Category: Uncategorized

മാനന്തവാടി നഗരസഭയിൽ മുഴുവൻ സേവനങ്ങളും ഡിജിറ്റലൈസ് ചെയ്യുന്നതിന്റെ ഭാഗമായി കെ സ്മാർട്ട് സോഫ്റ്റ്‌വെയറിന് തുടക്കം കുറിച്ചു. നഗരസഭ ചെയർപേഴ്സൺ സി.കെ രത്നവല്ലി കെ സ്മാർട്ട് സംവിധാനത്തിലൂടെയുള്ള ആദ്യത്തെ ആപ്ലിക്കേഷൻ സിറ്റിസന്‍‍ ഫെസിലിറ്റേഷന്‍ സെന്‍ററിലൂടെ സ്വീകരിച്ച് ഉദ്ഘാടനം നിർവഹിച്ചു. വൈസ് ചെയർപേഴ്സൺ ജേക്കബ് സെബാസ്റ്റ്യൻ അധ്യക്ഷത വഹിച്ചു. ടെക്നിക്കൽ ഓഫീസർമാരായ പി.ടി സ്വരൂപ് , കെ ശ്രീജിത്ത് എന്നിവർ കെ സ്മാർട്ടിനെക്കുറിച്ച് സംസാരിച്ചു. തദ്ദേശസ്വയംഭരണ സ്ഥാപനങ്ങൾ വഴി ലഭ്യമാക്കുന്ന ജനന – മരണ രജിസ്‌ട്രേഷൻ, നിർമ്മാണ പെർമിറ്റ് തുടങ്ങിയ…

തിരുനെല്ലി: അപകടം പതിവായ തോല്‍പ്പെട്ടി നായ്‌ക്കെട്ടി പാലത്തിന് കൈവരിയൊരുങ്ങുന്നു.ജില്ലയിലെ പത്ത് പാലങ്ങള്‍ നവീകരിക്കുന്ന പദ്ധതിയില്‍ ഉള്‍പ്പെടുത്തിയാണ് പാലത്തിന് പൊതുമരാമത്ത് വകുപ്പ് കൈവരിയൊരുക്കുന്നത്. കൈവരികളുടെ നിര്‍മ്മാണവും, പെയിന്റിംഗ് ജോലികളും ഒരാഴ്ചകക്കം പൂര്‍ത്തിയാകും. തോല്‍പ്പെട്ടി ചെറിയ നായ്ക്കട്ടിയിലെ പാലം കാലപ്പഴക്കം ചെന്നതാണ്. പാലത്തിന്റെ കൈവരികള്‍ പൂര്‍ണമായും തകര്‍ന്നിരുന്നു. പാലത്തിന് വീതിയും കുറവാണ്. നേരമിരുട്ടിയാല്‍ കാട്ടാന ഉള്‍പ്പെടെയുള്ള വന്യമൃഗങ്ങള്‍ വിഹരിക്കുന്ന പാതയാണിത്.സ്ഥിരമായി അപകടമുണ്ടാകുന്ന പ്രദേശമാണിത്. പാലത്തിന്റെ ഇരുഭാഗത്തും വേഗതാ നിയന്ത്രണ വരമ്പുകള്‍ ഉണ്ടെങ്കിലും നല്ല റോഡായതിനാല്‍ വേഗത്തിലെത്തുന്ന വാഹനങ്ങള്‍ ഇടുങ്ങിയ പാലത്തിനടുത്തെത്തുമ്പോള്‍…

പനമരം: ബദറുല്‍ ഹുദാ അക്കാദമിയില്‍ ‘സെന്‍സിംഗ് ദ സ്‌പേസസ്’ എന്ന പ്രമേയത്തില്‍ ദ്വിദിന ലൈഫ് ഫെസ്റ്റിവല്‍ തുടങ്ങി. അക്കാദമി ജനറല്‍ സെക്രട്ടറി പി. ഉസ്മാന്‍ മുസ്‌ലിയാര്‍ പതാക ഉയര്‍ത്തി. ഇന്നു വൈകുന്നേരം നാലിന് സാംസ്‌കാരിക സംഗമം ടി. സിദ്ദീഖ് എംഎല്‍എ ഉദ്ഘാടനം ചെയ്യും.കാമ്പസ് ഇന്‍ ചാര്‍ജ് റഷീദുദ്ദീന്‍ ശാമില്‍ ഇര്‍ഫാനി കാന്തപുരം അധ്യക്ഷത വഹിക്കും. ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജുനൈദ് കൈപ്പാണി മുഖ്യാതിഥിയാകും. സ്ഥാപന കാര്യദര്‍ശി പി. ഉസ്മാന്‍ മൗലവി ആമുഖ പ്രഭാഷണം…

മീനങ്ങാടി : പ്രായപൂർത്തിയാവാത്ത കുട്ടിക്കെതിരെ ലൈംഗീകാതിക്രമം നടത്തിയ കേസിൽ പ്രതിക്ക് വിവിധ വകുപ്പുകളിലായി 65 വർഷവും കൂടാതെ ഇരട്ട ജീവപര്യന്തം കഠിന തടവും 5.10 ലക്ഷം രൂപ പിഴയും ശിക്ഷ വിധിച്ചു. ബഹു : കൽപ്പറ്റ ഫാസ്റ്റ് ട്രാക്ക് സ്പെഷൽ കോടതി ജഡ്ജ് കെ.ആർ.സുനിൽകുമാറാണ് ശിക്ഷ വിധിച്ചത്. 2016 മുതൽ കുട്ടിക്കെതിരെ മൂന്ന് വർഷത്തോളം ലൈംഗീകാതിക്രമം നടത്തിയെന്നും പുറത്തു പറഞ്ഞാൽ കൊല്ലുമെന്നും ഭീഷണിപ്പെടുത്തിയെന്ന പരാതിയിൽ 2019-ലാണ് കേസ് രജിസ്റ്റർ ചെയ്തത്. അമ്പലവയൽ പോലീസ് സ്റ്റേഷനിൽ രെജിസ്റ്റർ ചെയ്ത…

മാനന്തവാടി: ഐ.സി.ഡി.എസ് പദ്ധതിക്കും, അങ്കന്‍വാടി ജീവനക്കാര്‍ക്കും ഭീഷണി ഉയര്‍ത്തുന്ന കേന്ദ്ര സര്‍ക്കാര്‍ നയങ്ങള്‍ക്കെതിരെ അങ്കന്‍വാടി വര്‍ക്കേഴ്‌സ് ആന്റ് ഹെല്‍പ്പേഴ്‌സ് അസോസിയേഷന്‍ മാനന്തവാടി പ്രോജക്ട് കമ്മിറ്റിയുടെ നേതൃത്വത്തില്‍ ഐ.സി.ഡി.എസ് ഓഫീസിന് മുമ്പില്‍ ധര്‍ണ്ണാ സമരം നടത്തി. സി.ഐ.ടി.യു ജില്ലാ പ്രസിഡന്റ് പി.വി സഹദേവന്‍ ധര്‍ണ്ണ ഉദ്ഘാടനം ചെയ്തു. എലിസബത്ത് അധ്യക്ഷത വഹിച്ചു, പി.എസ് രമാദേവി, ഷീബ, പി.വി ഗ്രേസി, മഞ്ജുഷ എന്നിവര്‍ സംസാരിച്ചു, സി.പി ഷൈല, മല്ലിക, രത്‌നമ്മ, ജ്യോതി, ശ്രീലത എന്നിവര്‍ നേതൃത്വം നല്‍കി.