മാനന്തവാടി: മുനിസിപ്പാലിറ്റിയിലെ അമൃത നഗറിൽ കെഎസ്ഇബി വൈദ്യുത ലൈനിൽ നിന്നുണ്ടായ സ്പാർക്കിനെത്തുടർന്ന് തെങ്ങിന് തീപിടിച്ചു. വിവരം ലഭിച്ചതിനെ തുടർന്ന് മാനന്തവാടി അഗ്നിരക്ഷാനിലയത്തിൽ നിന്നുള്ള സേനാംഗങ്ങൾ സ്ഥലത്തെത്തി ഹോസ് റീൽ ഹോസ് ഉപയോഗിച്ച് വെള്ളം പമ്പ് ചെയ്ത് തീ നിയന്ത്രണവിധേയമാക്കി. ഫയർ ആൻഡ് റെസ്‌ക്യൂ ഓഫീസർമാരായ പി.കെ. രാജേഷ്, അഭിജിത്ത് സിബി, രാജേഷ് ആർ., രതീഷ് കെ., ഹോം ഗാർഡുമാരായ രൂപേഷ് വി.ജി., ബിജു എം.എസ്. എന്നിവർ രക്ഷാപ്രവർത്തനത്തിൽ പങ്കെടുത്തു.

പനമരം: പനമരം ഗ്രാമപഞ്ചായത്ത് 2026-27 വർഷത്തെ കേരളോത്സവനടത്തിപ്പുമായി ബന്ധപ്പെട്ട് സംഘാടക സമിതി രൂപീകരിക്കുന്നതിനായി ഒക്ടോബർ 24ന് യോഗം ചേരുന്നു. അന്ന് ഉച്ചയ്ക്ക് 2.30 മണിക്ക് പഞ്ചായ ത്ത് കോൺഫറൻസ് ഹാളിലാണ് യോഗം നിശ്ചയിച്ചിരിക്കുന്നത്. ജില്ലാ യൂ ത്ത് പ്രോഗ്രാം ഓഫീസറുടെ കത്തിന്റെയും തദ്ദേശ സ്വയംഭരണ വകുപ്പിന്റെ സർക്കാർ ഉത്തരവിന്റെയും അടിസ്ഥാനത്തിലാണ് കേരളോത്സവ സംഘാട ക സമിതി രൂപീകരിക്കുന്നത്. ഒക്ടോബർ 24 ശനിയാഴ്‌ച നടക്കുന്ന യോഗ ത്തിൽ ജനപ്രതിനിധികൾ, ക്ലബ്ബ് ഭാരവാഹികൾ, കായികസാംസ്ക‌ാരിക രംഗത്തെ പ്രമുഖർ തുടങ്ങിയവർ നിർബന്ധമായും…

കൽപ്പറ്റ: ബ്രിട്ടീഷ് ഇന്ത്യയുടെ കാലം മുതൽ സ്വാതന്ത്ര്യാനന്തര ഇന്ത്യയുടെ ചരിത്രം വരെ അടയാളപ്പെടുത്തിയ അപൂർവ പത്രങ്ങളും ചരിത്രരേഖകളും സൂക്ഷിച്ച് വയനാട്ടിലെ മാധ്യമപ്രവർത്തകൻ മഹേഷ് ചീക്കല്ലൂർ. ഏച്ചോം സ്വദേശിയായ മഹേഷിന്റെ ശേഖരത്തിൽ ഇന്ത്യയുടെ ചരിത്രത്തിലെ നിർണായക സംഭവങ്ങൾ രേഖപ്പെടുത്തിയ പഴയ പത്രങ്ങൾക്കൊപ്പം ഈസ്റ്റ് ഇന്ത്യാ കമ്പനിയുടെ കാലത്തെ രേഖകളും വിവിധ രാജ്യങ്ങളിലെ നാണയങ്ങളും കറൻസികളും സ്റ്റാമ്പുകളും ഉൾപ്പെടുന്നു.   സ്വതന്ത്ര ഇന്ത്യയുടെ ചരിത്രത്തിലെ സുപ്രധാന സംഭവങ്ങൾ അടയാളപ്പെടുത്തിയ നിരവധി പത്രങ്ങൾ ഇന്നും കേടുപാടുകൾ കൂടാതെ സംരക്ഷിച്ചുവെച്ചിട്ടുണ്ട്. മഹാത്മാഗാന്ധിയുടെ വധത്തിനു…

മാനന്തവാടി: വിൽപ്പനയ്ക്കായി കഞ്ചാവ് കൈവശം വെച്ചെന്ന കേസിൽ രണ്ട് യുവാക്കളെ മാനന്തവാടി പോലീസ് പിടികൂടി. ചൂട്ടക്കടവിൽ വെച്ച് 65 ഗ്രാം കഞ്ചാവുമായാണ് ഇവർ പിടിയിലായത്. കൊണിയൻമുക്ക് ഇസ്മായിൽ വീട്ടിൽ ഫസീൽ (19), പാലമുക്ക് കുവയിൽ വീട്ടിൽ മുഹമ്മദ് സിയാദ് (19) എന്നിവരാണ് പിടിയിലായത്. മാനന്തവാടി പോലീസ് സ്റ്റേഷനിലെ എസ്.ഐമാരായ ആനന്ദ് ടി., സുനിൽകുമാർ കെ.എൻ. എന്നിവരുടെ നേതൃത്വത്തിലായിരുന്നു നടപടി. സി.പി.ഒമാരായ സനൂപ്, ജബിൻ ജോയ് തുടങ്ങിയവരും സംഘത്തിലുണ്ടായിരുന്നു.

സുൽത്താൻ ബത്തേരി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്നും എസ്‌ഐആർ പ്രകാരം തയ്യാറാക്കിയ വോട്ടർപട്ടിക റദ്ദാക്കണമെന്നും ആവശ്യപ്പെട്ട് എസ്ഡിപിഐ സുൽത്താൻ ബത്തേരി മണ്ഡലം കമ്മിറ്റി പ്രതിഷേധം സംഘടിപ്പിച്ചു.   വോട്ടവകാശം സംരക്ഷിക്കുന്നതിലും തിരഞ്ഞെടുപ്പ് പ്രക്രിയയുടെ സുതാര്യത ഉറപ്പാക്കുന്നതിലും തിരഞ്ഞെടുപ്പ് കമ്മീഷൻ ഉത്തരവാദിത്തം പാലിക്കണമെന്ന് പ്രതിഷേധം ഉദ്ഘാടനം ചെയ്ത എസ്ഡിപിഐ ജില്ലാ വൈസ് പ്രസിഡന്റ് ഇ. ഉസ്മാൻ ആവശ്യപ്പെട്ടു. എസ്‌ഐആർ നടപടികളിലൂടെ വോട്ടർമാർക്ക് അവകാശനിഷേധം ഉണ്ടാകുന്ന സാഹചര്യം അംഗീകരിക്കാനാവില്ലെന്നും ഗ്യാനേഷ് കുമാറിനെ തൽസ്ഥാനത്തുനിന്ന് നീക്കണമെന്നും അദ്ദേഹം പറഞ്ഞു….