌ പറഞ്ഞത്‌. മൂന്ന്‌ മാസമാകാറായിട്ടും റിപ്പോർട്ടുപോലും സമർപ്പിച്ചിട്ടില്ല. മുഖ്യമന്ത്രി വി ഡി സതീശൻ, പ്രതിപക്ഷ നേതാവായിരിക്കുന്പോൾ പദ്ധതിയെ ശക്തമായി എതിർത്തതാണ്‌. എല്ലാ…
പനമരം: മാനന്തവാടി ഉപജില്ല സ്കൂൾ കായികമേള സെപ്റ്റംബർ 30, ഒക്ടോബർ 1 തിയ്യതികളിൽ മരവയൽ ജില്ല സ്റ്റേഡിയത്തിൽ നടക്കും. സംസ്ഥാനത്തെ ഏറ്റവും വലിയ ഉപജില്ലയായ മാനന്തവാടിയിൽ നിന്ന് 107 ഇനങ്ങളിലായി 1700 സ്കൂൾ കായികതാരങ്ങൾ പങ്കെടുക്കുന്ന കായിക മാമാങ്കത്തിനുള്ള എല്ലാ ഒരുക്കങ്ങളും പൂർത്തിയായതായി സ്വാഗതസംഘം ഭാരവാഹികളായ പനമരം പഞ്ചായത്ത് പ്രസിഡൻ്റ് ലക്ഷ്മി ആലക്കമറ്റം, എ.ഇ.ഒ സുനിൽകുമാർ, കൺവീനർ പള്ളിക്കുന്ന് സ്കൂൾ പ്രിൻസിപ്പാൾ അമ്പിളി ജോൺ എന്നിവർ പത്രസമ്മേളനത്തിൽ അറിയിച്ചു. സെപ്റ്റംബർ 30 ന് എ.ഇ.ഒ സുനിൽ…
തിരുവനന്തപുരം : സംസ്ഥാനത്ത് മഴ തുടരുമെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. നാളെ മുതല്‍ ഒറ്റപ്പെട്ട ശക്തമായ മഴയ്ക്കാണ് സാധ്യത. നാളെ രണ്ട് ജില്ലകളില്‍ മഴ മുന്നറിയിപ്പ് പ്രഖ്യാപിച്ചിട്ടുണ്ട്. പത്തനംതിട്ട, ഇടുക്കി ജില്ലകളില്‍ യെല്ലോ അലേര്‍ട്ടാണ് നല്‍കിയിരിക്കുന്നത്. ഒക്ടോബര്‍ ഒന്നിന് പത്തനംതിട്ട, കോട്ടയം, ഇടുക്കി, എറണാകുളം, പാലക്കാട്, മലപ്പുറം ജില്ലകളിലും രണ്ടിന് പത്തനംതിട്ട, ഇടുക്കി, പാലക്കാട്, മലപ്പുറം, വയനാട് ജില്ലകളിലും യെല്ലോ അലേര്‍ട്ടാണ്. ഒറ്റപ്പെട്ടയിടങ്ങളിൽ ഇന്ന് ഇടിമിന്നലോട് കൂടിയ മഴയ്ക്കും മണിക്കൂറിൽ 30-40 കിലോമീറ്റർ വരെ വേഗതയിൽ ശക്തമായ കാറ്റിനും…
മാനന്തവാടി: മാനന്തവാടി ബ്ലോക്ക് പഞ്ചായത്ത് പള്ളിക്കൽ ഡിവിഷൻ ഉപതിരഞ്ഞെടുപ്പിൽ യു.ഡി.എഫ് (കോൺഗ്രസ്) സ്ഥാനാർത്ഥി ലീല ഗോവിന്ദന് തിളക്കർന്ന വിജയം. മുൻ ബ്ലോക്ക് പഞ്ചായത്ത് അംഗമായിരുന്ന ഉഷ വിജയൻ എം.എൽ.എയായി തിരഞ്ഞെടുക്കപ്പെട്ടതിനെ തുടർന്ന് ഒഴിവുവന്ന സീറ്റാണ് യു.ഡി.എഫ് വിജയകരമായി നിലനിർത്തിയത്. ഇടവക പഞ്ചായത്തിലെ ഏഴ് വാർഡുകൾ ഉൾപ്പെടുന്നതാണ് പള്ളിക്കൽ ഡിവിഷൻ. തുടക്കം മുതലേ വിജയം ഉറപ്പിച്ചിരുന്ന യു.ഡി.എഫ് ക്യാമ്പുകൾക്ക് ആവേശം പകരുന്ന ഫലമാണ് പുറത്തുവന്നത്. ഇടവക മണ്ഡലം പ്രസിഡന്റ്, ഫാർമേഴ്സ് ബാങ്ക് ഡയറക്ടർ, എസ്.ടി പ്രമോട്ടർ എന്നീ നിലകളിൽ…
വൈത്തിരി: പൂക്കോട് കേരള വെറ്ററിനറി സർവകലാശാലയിൽ ഹോസ്റ്റൽ വാടക അന്യായമായി വർധിപ്പിച്ചതിൽ പ്രതിഷേധിച്ച് വിദ്യാർഥി സംഘടനകൾ രംഗത്ത്. നേരത്തെ പ്രതിമാസം 200 രൂപ സർവീസ് ചാർജ് മാത്രമാണ് ഈടാക്കിയിരുന്നത്. എന്നാൽ 2025 മുതൽ പ്രവേശനം നേടി ഹോസ്റ്റലിൽ താമസിക്കുന്നവരിൽ നിന്ന് മാസം 2,000 രൂപ വീതം വാടക ഈടാക്കാനാണ് സർവകലാശാലയുടെ തീരുമാനം. അതേസമയം, പഴയ വിദ്യാർഥികൾക്ക് നിലവിൽ ഈ വർധന ബാധകമാക്കിയിട്ടില്ല. ഫീസ് വർധന പിൻവലിക്കുക, ഇന്റേൺഷിപ് പൂർത്തിയാക്കിയവർക്ക് ലഭിക്കാനുള്ള അലവൻസ് ഉടൻ വിതരണം ചെയ്യുക…
