പട്ടയഭൂമിയിലെ കെട്ടിട നിർമ്മാണ നിയന്ത്രണം: കർഷകർ ദുരിതത്തിൽ; സർക്കാർ ഇടപെടണമെന്ന് എൻ.ഡി. അപ്പച്ചൻ
കൽപ്പറ്റ:1964-ലെ ലാൻഡ് അസൈൻമെന്റ് ആക്ട് പ്രകാരം കർഷകർക്ക് പതിച്ചുനൽകിയ പട്ടയഭൂമിയിൽ കെട്ടിടങ്ങൾ നിർമ്മിക്കുന്നതിന് റവന്യൂ വകുപ്പ് കർശന നിയന്ത്രണങ്ങൾ ഏർപ്പെടുത്തിയതോടെ നൂറുകണക്കിന് കർഷകർ ദുരിതത്തിലായി. വീടുകളോ, വാണിജ്യ സ്ഥാപനങ്ങളോ, കന്നുകാലിത്തൊഴുത്തുകളോ നിർമ്മിക്കാൻ അനുമതി നൽകാത്ത ഈ നടപടി അവസാനിപ്പിച്ച് കർഷകർക്ക് കെട്ടിട നിർമ്മാണത്തിനുള്ള അവകാശം തിരികെ നൽകണമെന്ന് മുൻ എം.എൽ.എയും ഡി.സി.സി. പ്രസിഡന്റുമായ എൻ.ഡി. അപ്പച്ചൻ സർക്കാരിനോട് ആവശ്യപ്പെട്ടു. വർഷങ്ങൾക്ക് മുമ്പ് ഭൂമിയുടെയും മരങ്ങളുടെയും വിലയും സർവ്വേ ചാർജ്ജുകളും നികുതിയും അടച്ചാണ് ഓരോ കുടുംബത്തിനും അഞ്ച് ഏക്കർ…