കൽപ്പറ്റ നഗരത്തിലെ പ്രമുഖ വസ്ത്ര വ്യാപാര സ്ഥാപനമായ യെസ് ഭാരത് വെഡ്ഡിംഗ് കലക്ഷനിൽ ജി.എസ്.ടി ഇന്റലിജൻസ് വിഭാഗം റെയ്ഡ് തുടങ്ങി. 40 അംഗ ഉദ്യോഗസ്ഥ സംഘമാണ് പരിശോധന നടത്തുന്നത് . വിവാഹ പാർട്ടികൾ ഉൾപ്പെടെ വസ്ത്രം എടുക്കാൻ വന്ന ഉപഭോക്താക്കളെ ഷോറൂമിൽ നിന്ന് പുറത്താക്കിയ ശേഷമാണ് ഉദ്യോഗസ്ഥർ പരിശോധന നടത്തുന്നത്. റെയ്ഡ് മണിക്കൂറുകൾ നീളുമെന്നാണ് സൂചന. സംസ്ഥാന വ്യാപകമായി നിരവധി വ്യാപാര സ്ഥാപനങ്ങളിൽ ജി .എസ്.ടി വിഭാഗം ഇന്റലിജൻസ് മിന്നൽ റെയ്ഡ് നടത്തുന്നുണ്ട് . ഇതിൻ്റെ ഭാഗമായാണ്…

പുൽപ്പള്ളി: പുൽപ്പള്ളി ശശിമല കാരക്കാട്ട് സിജോഷിന്റെ കോഴിഫാമിൽ തെരുവുനായ്ക്കൾ 100 ഓളം കോഴികളെ കൊന്നു . മൂന്ന് ദിവസങ്ങളിലായി നടന്ന ആക്രമണത്തിലാണ് വളർച്ചയെത്തിയതും മൂന്ന് കിലോയോളം തൂക്കമുള്ളതുമായ കോഴികൾ ചത്തത്. ഫാമിന്റെ സംരക്ഷണ വല തകർത്താണ് നായ്ക്കൾ ഫാമിൽ പ്രവേശിച്ചത്. പാറക്കടവിലും പരിസരങ്ങളിലും നിരവധി തെരുവുനായ്ക്കൾ അലഞ്ഞുതിരിയുന്നുണ്ടെന്നും ഇവയുടെ ശല്യം ഒഴിവാക്കാൻ പഞ്ചായത്തും മൃഗസംരക്ഷണ വകുപ്പും അടിയന്തര നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.

കാവുംമന്ദം: ഭവന നിർമ്മാണത്തിനും കാർഷിക മേഖലക്കും കായിക വികസനത്തിനും ഊന്നൽ നൽകി 18,10,42,392 രൂപ വരവും 17,84,61,690 രൂപ ചിലവും 25,80,702 രൂപ നീക്കിയിരിപ്പും വരുന്ന തരിയോട് ഗ്രാമപഞ്ചായത്തിൻ്റെ 2025 – 26 വാർഷിക ബജറ്റ് വൈസ് പ്രസിഡണ്ട് പുഷ്പ മനോജ് അവതരിപ്പിച്ചു. പ്രസിഡണ്ട് ഷമീം പാറക്കണ്ടി അധ്യക്ഷത വഹിച്ചു. മാലിന്യ സംസ്കരണം, മൃഗസംരക്ഷണം, ക്ഷീരവികസനം, ദാരിദ്ര ലഘൂകരണം, വിദ്യാഭ്യാസ – സാംസ്കാരിക മേഖല, പെയിൻ & പാലിയേറ്റീവ് ഉൾപ്പെടെ ആരോഗ്യ മേഖലയ്ക്കും മുന്തിയ പരിഗണന ബജറ്റ്…

കൽപ്പറ്റ: ജില്ലയിൽ ഗുണ്ടകൾക്കും സാമൂഹ്യവിരുദ്ധർക്കും ലഹരിമാഫിയയ്ക്കുമെതിരെ പോലീസ് നടപ്പിലാക്കിയ സ്പെഷ്യൽ ഡ്രൈവിൽ ഇന്നലെ (15.03.2025) മാത്രം പിടികിട്ടാപുള്ളികളായ (എൽ.പി വാറണ്ട് ) 23 പേരെയും വാറണ്ട് കേസിൽ പ്രതികളായ 77 പേരെയും പിടികൂടി. കൂടാതെ 29 പേരെ കരുതൽ തടങ്കലിൽ വയ്ക്കുകയും 42 പേർക്കെതിരെ നർകോട്ടിക് ഡ്രഗ്സ് ആൻഡ് സൈകോട്രോപിക് സബ്സ്റ്റൻസസ് ആക്ട് (എൻ.ഡി.പി.എസ് ആക്ട് ) പ്രകാരവും 65 പേർക്കെതിരെ അബ്കാരി ആക്ട് പ്രകാരവും, മദ്യലഹരിയിൽ വാഹനമോടിച്ച 45 പേർക്കെതിരെയും കേസെടുത്തു. ജില്ലയിൽ ഇന്നലെ (15.03.2025)…

മാനന്തവാടി: വയനാടിന്റെ ദേശീയ ഉത്സവമായി അറിയപ്പെടുന്ന വള്ളിയൂർക്കാവ് ആറാട്ടു മഹോത്സവത്തോടനുബന്ധിച്ചു പല ദിനങ്ങളിലായി നടക്കുന്ന വിവിധ കലാമത്സരപരിപാടികളിലെ വിജയികൾക്ക് നൽകുവാനായി വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി വകയായുള്ള സമ്മാനങ്ങൾ ക്ഷേത്ര ഭാരവാഹികൾ ചേർന്ന് ഏറ്റുവാങ്ങി. വള്ളിയൂർക്കാവ് ആറാട്ടുമഹോത്സവത്തിനു ജാതി മത ഭേദമന്യേ ജന ലക്ഷങ്ങളാണ് എത്തുന്നത്. ഇത് സ്നേഹത്തിന്റെയും സഹോദര്യത്തിന്റെയും മഹത്തായ അടയാളമാണെന്ന് ജുനൈദ് കൈപ്പാണി പറഞ്ഞു. വള്ളിയൂർക്കാവ് ഭഗവതി ദേവസ്വം ട്രസ്റ്റിമാരായ ഏച്ചോം ഗോപി, ഇ. പത്മനാഭൻ, ടി.കെ….